Matthieu 5:15 - Takarata pɛ Sɔ Mbombe Mbon

¹⁵ Tuka ɛngi, ma wi ndang gde we ha lamba nɛ gde yo ha si kpana na. Ma, a beku yo gde ha zu solo lamba, tuka nde, hio wi ha zang twa azɔk saamɔa.

Matthieu 5:15 Iomraidhean Croise

Marc 4:21

Jésus tɔa fin ha mbwa: «Wi lɛm gde we ha lamba hazu ku yo gde ha si kpana, mana ha si yala na. Ma, a begde yo ha zu solo lamba.

Dede Wen hazu Jésus-Christ ka Luc ngɛraka 11:33

«Ma wi ndang du we ha lamba nɛ wusi yo mana gde yo ha si kpana na. Ma, a beku yo gde ha zu solo lamba, tuka nde hio wi ka le twa azɔk saamɔa.

Dede Wen hazu Jésus-Christ ka Luc ngɛraka 11:36

Hazu ka tɛ mɛ don nɛ saamɔ fɛt, nɛ ka ma bhalkɔa ndang bhɔn nɛ tutum na, mɛ bedung nɛ saa fɛt tuka ka lamba ba ha tɛ mɛ nɛ yoloa.»

Dede Wen hazu Jésus-Christ ka Luc ngɛraka 8:16

«Wi ka gdea we ha lamba, lɛm gok yo mana gde yo ha si yala ndang na. Ma, ɛ begde yo ha zu solo lamba tuka nde, wi ndɔng ka bele twa azɔk saamɔa.

Filipe 2:15

tuka nde, ɛnɛ adung nê hio bem pɛ Sɔ ka bo nɛ ma wen hazu mbwa na. Lɛma nde, ɛnɛ adung nɛ saa, nɛ nzeng ha soko hio wi mɔ nzan ka de kalbho-kalbho mɔ nɛ mɔ tum. Ɛnɛ aba ha soko mbwa tuka hio sɔla ha ngɔn.

Hebro 9:2

Mbwa bɛa twa ɛngɛ nɛ la. Bosi gdɔku twa ɛngɛ, ɛ sa linga nde, nzɔy bhandi. Haki, mbwa gdea solo lamba nɛ tabolo ang, tabolo ka hio nzɔy mampa pɛ Sɔ ha lia.

Gbasamɔ 2:5

Tazu ɛnɛ agba nɛ bhandi ka ɛnɛ dungɔ ang bhil tek ha nu. Ɛnɛ akifiri sila nɛ de fin mɔ gbesi tuka ha bosia. Ka bo mɛgi na, mi betɛ ha pɛ ɛnɛ tɛ ku solo lamba pɛ ɛnɛ yunɛ.