Matthieu 28:18 - Takarata pɛ Sɔ Mbombe Mbon

¹⁸ Nɛ Jésus tiko tɛ hapɛtɛ mbwa nɛ tɔa: «Sɔ gdea ziomɔ fɛt ha zang ngɔn nɛ ha zu nu ha kɔ mi.

Matthieu 28:18 Iomraidhean Croise

Matthieu 11:27

«Bafa mi gdea mɔ fɛt ha kɔ mi. Yo nê Bafa mi sɔna ka ing mi, Bewei pɛa. Nɛ yo nê mi, Bewei pɛa sɔna ka ing Bafa mi. Nɛ wi ndang ndang, ka mi ngoy gbasi Bafa mi ha mbwa, mbwa being Bafa mi.

Matthieu 16:28

Kpasawen, mi tɔ ha ɛnɛ, hio ma ha soko ɛnɛ ka dung hakɛ sising lɛm fe na, kanɛ mbwa bezɔk mi, Bewei pɛ Wi ha tɛa tuka *kongapora ha zu Kongakandɔ pɔm.»

Matthieu 26:64

Jésus kiforo wen ha wɛnɛ: «Ey, mɛ tɔa yo. Mi tɔ ha ɛnɛ fin nde, ɛnɛ bezɔk mi, *Bewei pɛ Wi, ha dungɔnu ha wekɔ Sɔ ka dung nɛ ngatɛ fɛt. Nɛ ɛnɛ bezɔk mi bin ha ngimɔ ka mi betɛ ha zu buswe.»

Dede Wen hazu Jésus-Christ ka Luc ngɛraka 10:22

«Bafa mi gdea mɔ fɛt ha kɔ mi. Yo nê Bafa mi sɔna ka ing mi, Bewei pɛa. Nɛ yo nê mi, Bewei pɛa sɔna ka ing Bafa mi. Nɛ wi ndang ndang, ka mi ngoy gbasi Bafa mi, wɛnɛ being Bafa mi.»

Jean 13:3

Jésus ingɔ nde, Sɔ gdea mɔ fɛt ha kɔ wa. A ingɔ fin nde, a bagutɛ ha pɛ Sɔ tɛnɛ, nɛ nde, a bekifiri si ha pɛ Sɔ.

Jean 17:2

Mɛ haa mi ziomɔ ha zu hio wi fɛt tuka nde, mi aha *tunɔ kpoo ha hio wi ndɔng ka mɛ gdea ha kɔ mi.

Jean 3:31

«Wi ka gutɛ ha ngɔn tɛnɛ, yo nê wɛnɛ ka dung ha zu mɔ fɛt. Nɛ wi mɔ nzan, wɛnɛ nê mɔ nzan. A wolmɔ ha zu hio mɔ mɛ nzan. Wi kɛ ka gutɛ ha ngɔn tɛnɛ, wɛnɛ dung ha zu mɔ fɛt.

Jean 3:35

Sɔ, Bafa, ngoya Bewei pɛa. Mɛgi, a gdea mɔ fɛt ha kɔ Bewei pɛa.

Deamɔ 10:36

Sɔ tomsa *Dede Wen ha hio wi mɔ *Israel nde, ɔ lɛma kpa gaamɔ ha soko ɔ hinɛ wɛnɛ nɛ wal Jésus-Christ, ka dung nê *Kongawan pɛ hio wi fɛt.

Deamɔ 2:36

«Mɛgi, hio wi mɔ Israel fɛt aing nɛdedea nde, Jésus ɛngɛ ka ɛnɛ ngbaa ha getakate, Sɔ dea wɛnɛ Kongawan nɛ *Mesi.»

Rome 14:9

Mɛgi Christ fea, nɛ wɛnɛ guotɛ nɛ zutunɔ fin nɛ mbinga hazu dung nê Kongawan pɛ hio fiowi nɛ pɛ hio tunɔ wi.

1 Korente 15:27

Hazu takarata pɛ Sɔ tɔa: «Sɔ gdea mɔ fɛt ha si nanga wa.» Ma, yo gboa long nde, Sɔ nɛ pɛa tɛ lɛm dung ha si Christ na, hazu yo nê wɛnɛ ka gdea mɔ fɛt ha si nanga Christ.

Kolose 2:10

Nɛ ɛnɛ kpaa tɛ kpasa tunɔ nɛ wal sɔy ka ɛnɛ de hinɛ Christ, ka dung nê wan hazu hio sɔtɛ gan zu mɔ nɛ hio nga sɔtɛ fɛt.

Hebro 1:2

Ma, ha hio kpogio yala sising, Sɔ wolamɔ ha ɔ nɛ wal Bewei pɛa. Sɔ bade nzan fɛt nɛ wal wɛnɛ, nɛ a gdea wɛnɛ wan hazu mɔ fɛt.

Hebro 2:8

Mɛ gdea hio mɔ fɛt ha si nanga wa.» Ka ɛ tɔ nde, Sɔ gdea mɔ fɛt ha si wa, ɛngɛ tɔ nde, ma mɔ ndang ka bo ha si wa na, bona. Tangere, ha ngimɔ ɛngɛ sising, ɔ tɛ zɔk ka nde, mɔ fɛt ha si wa, na.

1 Pierre 3:22

Wɛnɛ kiforo si ha ngɔn mɛ dung ha wekɔ Sɔ. Hio *telenge, hio sɔtɛ gan zu mɔ nɛ hio nga sɔtɛ fɛt dung ha si wa.

Gbasamɔ 11:15

Hapata ɛngi, zemɔrkɔ zanga bwa *telenge dɔma mbia. Hio ma gasa gɛl gboa ha ngɔn nɛ tɔa: «Nzan ɛngɛ tɛ bo ha si ziomɔ pɛ *Kongawan pɛ ɔ hinɛ *Mesi pɛa. A bedung *kongapora ha zua kpoo nɛ kpoo.»

Gbasamɔ 17:14

Mbwa bebi bulo sungiri nɛ Besami. Ma, Besami began zu mbwa, hazu wɛnɛ nê *Kongawan ha zu hio kongawan fɛt, nɛ Kongapora ha zu hio kongapora fɛt. Nɛ hio wi ka wɛnɛ saa nɛ weka mɛ dung nê pɛa, nɛ ka dung nɛ mboazu, mbwa bedung fin wan-gan bulo hinɛ wɛnɛ gbesi.»

Gbasamɔ 19:16

Ha tɛ gbambusa pɛa nɛ ha ku wa, ɛ ngɛraka ling mɛgɛ: «*Kongapora ha zu hio kongapora fɛt, *Kongawan ha zu hio kongawan fɛt.»