Matthieu 24:13 - Takarata pɛ Sɔ Mbombe Mbon

¹³ Ma, wi ka ba nɛ nɔa nging kanɛ kpogio ngimɔ, Sɔ bekpasisi wɛnɛ.

Matthieu 24:13 Iomraidhean Croise

Matthieu 10:22

Hio wi fɛt besɛn ɛnɛ hazu ɛnɛ nê wi pɔm. Ma, wi ka beba nɛ nɔa nging kanɛ kpogio, bekpasi.

Matthieu 24:12

Hazu dea gdangamɔ beyɛbhi pentɛ, hio dɔka wi lɛm ngoy may fin na.

Matthieu 24:6

Nɛ ɛnɛ beze wen bulo ka ɛ bi sanga-sanga mana nɛyɛa. Ka sila ɛnɛ abhunziki na. Hazu, lɛma ka nde, mɔ ndɔng ahɔ. Ma, yo tɛ bo ka nɛ kpogio ngimɔ na.

Marc 13:13

Hio wi fɛt besɛn ɛnɛ hazu ɛnɛ mɛkara mi. Ma, wi ka ba nɛ nɔa nging kanɛ kpogio ngimɔ, Sɔ bekpasisi wɛnɛ.»

Dede Wen hazu Jésus-Christ ka Luc ngɛraka 21:19

Ka ɛnɛ ba nɛ nɔa nging ha mɔ ndɔng fɛt, ɛnɛ bekpasisi tunɔ pɛ ɛnɛ.»

Dede Wen hazu Jésus-Christ ka Luc ngɛraka 8:15

Nɛ pɛ hio ma fin, yo gbesi dede nu. Sila mbwa nê nzeng nɛ dedea. Mbwa ze wen pɛ Sɔ, nɛ pam yo nɛ mboazu, nɛ mbwa way dede waya.»

Rome 2:7

Hio wi ndɔng ka de dedemɔ nɛ yikosila tuka nde, mbwa akpa ha kɔ Sɔ lukosomɔ, *lɛkɛ-lɛkɛmɔ, nɛ tunɔ ka bebhɔn, Sɔ beha mbwa *tunɔ kpoo.

1 Korente 1:8

Nɛ yo ka fin nê wɛnɛ ka beha ɛnɛ ngatɛ mɛ zati ngi-ngi-ngi hɔ ha kpogio. Mɛgi, ha ngimɔ ka Kongawan pɛ ɔ, Jésus-Christ bekifiri, ma wen lɛm dung ha zu ɛnɛ na.

Hebro 10:39

Pɛ ɔ, ɔ bo nê wi ka lak wal mɛkara Sɔ gde na, ɔ lɛm bhondi na. Ma, ɔ bhɔna ka ha mɛkara Sɔ, nɛ a bekpasisi tunɔ pɛ ɔ.

Hebro 3:14

Lɛma nde, ɔ abhɔn ha gdea tazu ɔ ha tɛ Christ tuka ka ɔ dea nɛ ha angara mɛkara wɛnɛ. Hazu, ɔ nê hio sɔy pɛa sɔna ka ɔ de mɛgi tee hɔ ha kpogio ngimɔ.

Hebro 3:6

Ma, Christ nê *Bewei pɛ Sɔ, ka dung nê wan hazu twa pɛ Sɔ. Ka ɔ bhɔna nɛ da ha kera mɔ ka ɔ gde tazu ɔ ang, ɔ bedung nê twa pɛa.

Gbasamɔ 2:10

Ka ɛnɛ ayu ke hio yeksamɔ ka ɛnɛ bekpa na. Satan bepi hio ma wi ha soko ɛnɛ ha twa zɔbhɔ hazu we nɛ sila ɛnɛ. Ɛnɛ bedung ha zang yeksamɔ lɛm yala bhukɔ. Ɛnɛ adung nɛ mboazu kanɛ fio. Mɛgi, mi beha ɛnɛ *tunɔ kpoo tuka kɛamɔ.