Matthieu 24:31 - Takarata pɛ Sɔ Mbombe Mbon

³¹ Mi betomsi hio *telenge pɔm nɛ kɛnza gɛl mbia, hazu nɛ ha ngbili nu nar. Mbwa bewesiri hio wi ka mi weka, ha bhandi mɔ nzan fɛt.»

Matthieu 24:31 Iomraidhean Croise

Matthieu 13:41

Mi, Bewei pɛ Wi, betomsi hio telenge pɔm, nɛ mbwa bewesiri mɔ ka dak wi pi ha dea gdangamɔ nɛ hio *wan-de gdangamɔ fɛt gbosisi ha Kongakandɔ pɔm.

Matthieu 24:22

Nɛ ka bo se nde, Sɔ atikisi ma nu yala yeksamɔ ndɔng na, ki ma wi ndang lɛm mɛ kpasi na. Ma, a tikoso yo hazu wi ndɔng ka wɛnɛ weka mɛ dung hinɛ wɛnɛ.

Matthieu 24:24

Hazu hio wan-dalo ka tɔ nde, mbwa nê Mesi, nɛ hio wan-tɔkuliwen dalo behɔ. Nɛ mbwa bede gasa *mɔweka nɛ *mɔkifi, nɛ ka mbwa kpa wal, mbwa beosili nɛ hio wi ndɔng ka Sɔ weka.

Matthieu 24:32

«Lɛma nde, ɛnɛ ayambi ma mɔ nɛ wal towen hazu te fige. Ha ngimɔ ka hio gbakɔa tɛ bo nɛ mɔka nɛ ka hio waa tɛ bo ha gboa, ɛnɛ ingɔ nde, ngimɔ kolo koka kari.

Matthieu 25:31

«Ha ngimɔ ka mi, *Bewei pɛ wi, betɛ hinɛ hio nzɔy *telenge ha zang *lɛkɛ-lɛkɛmɔ pɔm, mi bedung ha zu lɛkɛ-lɛkɛ solowan pɔm.

Matthieu 28:18

Nɛ Jésus tiko tɛ hapɛtɛ mbwa nɛ tɔa: «Sɔ gdea ziomɔ fɛt ha zang ngɔn nɛ ha zu nu ha kɔ mi.

Marc 13:27

Mɛgi, mi betomsi hio *telenge pɔm. Nɛ mi bewesiri hio wi ndɔng ka Sɔ weka ha wal fɛt, dam nɛ zu nu fɛt gbo ha ngɔn.

Dede Wen hazu Jésus-Christ ka Luc ngɛraka 24:47

Angiri ha Jérusalem ɛ betɔ ha hio kandɔ fɛt nde, Mesi lɛmsara mɔ fɛt mɛ kpasisi mbwa. Hazu ɛngi, ka mbwa kiforo sila mbwa, Sɔ bebisi *sɛmbɔ pɛ mbwa.

Jean 11:52

Nɛ yo bo nê hazu kandɔ zuife sɔna na. Ma, hazu wesiri hio bem pɛ Sɔ, ka de le ha nzan fɛt.

Rome 10:18

Mɛgi, mi ani mɔ nde, hio zuife tɛ ze kasi na, kpasawen nde? Dalo, mbwa zea yo. Yo gbesi tuka ka ɛ ngɛraka ha takarata pɛ Sɔ: «Hio wi zea gɛl hio wan-nɛkasara dam zu nu fɛt, hio wen pɛ mbwa hɔa ha kpogio nzan.»

1 Korente 15:52

nɛhasa tuka kpɛma li ha ngimɔ gɛl kpogio mbia. Hazu ka ɛ bedɔm mbia ɛngɛ, hio fiowi bekifiri ha tunɔ nɛ ma tɛ ka lɛm yek fin na, nɛ pɛ ɔ, tɛ ɔ bekpali.

Efeze 1:10

Mɔ ɛngɛ ka Sɔ belɛmsiri ha dede ngimɔ, yo nde, a bewesiri hio mɔ ha zang ngɔn nɛ zu nu fɛt gde ha kɔ Christ nde, wɛnɛ adung wan hazua.

1 Tesalonike 4:16

Ha swe ɛngi, Sɔ beha nu nɛ ngagɛl, hio wi beze gɛl kagama pɛ hio *telenge, nɛ gɛl dɔma mbia pɛ Sɔ. Nɛ Kongawan begutɛ nɛ tɛ wa ha ngɔn zil tɛ. Hio wi ndɔng ka fea ha mɛkara Christ, mbwa begutɛ ha soko hio fiowi sɔngsi.

2 Tesalonike 2:1

Hio ya ɔ, Kongawan pɛ ɔ, Jésus-Christ, bepe, nɛ ɔ bewesiri may ha pɛa. Ɔ ani ha ɛnɛ nde,

Hebro 12:19

Mbwa zea gɛl dɔma mbia nɛ ma ngagɛl ha gdɔra. Ka mbwa zea gɛl Sɔ mɛgi, ke baa mbwa nɛ mbwa gɔa nde, ka wɛnɛ atɔ fin ma wen ndang ha mbwa na.

Gbasamɔ 1:20

Goto hio sɔla mɔrkɔ zanga bwa ka mɛ zɔka ha zang wekɔ mi, nɛ goto solo lamba mɔ gbɛbolo mɔrkɔ zanga bwa, yo nde, sɔla mɔrkɔ zanga bwa nê hio *telenge pɛ hio giliwi mɔ eglize mɔrkɔ zanga bwa, nɛ solo lamba mɔrkɔ zanga bwa nê hio giliwi mɔ eglize mɔrkɔ zanga bwa.»

Gbasamɔ 11:15

Hapata ɛngi, zemɔrkɔ zanga bwa *telenge dɔma mbia. Hio ma gasa gɛl gboa ha ngɔn nɛ tɔa: «Nzan ɛngɛ tɛ bo ha si ziomɔ pɛ *Kongawan pɛ ɔ hinɛ *Mesi pɛa. A bedung *kongapora ha zua kpoo nɛ kpoo.»

Gbasamɔ 7:1

Hapata ɛngi, mi zɔka hio telenge nar, mbwa yola ha hio ngbili nu nar. Mbwa dungɔ ha yolsa hio bok ka gutɛ ha wal bhandi ndɔng nar, tuka nde, ka yo ayu ngase ha zu nu, ngase ha zu nana-litɔng, ngase ha zu ma te ndang na.

Gbasamɔ 8:2

Hapata, mi zɔka hio ma *telenge mɔrkɔ zanga bwa ha yola ha li Sɔ. Nɛ Sɔ haa mbwa mbia mɔrkɔ zanga bwa.