Matthieu 21:43 - Takarata pɛ Sɔ Mbombe Mbon

⁴³ «Hazu ɛngi, mi tɔ ha ɛnɛ nde, ɛnɛ lɛm dung wi mɔ *Kongakandɔ pɛ Sɔ fin na. Ma, Sɔ beweki ma mbing kandɔ, ka bede dedemɔ ka lɛma nɛ Kongakandɔ pɛa. [

Matthieu 21:43 Iomraidhean Croise

Matthieu 12:28

Ma, ka mi yin gdanga sɔtɛ nɛ ngatɛ pɛ *Nzɔy-Sɔtɛ pɛ Sɔ, yo osi nde, *Kongakandɔ pɛ Sɔ hɔa ha soko ɛnɛ kari.

Matthieu 21:41

Mbwa kiforo wen ha wɛnɛ: «A begbɛ hio gdanga wan-tom fɔ nɛ gde fɔ vigne ha kɔ hio mbing wan-tom, ka beha wɛnɛ bhalkɔ wayate pɛa ha ngimɔa.»

Matthieu 21:42

Nɛ Jésus tɔa ha mbwa: «Ɛnɛ tɛ tɔl wen ɛngɛ ha takarata pɛ Sɔ na nde? ‹Ta ka hio wan-bɛ twa mulo pi, yo tɛ bo nê ta tɔn ngbili twa. Yo nê *Kongawan Sɔ ha de mɔ ndɔng mɛgi. Yo nê gasa *lɛkɛ-lɛkɛmɔ ha li ɔ!›

Matthieu 21:44

Ka wi teka ha zu ta ɛngɛ, tɛ wa begbin, nɛ ka ta ɛngɛ tek ha zu ma wi, yo bembɔtiki wɛnɛ.»]

Jean 3:3

Mɛgi, Jésus kiforo wen: «Kpasawen, mi tɔ ha mɛ nde, ka ɛ kifiri bhɛ wi nɛ mbinga na, a lɛm zɔk *Kongakandɔ pɛ Sɔ na.»

Jean 3:5

Jésus kiforo wen: «Kpasawen, mi tɔ ha mɛ, ka ɛ tɛ bhɛ ka mɛ nɛ wal li nɛ *Nzɔy-Sɔtɛ na, mɛ lɛm le ha Kongakandɔ pɛ Sɔ na.

1 Korente 13:2

Ka Sɔ ha mi ngatɛ mɛ tɔ nɛ kuliwen pɛa, ka mi ing goto mɔ wuso pɛ Sɔ fɛt, ka mi nɛ ingɔmɔ fɛt, ka mi gu ngari gde ha ma bhandi nɛ wal mɛkaramɔ pɔm, ma, ka mi ngoy hio wi na, mi nê gombo mɔ.

1 Pierre 2:9

Ma, pɛ ɛnɛ, ɛnɛ nê kandɔ ka Sɔ weka. Ɛnɛ nê hio konga wan-hasadaka. Ɛnɛ nê nzɔy kandɔ, ka Sɔ gdea nɛtɛ hazu wa nɛ pɛa tɛ. Wɛnɛ saa ɛnɛ gbo ha tutum hazu lesisi ɛnɛ ha zang gasa saamɔ pɛa tuka nde, ɛnɛ aba kasi hio gasa mɔ ka wɛnɛ dea.