Matthieu 26:39 - Takarata pɛ Sɔ Mbombe Mbon

³⁹ Nɛ wɛnɛ tiko nɛ ha sɔngsi tikiring. Haki a teka gok li wa ha nu, nɛ a gɔa Sɔ: «Bafa mi, ka lɛma, mɛ yɛsisi kɔpɔ ngamɔ ɛngɛ nɛ mi. Ma, bo tuka mi ngoya na, ma, tuka mɛ ngoya.»

Matthieu 26:39 Iomraidhean Croise

Matthieu 20:22

Nɛ Jésus tɔa ha bem pɛa bwa: «Ɛnɛ ing mɔ ka ɛnɛ ani na. Ɛnɛ lɛma nɔ kɔpɔ yimtɛ ka mi benɔ, nde?» Nɛ mbwa kiforo wen: «Ɔ lɛma de yo.»

Matthieu 24:24

Hazu hio wan-dalo ka tɔ nde, mbwa nê Mesi, nɛ hio wan-tɔkuliwen dalo behɔ. Nɛ mbwa bede gasa *mɔweka nɛ *mɔkifi, nɛ ka mbwa kpa wal, mbwa beosili nɛ hio wi ndɔng ka Sɔ weka.

Matthieu 26:42

Ha zebwaa fin, a nɛa nɛyɛa tikiring nɛ gɔa Sɔ: «Bafa mi, ka lɛma nde, mi anɔ kɔpɔ ɛngɛ hazu mɛ lɛm mɛ yɛsisi yo nɛ mi na, ki mɔ ahɔ tuka mɛ ngoya.»

Marc 13:22

Hazu, ha ngimɔ ɛngi, hio wan-osili wi begbo nɛ mbwa betɔ: ‹Mi nê Mesi!› Mana mbwa betɔ: ‹Mi nê *wan-tɔkuliwen pɛ Sɔ.› Mbwa bede hio *mɔkifi nɛ hio *mɔweka, nɛ ka mbwa kpa wal, mbwa beosili nɛ hio wi ndɔng ka Sɔ weka.

Dede Wen hazu Jésus-Christ ka Luc ngɛraka 17:16

A hilo gok li ha si Jésus, nɛ tɔa oeba ha wɛnɛ. Wi ɛngɛ nê wi mɔ Samari.

Jean 11:41

Ɛ kinso ta yunɛ. Jésus guo li ha ngɔn nɛ wɛnɛ tɔa: «Bafa mi, mi lukisi mɛ hazu mɛ ha zea gɔamɔ pɔm.

Jean 14:31

Ma, mi bede mɔ ka Bafa mi ngoya tuka nde, hio wi mɔ nzan aing nde, mi ngoya Bafa mi. Ɛnɛ gutɛ, ɔ pen hakɛ.»

Jean 18:11

Nɛ Jésus tɔa ha Pierre: «Mɛ pi gbapa pɛ mɛ ha twaa. Lɛma nde, mi anɔ kɔpɔ yimtɛ ka Bafa mi weka hazu mi, na nde?»

Jean 5:19

Jésus tɔa ha hio wan-le *zuife: «Kpasawen, mi tɔ ha ɛnɛ nde, mi, Bewei, lɛm de mɔ ndang nɛ zu mi na. Mi de sɔna nɛ mɔ ka mi zɔka Bafa mi ha dea. Mɔ fɛt ka Bafa mi ha dea, mi ha dea yo gbesi.

Jean 5:30

«Mi lɛm de mɔ ndang nɛ zu mi na. Mi gɔn kita ha zu wi lɛm nɛ mɔ ka Sɔ osa ha mi. Mɛgi, kita ka mi gɔn nɛ nzeng, hazu mi de nɛ mɔ ka sila mi ngoya na. Ma, mi de nɛ mɔ ka sila Sɔ, wan-tomsi mi, ngoya.

Jean 6:38

Hazu mi zilo ha ngɔn tɛ, bo hazu de mɔ ka sila mi ngoya na, ma, hazu de mɔ ka sila wan-tomsi mi ngoya.

Deamɔ 10:25

Ha ngimɔ ka Pierre ha lea twa, Korneille wea si wa. A hilo ha si nanga Pierre hazu fan wɛnɛ nɛ mɛndi.

Filipe 2:8

A hilo nɛ mɛndi, nɛ a zea nu Sɔ kanɛ fio pɛa, fio ha getakate.

Hebro 5:7

Ha zang ngimɔ ka Christ bayol tɛ wi, a gɔa Sɔ nɛ a alanu ha wɛnɛ nɛ ngagɛl nɛ milikwa. Nɛ Sɔ ka lɛma mɛ kpasisi wɛnɛ gbo ha fio, zea wɛnɛ hazu wɛnɛ yuo ke Sɔ.

Gbasamɔ 19:10

Nɛ mi teka ha si nanga wa hazu lukisi wɛnɛ. Ma, a tɔa ha mi: «Pangay! Ka mɛ ade mɛgi na. Mi fin, mi nê wan-tom gbesi tuka mɛ hinɛ hio ya mɛ fɛt, ka pam tɛwen ka Jésus kɛ wena. Mɛ alukisi nɛ Sɔ!» Yo nê tɛwen ka Jésus kɛ wena, ka ha ngatɛ ha hio wi mɛ tɔ kuliwen pɛ Sɔ.