Matthieu 24:24 - Takarata pɛ Sɔ Mbombe Mbon

²⁴ Hazu hio wan-dalo ka tɔ nde, mbwa nê Mesi, nɛ hio wan-tɔkuliwen dalo behɔ. Nɛ mbwa bede gasa *mɔweka nɛ *mɔkifi, nɛ ka mbwa kpa wal, mbwa beosili nɛ hio wi ndɔng ka Sɔ weka.

Matthieu 24:24 Iomraidhean Croise

Matthieu 22:14

Nɛ Jésus tɔa: «Ɛ saa wi nɛdɔka, ma, ɛ weka mbwa tikiring sɔna.»

Matthieu 24:11

Dɔka *wan-tɔkuliwen dalo behɔ nɛ mbwa beosili dɔka wi.

Matthieu 24:22

Nɛ ka bo se nde, Sɔ atikisi ma nu yala yeksamɔ ndɔng na, ki ma wi ndang lɛm mɛ kpasi na. Ma, a tikoso yo hazu wi ndɔng ka wɛnɛ weka mɛ dung hinɛ wɛnɛ.

Matthieu 24:25

Ɛnɛ ze! Mi tɔ yo ha ɛnɛ bingiri.

Matthieu 24:31

Mi betomsi hio *telenge pɔm nɛ kɛnza gɛl mbia, hazu nɛ ha ngbili nu nar. Mbwa bewesiri hio wi ka mi weka, ha bhandi mɔ nzan fɛt.»

Matthieu 24:5

Hazu dɔka wi betɛ nɛ ling mi, nɛ mbwa betɔ: ‹Mi nê *Mesi!› Nɛ mbwa beosili dɔka wi.

Matthieu 7:15

«Pangay nɛ hio wan-tɔkuliwen dalo. Hazu mbwa yol nɛ kotu sami tɛnɛ ha pɛ ɛnɛ. Ma, ha zanga, mbwa nê hio ngɔnzu.

Marc 13:22

Hazu, ha ngimɔ ɛngi, hio wan-osili wi begbo nɛ mbwa betɔ: ‹Mi nê Mesi!› Mana mbwa betɔ: ‹Mi nê *wan-tɔkuliwen pɛ Sɔ.› Mbwa bede hio *mɔkifi nɛ hio *mɔweka, nɛ ka mbwa kpa wal, mbwa beosili nɛ hio wi ndɔng ka Sɔ weka.

Dede Wen hazu Jésus-Christ ka Luc ngɛraka 18:7

Mɛgi, bo nê Sɔ bede nzengmɔ ha tɛ hio wi ka wɛnɛ weka, nɛ ka lokitɛ ha wɛnɛ swe nɛ zɛ, na nde? A bede yo nɛhasa, na nde?

Jean 4:48

Jésus kiforo wen ha wɛnɛ: «Pɛ ɛnɛ, ɛnɛ mɛkiri mi sɔna, ka ɛnɛ zɔka *mɔweka nɛ *mɔkifi.»

Jean 6:37

Hio wi ndang ndang fɛt ka Bafa mi ha mi, betɛ ha pɔm. Nɛ mi lɛm kafi wi ka tɛ ha pɔm ndang na.

Jean 6:39

Mɔ ka sila wan-tomsi mi ngoya, yo nde, mi ayɔsisi ma wi ndang ka wɛnɛ haa ha mi na. Ma, yo lɛma nde, mi atunsi mbwa ha soko hio fiowi ha kpogio ngimɔ.

Deamɔ 20:16

Paul weka mɛ pen hapɛtɛ le Efeze yu nde, a betɛ pensi ngimɔ ha kandɔnu Azi. A hasa tɛ hazu nɛ ha Jérusalem, nɛ dung haki ha swe Pantekote, ka yo lɛma.

Rome 12:18

Pɛ ɛnɛ, ka wal ang, ɛnɛ adung nɛ gaamɔ hinɛ hio wi fɛt.

Galasi 4:15

Totɛ pɛ ɛnɛ ka badung ha ngimɔ ɛngi, nɛa ha ndo nde? Mi kɛ wen pɛ ɛnɛ long nde, ka bo se nde, ɛnɛ akpa wal, ki ɛnɛ bakɔti tɛ gbali ɛnɛ ku ha mi!

2 Timothée 2:19

Ma, tɛwen pɛ Sɔ dung tuka nga nanga twa ka ɛ gɔna ha tɛa nde, «*Kongawan ingɔ hio wi pɛa», nɛ nde, «Hio wi fɛt ka sa ling Kongawan hazu dung nê pɛa, mbwa alak dea gdangamɔ gde.»

1 Pierre 1:5

Ka ɛnɛ mɛkara Sɔ, wɛnɛ bepam ɛnɛ nɛ wal ziomɔ pɛa kanɛ wɛnɛ begbasi *mɔkpasi ka wɛnɛ bekpasisi nɛ ɛnɛ ha kpogio ngimɔ.

2 Pierre 3:17

Ka bo nê pɛ ɛnɛ, hio ndɔngsila mi, mi gbaa tazu ɛnɛ kari. Mɛgi, ɛnɛ pangay yu nde, hio *kalbho-kalbho wi betɛ sɛbhili ɛnɛ mɛ ndari mbwa ha gdanga wal pɛ mbwa, nɛ ɛnɛ betɛ lak gde mɛ zati ha wal mɔ Sɔ.

1 Jean 2:18

Hio bem pɔm, kpogio ngimɔ koka kari. Ɛnɛ baze nde, wan-sungiri Christ behɔ bin. Ma, sising, hio dɔka wan-sungiri Christ hɔa kari. Yo osi ha ɔ nde, kpogio ngimɔ koka kari.

1 Jean 2:22

Mɛgi, wan-tɔ dalo nê nge wi ge? Yo nê wi ɛngɛ ka tɔ nde, Jésus bo nê *Mesi na. Wi ɛngɛ nê wan-sungiri Christ. A kafa Sɔ, Bafa ɔ hinɛ Bewei pɛa fɛt.

1 Jean 5:18

Ɔ ingɔ nde, hio wi ndang ndang fɛt ka dung nê bem pɛ Sɔ, mbwa bhɔn ha dea gdangamɔ na. Hazu Bewei pɛ Sɔ ha pama tɛ mbwa, nɛ gdanga sɔ lɛm gan zu mbwa na.

Gbasamɔ 19:20

Ma, ɛ baa ngɔnzu hinɛ *wan-tɔkuliwen dalo, ka bade hio *mɔweka ha li ngɔnzu. Nɛ wal hio mɔweka ndɔng, wɛnɛ dungɔ ha osala hio wi ndɔng ka dung nɛ dafu ling ngɔnzu ha tɛ mbwa, nɛ ka lukisi zizi tɛ wa. Nɛ ɛ pio ngɔnzu hinɛ wan-tɔkuliwen dalo nɛ zutunɔ ha zang tɔ we, ka ba we nɛ piti.