Matthieu 4:10 - Takarata pɛ Sɔ Mbombe Mbon

¹⁰ Nɛ Jésus kiforo wen: «Mɛ pen Satan! Takarata pɛ Sɔ tɔa nde, mɛ alukisi Kongawan, Sɔ pɛ mɛ, nɛ mɛ ade tom Sɔ ha wɛnɛ ndang sɔna.»

Matthieu 4:10 Iomraidhean Croise

Matthieu 16:23

Ma, Jésus kiforo tɛ tɔ ha Pierre: «Mɛ pen ha li mi, *Satan! Mɛ nê ta mɔ kɔ nanga ha liwal pɔm, hazu mɛ takiri mɔ tuka Sɔ na, ma, tuka wi.»

Marc 1:13

A dungɔ yala bhukɔa nar ha kpɛnu, nɛ Satan wea sila wa. A dungɔ ha soko hio sari bɛlɛ nɛ hio *telenge dea tom ha wɛnɛ.

Dede Wen hazu Jésus-Christ ka Luc ngɛraka 10:18

A tɔa ha mbwa: «Mi zɔka *Satan ha *bhiloa ha ngɔn tek ha nu tuka piolikolo.

Dede Wen hazu Jésus-Christ ka Luc ngɛraka 11:18

Ɛnɛ ha tɔa nde, mi yin gdanga sɔtɛ nɛ ngatɛ pɛ Satan. Mɛgi, ka Satan sungiri tɛ wa nɛ pɛa tɛ, kongakandɔ pɛa bebhɔn fin mɛng?

Dede Wen hazu Jésus-Christ ka Luc ngɛraka 13:16

Nɛ bhoko ɛngɛ nê bezang pɛ Abraham! *Satan sanga wɛnɛ tee tɛ bo nɛ kili bɛlɛ bhukɔ zanga mɔrkɔ gbala tar. Hazu ge ɛ lɛm bul pɛl ɛngɛ ha tɛ wa ha swe ɔmtɛ na, ge?»

Dede Wen hazu Jésus-Christ ka Luc ngɛraka 22:3

Mɛgi, *Satan lea sila Judas Iskariote, ma *wan-nɛtom ha soko hio bhukɔ gbala bwa.

Dede Wen hazu Jésus-Christ ka Luc ngɛraka 22:31

«Simon, Simon, mɛ ze nɛdedea, Sɔ haa wal ha *Satan mɛ zɛk ɛnɛ tuka ka ɛ zɛk nɛ kpalmɔ.

Dede Wen hazu Jésus-Christ ka Luc ngɛraka 4:8

Jésus kiforo wen ha wɛnɛ: «Takarata pɛ Sɔ tɔa nde, mɛ alukisi *Kongawan, Sɔ pɛ mɛ, nɛ mɛ ade tom Sɔ ha wɛnɛ ndang sɔna.»

Jean 13:27

Ha ngimɔ ka Judas kuo nɛ mampa ɛngɛ, *Satan lea sila wa. Jésus tɔa ha wɛnɛ: «Mɔ ka mɛ bheka mɛ de, mɛ de yo nɛhasa.»

Deamɔ 26:18

Mi betomsi mɛ hazu gbosisi gbali mbwa nde, mbwa agbo ha tutum tɛ ha saamɔ, gbo ha si ziomɔ pɛ *Satan tɛ ha pɛ Sɔ. Ka mbwa mɛkara mi, mi bebisi *sɛmbɔ pɛ mbwa, nɛ mi begde mbwa ha soko hio nzɔy wi pɛ Sɔ.›»

Deamɔ 5:3

Ma, Pierre tɔa ha wɛnɛ: «Ananias, mɛ gbosasa sila mɛ ha *Satan hazu ge? Mɛ tɔa dalo ha *Nzɔy-Sɔtɛ, nɛ mɛ wuso ma bhalkɔ mbɔli fɔ pɛ mɛ hazu ge?

1 Korente 5:5

lɛma nde, ɛnɛ agde wei ɛngɛ ha kɔ *Satan tuka nde, wɛnɛ ayukiti multɛ wa. Mɛgi, Sɔ bekpasisi sɔtɛ wa ha ngimɔ ka Kongawan bekifiri.

1 Korente 7:5

Ka ɛnɛ akafi may ha li yala na. Ma, ka ɛnɛ kpoa zuwen mɛ kafi baa yala ha ma ngimɔ hazu gɔ Sɔ, ɛnɛ lɛma de mɛgi. Nɛ hapata ngimɔ ɛngi, ɛnɛ akifiri tɛ dung hinɛ may yu nde, ngatɛ mɛ gan zu tɛ ɛnɛ betɛ kɔpi ɛnɛ, nɛ yu nde, *Satan betɛ osili ɛnɛ pi ha dea wanza.

2 Korente 11:14

Wi ndang lɛm yaksi hazua na, hazu *Satan nɛ pɛa tɛ lɛma osili hio wi nde, wɛnɛ nê *telenge pɛ saamɔ.

2 Korente 12:7

Kongawan gdea ma mɔ tuka tɛn ha tɛ mi yu nde, mi betɛ sutɛ hazu hio zengem mɔ ka wɛnɛ gbasa ha mi. Tɛn ɛngɛ dung tuka wan-nɛkasara pɛ *Satan, ka sɔm mi tuka nde, mi asutɛ na.

2 Korente 2:11

Mi dea mɛgi yu nde, *Satan betɛ osili ɔ nɛ gan zu ɔ. Ey, mɔ ka wɛnɛ ngoya mɛ de, ɔ ingɔ yo nɛdedea pentɛ.

Jacques 4:7

Mɛgi ɛnɛ hil nɛ mɛndi ha si Sɔ. Ɛnɛ zati ha li *Satan, nɛ wɛnɛ beyu ɛnɛ pen nɛyɛa.

1 Pierre 5:9

Ɛnɛ zati ha li wa, nɛ ɛnɛ bhɔn ka ha mɛkara Sɔ, hazu ɛnɛ ingɔ fɛt nde, hio ya ɛnɛ ha Christ ha nzan fɛt, mbwa ha kpaa ndangtɛ yeksamɔ fin tuka ɛnɛ.