Matthieu 26:45 - Takarata pɛ Sɔ Mbombe Mbon

⁴⁵ Hapata, a kiforo tɛ ha pɛ hio wan-yambimɔ, nɛ a tɔa ha mbwa: «Ɛnɛ boka ha ɔala nɛ ɔmatɛ nde? Ɛnɛ zɔk, ngimɔ hɛra kari ka ɛ begde mi, *Bewei pɛ Wi, ha kɔ hio *wan-de gdangamɔ.

Matthieu 26:45 Iomraidhean Croise

Matthieu 26:18

A osa ling ma wei ha mbwa nɛ tɔa: «Ɛnɛ nɛ ha gasa le ha pɛ wei kɛ nɛ tɔ ha wɛnɛ nde, wan-osimɔ tɔa: ‹Ngimɔ pɔm koka kari, nɛ mi ngoy mɛ yɔng mɔ yenga Pake hinɛ hio wan-yambimɔ pɔm ha bhandi pɛ mɛ.›»

Matthieu 26:2

«Ɛnɛ ingɔ nde, ha zang yala bwa, yenga *Pake behɔ. Ha ngimɔ ɛngi, ɛ begde mi, *Bewei pɛ Wi, ha kɔ hio wi hazu ngba mi ha getakate.»

Matthieu 26:44

Mɛgi a laka mbwa gde, nɛ nɛyɛa tikiring fin. Nɛ a gɔa Sɔ ha zetara nɛ ndangtɛ wen.

Matthieu 26:46

Ɛnɛ gutɛ, ɔ nɛ! Ɛnɛ zɔk, wan-hakasatɛ mi hɔa kari.»

Marc 14:35

Mɛgi, Jésus tiko nɛ ha sɔngsi tikiring. Wɛnɛ teka ha nu nɛ a gɔa Sɔ nde, ka wɛnɛ ngoya, wɛnɛ apensi ngimɔ yeksamɔ ɛngɛ ha zu wa yunɛ.

Dede Wen hazu Jésus-Christ ka Luc ngɛraka 22:53

Mi dungɔ swe fɛt hinɛ ɛnɛ ha gasa twa Sɔ, nɛ ɛnɛ tɛ yafifi kɔ ɛnɛ sungiri mi na. Ma, sising ngimɔ pɛ ɛnɛ hɔa. Yo nê ngimɔ pɛ ngatɛ mɔ tutum.»

Jean 12:23

Jésus kiforo wen ha mbwa: «Ngimɔ ka Sɔ beha nɛ *lɛkɛ-lɛkɛmɔ ha mi, *Bewei pɛ Wi, yo lɛma kari.

Jean 12:27

«Sising, mi nɛ ngɔtɛ ha zang sila mi. Mi betɔ nɛ nge wen ge? Mana mi betɔ nde, Bafa mi, mɛ gu ngimɔ yimtɛ ɛngɛ ha zu mi yunɛ nde? Way! Mi tɛa hakɛ ha nzan hazu kpa yimtɛ ɛngɛ.

Jean 13:1

Ha gangli yenga *Pake, Jésus ingɔ nde, a tɛ bo sanga-sanga mɛ lak nu ɛngɛ gde, hazu kifiri si ha pɛ Bafa wa. Swe fɛt wɛnɛ ngoya hio wi pɛa ha nzan, nɛ sising a gbasi nde, a ngoya mbwa wɛ ɛ.

Jean 17:1

Ka Jésus tɔa wen ndɔng fɛt kari, a guo li ha ngɔn nɛ a tɔa: «Bafa mi, ngimɔ lɛma kari. Mɛ gbasi *lɛkɛ-lɛkɛmɔ pɔm, Bewei pɛ mɛ, ha hio wi tuka nde, mi agbasi lɛkɛ-lɛkɛmɔ pɛ mɛ ha mbwa fin.