Matthieu 3:7 - Takarata pɛ Sɔ Mbombe Mbon

⁷ Hio *Farizien nɛ hio *Sadusien tɛa fin nɛdɔka nde, Jean agdumsi mbwa ha li. Ma, wɛnɛ tɔa ha mbwa: «Ɛnɛ, kul pɛ da gɔk! Ngambi pɛ Sɔ tɛ bo sanga-sanga! O ha osi ha ɛnɛ nde, ɛnɛ lɛma kpɔy ha yo, o nde?

Matthieu 3:7 Iomraidhean Croise

Matthieu 12:24

Ma, ka hio *Farizien zea hio wi ha tɔa mɛgi, mbwa tɔa: «Wi kɛ lɛm yin gdanga sɔtɛ sɔna nɛ ngatɛ pɛ *Satan, wan-zu hio gdanga sɔtɛ.»

Matthieu 12:34

Ɛnɛ, kul pɛ da gɔk! Ɛnɛ nê gdanga wi, mɛgi ɛnɛ lɛm tɔ dede wen ndang na. Hazu wi tɔ sɔna nɛ wen mɔ, ka don zang sila wa.

Matthieu 15:12

Mɛgi hio *wan-yambimɔ tiko nɛ ha pɛ Jésus, nɛ ana wɛnɛ: «Mɛ tɛ ing nde, wen pɛ mɛ yimɔ sila hio *Farizien na nde?»

Matthieu 16:1

Hio Farizien nɛ hio Sadusien tiko tɛ ha pɛ Jésus hazu we sila wa. Nɛ mbwa ana wɛnɛ mɛ de ma mɔweka ka osi nde, ziomɔ pɛa tɛ nɛ wal Sɔ.

Matthieu 16:6

Nɛ Jésus tɔa ha mbwa: «Ɛnɛ pangay nɛ yina hasisi mampa pɛ hio Farizien nɛ pɛ hio *Sadusien.»

Matthieu 22:15

Hapata hio *Farizien nɛa nɛ kpo zuwen nde, mbwa aba Jésus nɛ wal wen nu wa.

Matthieu 22:23

Ha ndangtɛ swe hio ma *Sadusien tiko nɛ ha pɛ Jésus. Hio Sadusien tɔ nde, ka wi fea kari, a lɛm gutɛ fin na. Mɛgi mbwa ana wɛnɛ:

Matthieu 22:34

Ka hio *Farizien zea nde, Jésus gana hio *Sadusien nɛ wen, mbwa wesara may hapɛtɛ wa.

Matthieu 23:33

«Ɛnɛ hio gɔk, ɛnɛ kul pɛ da gɔk! Ɛnɛ bekpɔy ha kita pɛ Sɔ ka bepi ɛnɛ ha bhandi we, mɛng?

Matthieu 5:20

Mi tɔ ha ɛnɛ nde, ɛnɛ lɛm le ha Kongakandɔ Ngɔn sɔna, ka ɛnɛ de mɔ ka dung nzeng ha li Sɔ pen hio *wan-osi mbonga nɛ hio *Farizien.»

Marc 12:13

Hio wan-le *zuife tomsa hio ma *Farizien nɛ hio ma ngali pɛ Herode ha pɛ Jésus nde, ka mbwa aba wɛnɛ nɛ wal wen nu wa.

Marc 12:18

Hapata ɛngi, hio ma *Sadusien tɛa ha pɛ Jésus. Hio Sadusien tɔ nde, ka wi fea kari, a lɛm gutɛ fin na. Mɛgi, mbwa ana Jésus:

Marc 8:15

Nɛ Jésus mboa mbwa, nɛ tɔa: «Ɛnɛ pangay nɛ yina hasisi mampa pɛ hio Farizien nɛ pɛ Herode.»

Dede Wen hazu Jésus-Christ ka Luc ngɛraka 16:14

Hio *Farizien zea wen ndɔng fɛt, nɛ mbwa mama Jésus hazu mbwa ngoya mbɔli gdang.

Dede Wen hazu Jésus-Christ ka Luc ngɛraka 18:11

Farizien nɛa ha sɔngsi, a yola ha ngɔn, nɛ a gɔa Sɔ ha zang sila wa mɛgɛ: ‹Mi lukisi mɛ, Sɔ, hazu mi bo tuka hio mbinga na, tuka wanzu, gdanga wi, wan-de wanza, nɛ gbesi tuka wan-ndɛm mbɔli garama ɛngɛ na.

Dede Wen hazu Jésus-Christ ka Luc ngɛraka 7:30

Ma, hio *Farizien nɛ hio *wan-osi mbonga kafa mɔ ka Sɔ bhɔngara ha mbwa, nɛ mbwa tɛ ngoy nde Jean agdumsi mbwa ha li na.»

Jean 1:24

Hio ma ha soko wi ndɔng ka ɛ tomsa, dungɔ nê *Farizien.

Jean 8:44

Bafa ɛnɛ nê *Satan. Ɛnɛ ngoya kanɛ dea mɔ ka ha totɛ ha wɛnɛ. Angiri ha kudom mɔ, tom pɛa nê gbɛa hio wi kpoo. A ngoy tɛwen na, hazu ma mbuli tɛwen bo ha sila wa na. Ndɔkitɛ wa nê tɔa dalo, hazu wɛnɛ nê wan-tɔ dalo nɛ bafa mɛ tili dalo fɛt.

Jean 9:40

Hio ma Farizien ka dungɔ hapɛtɛ Jésus zea wen ndɔng. Nɛ mbwa ana wɛnɛ: «Ɔ fin fɛt nê hio wan-gdɔka li nde?»

Deamɔ 15:5

Ma, hio ma wi ha soko zugili *Farizien ka mɛkara Jésus guotɛ tɔ nde, dea ka de nde, ɛ agɔn sɔru wi pɛ Christ ndɔng, ka bo nê zuife na, nɛ ɛ aha nu ha mbwa mɛ pam mbonga pɛ Moïse.

Deamɔ 20:31

Tuka ɛngi, ɛnɛ adung nɛ zɔma! Tazu ɛnɛ agba nde, ha zang kili bɛlɛ ndɔng tar, swe nɛ zɛ, mi dungɔ ha mboa ɛnɛ ndang ndang fɛt nɛ milikwa ha li mi.

Deamɔ 26:5

Mbwa ingɔ mi bhee. Ka mbwa ngoya, mbwa betɔ ha mɛ nde, mi dungɔ nê wi mɔ zugili *Farizien. Hio Farizien ha pama mɔ Sɔ pɛ ɔ nɛngaya pentɛ pet.

Deamɔ 5:17

Mɛgi, *wan-zu hio wan-hasadaka nɛ hio ngali pɛa, yo tɔ nde, hio *Sadusien, dea silamɔ sungiri nɛ hio wan-nɛtom.

Rome 1:18

Kpasawen, Sɔ gbasa long nde, wɛnɛ nɛ ngambi ka gutɛ ha ngɔn, sungiri nɛ wi fɛt hazu mbwa kafa wɛnɛ, nɛ hazu mbwa ha dea kalbho-kalbho mɔ. Nɛ hio kalbho-kalbho deamɔ pɛ mbwa de nde, ɛ azɔk tɛwen pɛ Sɔ nɛ saa na.

Rome 5:9

Nɛ wal tɔktɛ Christ ɔ tɛ bo nê *nzeng wi ha li Sɔ. Yo nê ɛngi, ka ɔ ingɔ nɛdedea nde, Christ bekpasisi ɔ ha ngambi pɛ Sɔ.

1 Tesalonike 1:10

Nɛ mbwa ha tɔa fin nde, ɛnɛ ha kera *Bewei pɛ Sɔ, ka begutɛ ha ngɔn pe nɛ. Bewei ɛngɛ nê Jésus, wi ka Sɔ bagu se ha soko hio fiowi, nɛ ka kpasisi ɔ gbo ha ngambi pɛ Sɔ ka betɛ bin.

Hebro 11:7

Nɛ wal mɛkara Sɔ, Noe zea nu Sɔ, ka gbaa tazu wa nɛ mbengli ka behɔ. Ngase ka wɛnɛ tɛ zɔk ka mbenglia na, a dea gasa kuga. Nɛ wɛnɛ hinɛ hio nam pɛa kpasa ang. Nɛ wal dea mɛgi, a gɔna kita ha zu hio wi mɔ nzan, nɛ a tɛ bo nzeng ha li Sɔ nɛ wal mɛkara wɛnɛ.

Hebro 6:18

Hio mɔ ndɔng bwa, gɔnanu nɛ kanamɔ pɛ Sɔ, lɛm mɛ kpali na, hazu Sɔ lɛm tɔ dalo na. Mɛgi, ɔ ka nɛa ha si goka kɔ pɛ Sɔ, ɔ baa da pentɛ mɛ bhɔn nɛ nɔa ha *mɔgdetazu pɛ ɔ nde, Sɔ belɛmsiri gɔnanu pɛa.

1 Jean 3:10

Mɛgi, mɔ ka gba soko bem pɛ Sɔ nɛ bem pɛ gdanga sɔ, yo nê ɛngɛ: Wi ka de mɔ nzeng na, nɛ ka ngoy ya wa na, wɛnɛ bo nê bem pɛ Sɔ na.