Matthieu 26:58 - Takarata pɛ Sɔ Mbombe Mbon

⁵⁸ Pierre dungɔ nɛyɛa nak nɛ pata wa nɛnɛ, kanɛ lɛkɛ-lɛkɛ twa pɛ wan-zu hio wan-hasadaka. A lea zang dɛl nɛ dungɔnu ha soko hio wan-tom, hazu zɔk mɔ ka behɔ.

Matthieu 26:58 Iomraidhean Croise

Matthieu 26:3

Mɛgi hio gasa wan-hasadaka nɛ hio kotowi mɔ kandɔ *zuife wesara may ha zang lɛkɛ-lɛkɛ twa pɛ Kaife, *wan-zu hio wan-hasadaka.

Matthieu 5:25

«Mɛ bhɔngiri mɔ nɛhasa hinɛ ngana pɛ mɛ ha liwal sɔngsi hɔa ha kita. Yu nde, a betɛ gde mɛ ha li kita, nɛ wan-gɔn kita betɛ gde mɛ ha kɔ nasara, ka betɛ pi mɛ ha zɔbhɔ.

Dede Wen hazu Jésus-Christ ka Luc ngɛraka 22:54

Mbwa baa Jésus nɛ ngbɔsa wɛnɛ nɛnɛ ha twa pɛ *wan-zu hio wan-hasadaka. Pierre naka mbwa nɛyɛa.

Jean 18:25

Ka Simon-Pierre boka haki ha ɔa we, hio ma wi ana wɛnɛ: «Bo nê mɛ fin nê ma *wan-yambimɔ pɛ wi kɛ na nde?» Pierre kafa nɛ tɔa: «Way! Mi bo nê wan-yambimɔ pɛa na.»

Jean 19:6

Ka hio gasa wan-hasadaka nɛ hio nasara zɔka mɛgi, mbwa gdɔra: «Ngba wɛnɛ ha getakate! Ngba wɛnɛ ha getakate!» Pilate tɔa ha mbwa: «Ɛnɛ ku wɛnɛ nɛ tɛ ɛnɛ, nɛ nɛ ngba ha getakate. Hazu pɔm, mi tɛ kpa ma gdangamɔ pɛa ka lɛma nɛ kita fio na.»

Jean 7:32

Hio *Farizien zea wen ka hio wi dungɔ ha yimɔlɔa ha soko may ha wen pɛ Jésus. Mɛgi, hio gasa wan-hasadaka nɛ hio Farizien tomsa hio ma nasara mɔ *gasa twa Sɔ, hazu nɛ, nɛ ba Jésus.

Jean 7:45

Hio nasara ndɔng kiforo si ha pɛ hio gasa wan-hasadaka nɛ hio *Farizien, ka ana mbwa: «Hazu ge ɛnɛ tɛ ba wɛnɛ tɛnɛ na ge?»

Deamɔ 5:22

Ma, ka hio nasara pam gasa twa Sɔ hɔa ha twa zɔbhɔ, mbwa tɛ kpa hio wan-nɛtom haki na. Mɛgi, mbwa sio nɛ ba kasia,

Deamɔ 5:26

Mɛgi, kagama nɛa hinɛ hio nasara, nɛ kay hio wan-nɛtom kifiri nɛ. Ma, mbwa tɛ de ngamɔ na, yu nde, hio wi betɛ lo mbwa nɛ ta gbɛ.