Matthieu 26:70 - Takarata pɛ Sɔ Mbombe Mbon

⁷⁰ Ma, a kafa ha li wi fɛt nɛ tɔa: «Mi ing gotowen ka mɛ ha tɔa na.»

Matthieu 26:70 Iomraidhean Croise

Matthieu 26:51

Ma ndang ha soko wi ndɔng ka dung hinɛ Jésus, daka gbapa sungiri nɛ wan-tom pɛ *wan-zu hio wan-hasadaka nɛ gɔna zala wa pi ha nu.

Matthieu 26:56

Ma, yo fɛt hɔa mɛgi, tuka nde, mɔ ka hio *wan-tɔkuliwen bangɛriki ha zang takarata pɛ Sɔ alɛmsiri tɛ.» Mɛgi, hio wan-yambimɔ fɛt yuo mɔ pen lak Jésus gde.

Matthieu 26:58

Pierre dungɔ nɛyɛa nak nɛ pata wa nɛnɛ, kanɛ lɛkɛ-lɛkɛ twa pɛ wan-zu hio wan-hasadaka. A lea zang dɛl nɛ dungɔnu ha soko hio wan-tom, hazu zɔk mɔ ka behɔ.

Matthieu 26:69

Ha ngimɔ ɛngi, Pierre dungɔnu ha zang dɛl. Ma bhoko-de tom pɛ *wan-zu hio wan-hasadaka tiko tɛ ha pɛa, nɛ tɔa ha wɛnɛ: «Mɛ fin, mɛ dungɔ se hinɛ Jésus, wi mɛ Galile.»

Matthieu 26:71

Nɛ a nɛa ha nu kin. Ma mbing bhoko-de tom zɔka wɛnɛ, nɛ a tɔa ha hio wi haki: «Wei kɛ dungɔ hinɛ Jésus, wi mɛ Nazaret.»

Dede Wen hazu Jésus-Christ ka Luc ngɛraka 22:57

Ma, Pierre kafa ha nu wa: «Bhoko, mi ing wɛnɛ na wa!»

Rome 11:20

Ey, yo nê kpasawen. Sɔ gɔna mbwa yunɛ hazu mbwa tɛ mɛkiri wɛnɛ na. Ka bo nê pɛ mɛ, Sɔ ndara mɛ ha lia hazu mɛ mɛkara wɛnɛ. Mɛgi, ka mɛ sutɛ mɛ hazu ɛngi na. Ma, mɛ yu nɛ ke Sɔ.

1 Korente 10:12

Mɛgi, wi ka takiri pɛa nde, wɛnɛ ha yola ha ngɔn, wɛnɛ pangay yu nde, wɛnɛ betɛ tek ha nu.

Gbasamɔ 21:8

Ma, ka bo nê pɛ hio wan-ke, hio wan-yambala zu, hio wan-nyalɔ, hio nagbɛwi, hio wan-de wanza, hio wan-nganga, hio wan-lukisi gbele sɔ, nɛ hio wan-tɔ dalo fɛt, mbwa bekpa bhandi ha tɔ we ka ba we nɛ piti. Tɔ we ɛngɛ, yo nê zebwa fio.»