Matthieu 22:11 - Takarata pɛ Sɔ Mbombe Mbon

¹¹ «Ka kongapora lea twa hazu zɔk hio wan-gal yenga, wɛnɛ kpaa ma wi ka tɛ yol la yenga sibhoko na.

Matthieu 22:11 Iomraidhean Croise

Matthieu 13:30

Ɛnɛ gde mbwa akpɔtɛ gbesi kanɛ ngimɔ bhi kpalmɔ. Ha ngimɔ ɛngi, mi betɔ ha hio wan-bhi kpalmɔ nde, mbwa awesiri gdanga pala sɔngsi, nɛ hɛl yo nɛ zika hazu besisi yo. Hapata, mbwa bewesiri dede kpalmɔ gde ha zang gulo pɔm.›»

Matthieu 22:10

Hio wan-tom ndɔng nɛa ha hio sabhaka wal nɛ wesiri hio wi fɛt ka mbwa kpaa, gdanga wi nɛ dede wi fɛt. Mɛgi, hio wan-gal yenga dona twa yenga sibhoko hɛrr.

Matthieu 3:12

Wɛnɛ tɛ bo sanga mɛ pɛfi kpalmɔ pɛa. Hapata a besasisi bhandi pɛfi mɔ. A bewesiri hongbongbo kpalmɔ gde ha zang gulo, nɛ a bebesisi sara ha we ka bisi na.»

Rome 13:14

Ma, ɛnɛ aku *Kongawan Jésus-Christ tuka mɔ-bibulo pɛ ɛnɛ. Ka ɛnɛ agde tɛ ɛnɛ ha hio wɔ tɛ ɛnɛ na.

Rome 3:22

Wi ka mɛkiri Jésus-Christ, Sɔ begde wɛnɛ nzeng ha li wa. Sɔ gbosasa wal ɛngi ha wi ndɔng fɛt ka mɛkiri Jésus-Christ. A gba pɛa soko wi na.

1 Korente 4:5

Hazu ɛngi, ka ɛnɛ agɔn kita ha zu wi na. Ɛnɛ keri kanɛ ngimɔ ka Kongawan behɔ. Hazu ka wɛnɛ hɔa, hio mɔ ka wusi tɛ ha tutum sising, a begbosisi yo ha saamɔ. A begbasi fin long hio mɔ ka hio wi takiri ha zang sila mbwa. Mɛgi, Sɔ belukisi wi ndang ndang fɛt lɛm nɛ tom ka mbwa dea.

2 Korente 5:3

Ka bo nde, ɔ lɛm le ha zang mbombe twa ɛngɛ na, ki ɔ bedung nɛ sɔngɛrɛ hapata fio.

Galasi 3:27

Ɛ gdumso ɛnɛ ha li tuka nde, ɛnɛ ade sɔy hinɛ Christ. Nɛ sising, ɛnɛ tɛ bo ha baa may hinɛ Christ.

Efeze 4:24

Ɛnɛ ayol mbombe tɛ wi ka Sɔ bhɔngara gde nde, yo aba may nɛ pɛa. Mbombe tɛ wi ɛngɛ de mɔ nzeng, nɛ nzɔya nɛ tɛwen.

Gbasamɔ 16:15

Kongawan tɔa: «Ɛnɛ pangay, mi betɛ tuka wanzu. Totɛ ha wi ka yang la, nɛ ka pam latɛ pɛa hapɛtɛ wa. Mɛgi, wɛnɛ lɛm yal nɛ sɔngɛrɛ na, nɛ foy lɛm de wɛnɛ ha li hio wi na.»

Gbasamɔ 19:8

Ko pɛa kpaa dede lɛgbɛ-lɛgbɛ la mɛ yol. Yo nɛ bua nɛ saa kpung-kpung.» Dede la ɛngɛ, yo nê hio nzeng deamɔ pɛ hio wi pɛ Sɔ.

Gbasamɔ 2:23

Nɛ mi begbɛ hio bem pɛa nɛ ginga zɛlɛ fio. Mɛgi hio giliwi mɔ eglize fɛt being nde, yo nê mi ka ing hio takaramɔ nɛ hɛl mɔ pɛ wi. Mi bekɛ ɛnɛ ndang ndang fɛt lɛm nɛ tom ka ɛnɛ dea.

Gbasamɔ 3:18

Mɛgi, mi ngoya mbo ɛnɛ nde, ɛnɛ atɛ tɛ hɛ ha kɔ mi gbɛbolo ka ɛ wea ha we, tuka nde, ɛnɛ adung nê hio kpasa wan-kpamɔ. Ɛnɛ ahɛ fin bu la mɛ yol tuka nde, foy sɔngɛrɛ tɛ ɛnɛ agbasi tɛ na. Ɛnɛ ahɛ fin yina mɛ a ha gbali ɛnɛ tuka nde, ɛnɛ azɔk mɔ.