Matthieu 5:19 - Takarata pɛ Sɔ Mbombe Mbon

¹⁹ Hazu ɛngi, ka ma wi tukolo ma bebe mbonga ndang, nɛ ka wɛnɛ osi mɛgi ha hio wi, wɛnɛ bedung nɛ bebea gdang ha *Kongakandɔ Ngɔn. Ma, wi ka de mɔ lɛm nɛ mbonga, nɛ ka osi yo mɛgi ha hio wi, bedung nɛ gasaa ha Kongakandɔ Ngɔn.

Matthieu 5:19 Iomraidhean Croise

Matthieu 11:11

Mi tɔ ha ɛnɛ kpasawen nde, ɛ tɛ bhɛ ma wi ka dung nɛ gasaa pen Jean ndang na. Ma, wi kɛ ka dung nɛ bebea fɛt ha zang *Kongakandɔ Ngɔn, nê zioa pen Jean.

Matthieu 19:28

Nɛ Jésus tɔa ha mbwa: «Kpasawen, mi tɔ ha ɛnɛ nde, ha ngimɔ ka mi, *Bewei pɛ Wi, bedung *kongapora ha zu lɛkɛ-lɛkɛ solowan pɔm ha mbombe nzan, ɛnɛ fɛt bhukɔ gbala bwa ka ndara mi, ɛnɛ bedung ha zu solowan mɛ gɔn kita ha zu hio kandɔ pɛ *Israel bhukɔ gbala bwa.

Matthieu 20:26

Ma, yo lɛm dung gbesi ha soko ɛnɛ na. Wi ka ngoy mɛ dung nɛ gasaa ha soko ɛnɛ, lɛma nde, wɛnɛ adung nê wan-tom pɛ ɛnɛ fɛt.

Matthieu 28:20

Nɛ ɛnɛ osi ha mbwa wal mɛ pam hio mɔ fɛt ka mi haa nua ha ɛnɛ. Nɛ ɛnɛ aing nde, mi dung hinɛ ɛnɛ swe fɛt tee, hɔ ha kpogio nzan.»

Dede Wen hazu Jésus-Christ ka Luc ngɛraka 1:15

Hazu a bedung nê konga wi ha li Kongawan Sɔ. Nɛ wɛnɛ bezim li vigne nɛ hio dɔkɔ fɛt, nɛ a bedon nɛ *Nzɔy-Sɔtɛ nisi ha zang nana wa.

Dede Wen hazu Jésus-Christ ka Luc ngɛraka 11:42

Ngɔtɛ ha ɛnɛ, hio Farizien! Ɛnɛ ha suotɛ hazu ɛnɛ ha kuo zu bebe mɔ tuka va, salala, nɛ wakpo fɛt ha Sɔ. Ma, ɛnɛ ela mɛ de nzengmɔ ha tɛ wi, nɛ mɛ ngoy Sɔ. Lɛma nde, ɛnɛ ade mɔ ndɔng, nɛ ɛnɛ alak haa zu mɔ fin gde na!

Dede Wen hazu Jésus-Christ ka Luc ngɛraka 9:48

Nɛ a tɔa ha mbwa: «Wi ka baa bem ɛngɛ nɛ dede kɔ hazu ling mi, wia baa mi. Nɛ wi ka baa mi, baa wi ka tomsa mi. Hazu wi ka dung nɛ bebea ha soko ɛnɛ fɛt, yo nê wɛnɛ ka dung nɛ gasaa.»

Deamɔ 1:1

Dede Théophile, ha bosi takarata ka mi bangɛriki ha mɛ, mi batɔ ngbak wen mɔ, ka Jésus dea nɛ osa, angiri ha bosi ngimɔ,

Rome 3:8

Ka mɛ takiri mɔ mɛgi, mɛ betɔ fin nde, ɔ ade gdangamɔ tuka nde, yo agbasi dedemɔ ka Sɔ de. Hio ma wi ha tɔa gdanga lingtɛ mi nde, mi ha tɔa tili wen mɛgi. Yo nê Sɔ ka begɔn kita ba mbwa, hazu mbwa lɛma nɛ kita pɛa.

Rome 6:1

Mɛgi, ɔ betɔ nde ge? Ɔ bebhɔn ka ha dea gdangamɔ nde, ka Sɔ ade *dede sila ha tɛ ɔ pen mɔ sɔngsi nde?

Rome 6:15

Ɔ bo fin ha si *mbonga na, ɔ dung ha si *dede sila pɛ Sɔ. Mana ɛngi ngoy mɛ tɔ nde, ɔ ade gdangamɔ, nde? Way! Yo bo mɛgi na.

1 Timothée 6:11

Ma, mɛ ka dung nê wi pɛ Sɔ, mɛ sɔsi mɔ ndɔng ki fɛt. Mɛ ki wal mɛ dung nzeng nɛ mboazu ha li Sɔ. Mɛ bhɔn ka ha mɛkara Christ, mɛ ngoy ma mɛ, mɛ dung nɛ yikosila, nɛ fin nɛ gaa sila.

Tite 3:8

Wen ndɔng ka mi tɔa, yo nê tɛwen. Mi ngoya nde, mɛ aputiri yo swe fɛt ha wi ndɔng ka mɛkara Sɔ, tuka nde, mbwa agbɛngsi tɛ nɛkpasa ha dea dedemɔ. Ɛngi nɛ dedea, nɛ yo ha gbakara hio wi.

1 Pierre 5:4

Ka ɛnɛ de mɛgi, wan-zu hio zaoro sami bekɛ ɛnɛ ha ngimɔ ka wɛnɛ begbasi tɛ wa. Yo tɔ nde, a beha ɛnɛ lɛkɛ-lɛkɛmɔ pɛa ka bebhɔn kpoo.

1 Jean 3:4

Wi fɛt ka de gdangamɔ, kafi *mbonga pɛ Sɔ. Hazu dea gdangamɔ, yo nê kafa mbonga pɛ Sɔ.

Gbasamɔ 2:20

Ma, mi nɛ mɔ sungiri ɛnɛ nde, ɛnɛ gdea wal ha Yezabel, bhoko ɛngɛ ka ba tɛ wa tuka *wan-tɔkuliwen. Nɛ wal osamɔ pɛa, a osala hio wan-tom pɔm nde, mbwa ade wanza, nɛ mbwa ayɔng sari sadaka pɛ hio gbele sɔ.