Matthieu 26:41 - Takarata pɛ Sɔ Mbombe Mbon

⁴¹ Ɛnɛ yang la nɛ gɔ Sɔ tuka nde, *sɛbhalamɔ agan zu ɛnɛ na. Sila wi nɛ hɛl mɛ de mɔ, ma, ngatɛ pɛ wi dɔk na.»

Matthieu 26:41 Iomraidhean Croise

Matthieu 24:42

Mɛgi, ɛnɛ yang la, hazu ɛnɛ ing yala ka *Kongawan pɛ ɛnɛ betɛ nɛ na.

Matthieu 25:13

«Mɛgi ɛnɛ dung nɛ zɔma. Hazu ɛnɛ ing yala nɛ ngonga ka mi, *Bewei pɛ Wi betɛ nɛ na.»

Matthieu 26:38

Mɛgi a tɔa ha mbwa: «Sila mi dona nɛ ngɔtɛ tuka nde mi befe fe. Ɛnɛ dung hakɛ nɛ yang la hinɛ mi.»

Matthieu 6:13

Lesisi ɔ ha *sɛbhalamɔ na, ma, kpasisi ɔ gbo ha gdangamɔ. [Hazu kongakandɔ, nɛ ziomɔ, nɛ *lɛkɛ-lɛkɛmɔ dung ha kɔ mɛ kpoo. Amen.]›

Marc 14:38

Mɛgi Jésus tɔa ha mbwa: «Ɛnɛ yang la nɛ ɛnɛ gɔ Sɔ tuka nde, *sɛbhalamɔ agan zu ɛnɛ na. Sila wi nɛ hɛl mɛ de mɔ, ma, ngatɛ pɛ wi dɔk na.»

Dede Wen hazu Jésus-Christ ka Luc ngɛraka 11:4

Bisi *sɛmbɔ pɛ ɔ, hazu ɔ ha biso sɛmbɔ pɛ hio *wan-de gdangamɔ ha tɛ ɔ fɛt. Lesisi ɔ ha *sɛbhalamɔ na.»

Dede Wen hazu Jésus-Christ ka Luc ngɛraka 21:36

Ɛnɛ ayang la nɛ ɛnɛ agɔ Sɔ nɛting, ka ɛnɛ akpa ngatɛ mɛ kpɔy ha hio yeksamɔ ka betɛ, nɛ ka ɛnɛ akpa ngatɛ mɛ yol ha li mi, *Bewei pɛ Wi.»

Dede Wen hazu Jésus-Christ ka Luc ngɛraka 22:40

Ka Jésus hɔa haki, a tɔa ha mbwa: «Ɛnɛ agɔ Sɔ tuka nde, *sɛbhalamɔ agan zu ɛnɛ na.»

Dede Wen hazu Jésus-Christ ka Luc ngɛraka 22:46

Mɛgi a ana mbwa: «Mɛng, ɛnɛ ha ɔala? Ɛnɛ gutɛ, nɛ gɔ Sɔ tuka nde, sɛbhalamɔ agan zu ɛnɛ na.»

Dede Wen hazu Jésus-Christ ka Luc ngɛraka 8:13

Pɛ hio ma, yo gbesi nganu. Mbwa zea wen pɛ Sɔ nɛ totɛ. Ma, wena kpa kua ha zang sila mbwa na. Mbwa mɛkiri ngimɔ tikiring, nɛ ka ɛ wea sila mbwa, mbwa laka mɛkaramɔ gde.

Rome 8:3

Mbonga pɛ Moïse tɛ dung nɛ ngatɛ mɛ kpasisi ɔ na, hazu nɛ tɛ ɔ, ɔ lɛm mɛ pam yo na. Ma, mɔ ka mbonga lɛm mɛ de na, Sɔ dea yo nɛ wal Bewei pɛa ka wɛnɛ tomsa tɛ hakɛ ha nu. Bewei pɛa yola ngbak tɛ wi, ka dungɔ tuka pɛ ɔ, hio *wan-de gdangamɔ. Sɔ gdea wɛnɛ ha fio gɔn nɛ zu gdangamɔ pɛ ɔ. Nɛ wal dea mɛgi, Sɔ gɔna kita ha zu gdangamɔ, ka de tom ha tɛ ɔ.

1 Korente 10:13

Mɔ ka sɛbhili ɛnɛ, yo nê ndangtɛ mɔ ka sɛbhili hio wi fɛt. Ma, Sɔ nɛ mboazu, wɛnɛ lɛm mɛkiri nde, mɔ asɛbhili ɛnɛ pen zu ngatɛ pɛ ɛnɛ na. Ma, wɛnɛ beha ɛnɛ ngatɛ mɛ yɔng yini ha zang *sɛbhalamɔ, nɛ wɛnɛ beosi ha ɛnɛ wal mɛ kpɔy ha yo.

1 Korente 16:13

Ɛnɛ ayang la, nɛ dung nɛ nɔa nging ha mɛkara Christ. Ɛnɛ de mɔ fɛt tuka hio kpasa wei, nɛ ɛnɛ adung nɛ ngatɛ.

1 Korente 9:27

Hazu ɛngi, mi bhɔngiri tɛ mi nɛngaya, nɛ mi gan zu tɛ mi nɛkpasa, yu nde, hapata bulo Dede Wen ha hio wi, Sɔ betɛ il mi yunɛ.

Galasi 5:24

Hio wi pɛ Jésus-Christ gbɛa hio gdanga hɛl ndɔkitɛ mbwa fɛt ha getakate.

Efeze 6:18

Ɛnɛ gɔ Sɔ ngimɔ fɛt, nɛ ɛnɛ lokitɛ ha wɛnɛ nɛ wal ngatɛ pɛ Nzɔy-Sɔtɛ. Ɛnɛ ayang la, nɛ ɛnɛ bhɔn ka ha gɔa Sɔ nɛ yikosila hazu hio wi pɛa fɛt.

1 Pierre 4:7

Sising, ngbɔla kanɛ bengimɔ tikiring nde, ka mɔ nzan fɛt akari. Hazu ɛngi, lɛma nde, ɛnɛ agan zu tɛ ɛnɛ, nɛ ɛnɛ adung ngɛlɛlɛ ha gɔa Sɔ.

1 Pierre 5:8

Ɛnɛ dung ngɛlɛlɛ, nɛ fin gdungɛ-gdungɛ! Hazu ngana pɛ ɛnɛ, *Satan, ha yala zikiri ɛnɛ. Wɛnɛ dung tuka gbabio ka he mɔ hirr, nɛ ka ki wi mɛ gul pɛlɛm.

2 Pierre 2:9

Hio mɔ ndɔng osi nde, Sɔ ingɔ wal mɛ kpasisi ha zang yeksamɔ hio wi ka dung nɛ mboazu ha li wa. Nɛ a ingɔ fin mɛ pam hio kalbho-kalbho wi keri nɛ swe kita ka wɛnɛ bendulsi mbwa ang.

Gbasamɔ 16:15

Kongawan tɔa: «Ɛnɛ pangay, mi betɛ tuka wanzu. Totɛ ha wi ka yang la, nɛ ka pam latɛ pɛa hapɛtɛ wa. Mɛgi, wɛnɛ lɛm yal nɛ sɔngɛrɛ na, nɛ foy lɛm de wɛnɛ ha li hio wi na.»

Gbasamɔ 3:10

Ɛnɛ pama wen nu mi nde, ɛnɛ adung nɛ yikosila. Hazu ɛngi, mi fin, mi bepam ɛnɛ ha ngimɔ *sɛbhalamɔ ka betek ha nzan fɛt hazu we sila wi mɔ zu nu fɛt.