Matthieu 24:45 - Takarata pɛ Sɔ Mbombe Mbon

⁴⁵ «Nge wan-tom ka dung nɛ mboazu nɛ ingɔmɔ ge nde? Yo nê wi kɛ ka wan pɛa begde wɛnɛ ha zu hio olo wan-tom pɛa, nɛ beha wɛnɛ tom mɛ kapini yɔngamɔ ha mbwa ha dede ngimɔ.

Matthieu 24:45 Iomraidhean Croise

Matthieu 10:16

«Ɛnɛ ze! Mi tomsi ɛnɛ tuka hio sami ha soko hio ngɔnzu. Mɛgi, ɛnɛ dung nɛ zɔma tuka hio gɔk, nɛ ɛnɛ dung tuka hio gbakuli, ka bo nɛ likisi na.

Matthieu 13:52

Nɛ a tɔa ha mbwa fin: «Mɛgi hio *wan-osi mbonga ndang ndang fɛt ka tɛ bo nê wan-yambimɔ mɔ *Kongakandɔ Ngɔn, mbwa dung tuka ma wan-twa ka gbosisi mbombe nɛ mɔa mɔ ha bhandi toy pɛ mbwa.»

Matthieu 24:46

Totɛ ha wan-tom ɛngɛ ka wan pɛa bepe tɛ kpa wɛnɛ ha dea tom pɛa.

Matthieu 25:2

Mɔrkɔ ha soko mbwa nɛ yera, mɔrkɔ nɛ zɔma.

Matthieu 25:21

Wan pɛa tɔa ha wɛnɛ: ‹Nɛ dedea gdang, mɛ nê dede wan-tom nɛ mboazu. Mɛ dungɔ nɛ mboazu ha zu bebe mɔ, mɛgi mi begde mɛ ha zu dɔka mɔ. Mɛ tɛ, tɛ de totɛ hinɛ mi.›

Matthieu 25:23

Wan pɛa tɔa ha wɛnɛ: ‹Nɛ dedea gdang, mɛ nê dede wan-tom nɛ mboazu. Mɛ dungɔ nɛ mboazu ha zu bebe mɔ, mɛgi mi begde mɛ ha zu dɔka mɔ. Mɛ tɛ, tɛ de totɛ hinɛ mi.›

Matthieu 7:24

«Mɛgi, wi ndang ndang fɛt ka ze wen pɔm ndɔng, nɛ ka de mɔ lɛm nɛ yo, mbwa gbesi tuka zɔma wi ka bɛa twa pɛa ha zu gogo.

Dede Wen hazu Jésus-Christ ka Luc ngɛraka 19:17

Kongapora tɔa ha wɛnɛ: ‹Nɛdedea, mɛ nê dede wan-tom. Mi begde mɛ ha zu le bhukɔ, hazu mɛ dungɔ nɛ mboazu ha bebe mɔ.›

Deamɔ 20:28

Ɛnɛ pam tɛ ɛnɛ nɛ tɛ ɛnɛ. Nɛ ɛnɛ pam fin *giliwi mɔ eglize, ka Nzɔy-Sɔtɛ gdea ha kɔ ɛnɛ. Ɛnɛ pam mbwa nɛdedea, tuka ka zaoro sami pam nɛ sami, hazu Sɔ hɛa mbwa nɛ wal tɔktɛ Bewei pɛa.

1 Timothée 1:12

Mi ha oeba ha Jésus-Christ, *Kongawan pɛ ɔ, ka haa mi ngatɛ hazu de nɛ tom pɛa. Mi ha oeba ha wɛnɛ hazu a zɔka mi tuka mboazu wi, nɛ a weka mi tuka wan-tom pɛa.

2 Timothée 2:2

Mɔ ka mɛ zea ha nu mi ha li hio dɔka wi, lɛma nde, mɛ aosi yo ha hio mboazu wi ka lɛma osi yo fin ha hio mbinga.

Hebro 3:5

Moïse badung nɛ mboazu wan-tom ha twa pɛ Sɔ fɛt. A bulo wen hio mɔ ka Sɔ betɔ bin.

Gbasamɔ 2:13

Mi ingɔ bhandi ka ɛnɛ de le ang, yo nê bhandi ka solowan pɛ *Satan dung ang. Ɛnɛ dolsa tɛ ɛnɛ ha mi, nɛ ɛnɛ tɛ kafi mɛkara mi na, ngase ha ngimɔ ka ɛ gbɛa nɛ Antipas, mboazu wan-kɛwen pɔm ha pɛ ɛnɛ, ha bhandi ka Satan de le ang.