Matthieu 5:14 - Takarata pɛ Sɔ Mbombe Mbon

¹⁴ «Ɛnɛ nê saamɔ mɔ nzan. Ɛ lɛm wusi gasa le ka dung ha zu ngari na.

Matthieu 5:14 Iomraidhean Croise

Jean 12:36

Lɛma nde, ɛnɛ amɛkiri saamɔ ha ngimɔ ka yo bhɔna ka hinɛ ɛnɛ, tuka nde, ɛnɛ atɛ nɛ hio wi ka dung ha zang saamɔ.» Hapata ka Jésus tɔa wen ndɔng kari, wɛnɛ pena nɛ wusi tɛ wa.

Jean 5:35

Jean badung tuka lamba ka wea baa, nɛ ɛnɛ dea totɛ ha yoloa ngimɔ tikiring.

Jean 8:12

Hapata, Jésus osamɔ ha hio giliwi nɛ mbinga. A tɔa: «Mi nê saamɔ ka ba ha nzan. Wi ka ndari mi, a lɛm nɛ nɔ ha zang tutum fin na, hazu wɛnɛ kpaa saamɔ ka ha tunɔ.»

Jean 9:5

Ha ngimɔ ka mi ang ha nzan, mi nê saamɔ ka ba ha nzan.»

2 Korente 6:14

Ka ɛnɛ adung ha ndanga litom ndang hinɛ hio wan-kafi Sɔ na. Nzengmɔ hinɛ gdangamɔ lɛma de sɔy hinɛ may mɛng? Saamɔ hinɛ tutum lɛma dung ha ndanga bhandi ndang mɛng?

Filipe 2:15

tuka nde, ɛnɛ adung nê hio bem pɛ Sɔ ka bo nɛ ma wen hazu mbwa na. Lɛma nde, ɛnɛ adung nɛ saa, nɛ nzeng ha soko hio wi mɔ nzan ka de kalbho-kalbho mɔ nɛ mɔ tum. Ɛnɛ aba ha soko mbwa tuka hio sɔla ha ngɔn.

1 Tesalonike 5:5

Hazu, ɛnɛ fɛt nê hio wi pɛ saamɔ, ɛnɛ nê hio wi mɔ gasa swe. Ɔ hinɛ ɛnɛ fɛt, ɔ bo nê pɛ zɛ mana pɛ tutum na.

Gbasamɔ 1:20

Goto hio sɔla mɔrkɔ zanga bwa ka mɛ zɔka ha zang wekɔ mi, nɛ goto solo lamba mɔ gbɛbolo mɔrkɔ zanga bwa, yo nde, sɔla mɔrkɔ zanga bwa nê hio *telenge pɛ hio giliwi mɔ eglize mɔrkɔ zanga bwa, nɛ solo lamba mɔrkɔ zanga bwa nê hio giliwi mɔ eglize mɔrkɔ zanga bwa.»

Gbasamɔ 2:5

Tazu ɛnɛ agba nɛ bhandi ka ɛnɛ dungɔ ang bhil tek ha nu. Ɛnɛ akifiri sila nɛ de fin mɔ gbesi tuka ha bosia. Ka bo mɛgi na, mi betɛ ha pɛ ɛnɛ tɛ ku solo lamba pɛ ɛnɛ yunɛ.