Matthieu 4:12 - Takarata pɛ Sɔ Mbombe Mbon

¹² Ka Jésus zea nde, ɛ pio *Jean wan-gdumsiwi ha zɔbhɔ, a daka tɛ nɛ ha kandɔnu Galile.

Matthieu 4:12 Iomraidhean Croise

Matthieu 11:2

Ha ngimɔ ɛngi, Jean wan-gdumsiwi dungɔ ha twa zɔbhɔ, nɛ wɛnɛ zea kasi tom pɛ Christ. Mɛgi a tomsa hio ma wan-yambimɔ pɛa,

Matthieu 14:3

Fio pɛ Jean wan-gdumsiwi dungɔ se mɛgɛ: Kongapora Herode basi Herodiade, ko pɛ bebe ya wa Philippe, ngase ka wɛnɛ bhɔna nɛ zutunɔ. Mɛgi Jean tɔa ha Herode nde, wɛnɛ lɛm si ko pɛ ya wa na. Nɛ Herode haa nu nde, ɛ aba Jean sang nɛ pi ha zɔbhɔ.

Marc 1:14

Hapata ka Herode pio Jean ha zɔbhɔ, Jésus nɛa ha Galile. Nɛ a bulo *Dede Wen pɛ Sɔ,

Marc 6:17

Fio pɛ Jean wan-gdumsiwi dungɔ se mɛgɛ: Kongapora Herode basi Herodiade, ko pɛ bebe ya wa Philippe, ngase wɛnɛ bhɔna nɛ zutunɔ. Mɛgi Jean tɔa ha Herode: «Mɛ lɛm si ko pɛ ya mɛ na.» Nɛ Herode haa nu nde, ɛ aba Jean sang, nɛ pi ha zɔbhɔ.

Dede Wen hazu Jésus-Christ ka Luc ngɛraka 23:5

Nɛ hio wan-fundi Jésus nɔsasa Pilate nɛkpasa, mbwa tɔa: «Nɛ wal osamɔ pɛa wɛnɛ aa sɔkira ha kandɔ sungiri nɛ kongapora Sezar. A angara ha Galile hɔ ha Judée fɛt, nɛ sising a hɔa hakɛ fin.»

Dede Wen hazu Jésus-Christ ka Luc ngɛraka 3:20

Mɛgi Herode aa ma gdangamɔ fin ha zu hio gdangamɔ pɛa fɛt, ka wɛnɛ pio Jean ha zɔbhɔ.

Dede Wen hazu Jésus-Christ ka Luc ngɛraka 4:14

Jésus kiforo tɛ si ha Galile nɛ a dona nɛ ngatɛ pɛ *Nzɔy-Sɔtɛ. Ɛ baa kasi tɛ wa dam kandɔnua fɛt.

Dede Wen hazu Jésus-Christ ka Luc ngɛraka 4:31

Jésus nɛa ha le Kapernaum ha kandɔnu Galile. Ha *swe ɔmtɛ a osa mɔ ha hio wi haki.

Jean 1:43

Yala ndang hapata, Jésus ngoya mɛ nɛ ha kandɔnu Galile. Nɛ ka wɛnɛ kpaa Philippe, a tɔa ha wɛnɛ: «Mɛ ndari mi!»

Jean 2:11

Ɛngɛ nê bosi *mɔweka pɛ Jésus. A dea yo ha Kana, ha kandɔnu Galile. Yo gbasa ziomɔ pɛa ha li hio wi, nɛ hio wan-yambimɔ pɛa mɛkara wɛnɛ.

Jean 3:24

Yo dungɔ sɔngsi ing, ki ɛ tɛ pi Jean ha zɔbhɔ.

Jean 4:43

Hapata yala ndɔng bwa, Jésus guotɛ haki nɛ ha kandɔnu Galile.

Jean 4:54

Ɛngɛ nê zebwa mɔweka ka Jésus dea. A dea yo hapata ka wɛnɛ guotɛ ha Judée si ha Galile.