Matthieu 21:11 - Takarata pɛ Sɔ Mbombe Mbon

¹¹ Nɛ giliwi kiforo wen: «Yo nê wan-tɔkuliwen Jésus, wi mɛ Nazaret, ha kandɔnu Galile.»

Matthieu 21:11 Iomraidhean Croise

Matthieu 2:23

Haki wɛnɛ dea le ha ma le ka ɛ sa nde Nazaret. Tuka ɛngi wen pɛ hio *wan-tɔkuliwen lɛmsara tɛ, mbwa batɔ: «Ɛ besa wɛnɛ nde, wi mɔ Nazaret.»

Matthieu 21:10

Ka Jésus lea Jérusalem, hio wi mɔ gasa le ɛngi fɛt yaka, nɛ mbwa ana mɔ: «Wi ɛngɛ nê nge wi ge?»

Matthieu 21:26

Nɛ ka ɔ tɔ nde, yo nê hio wi, ki giliwi begutɛ sungiri ɔ, hazu mbwa fɛt ha takara nde, Jean nê *wan-tɔkuliwen.»

Matthieu 21:46

Mɛgi mbwa kio wal mɛ ba wɛnɛ. Ma, mbwa yuo ke giliwi hazu giliwi ndɔng takara nde, Jésus nê *wan-tɔkuliwen.

Marc 6:15

Hio ma dungɔ ha tɔa: «Wɛnɛ nê *wan-tɔkuliwen *Elie, ka kiforo tɛ.» Hio ma tɔa: «Yo nê ma wan-tɔkuliwen gbesi ma ha soko ɛ ndɔng, ka badung sɔngsi bhee.»

Dede Wen hazu Jésus-Christ ka Luc ngɛraka 13:33

Ma, dea ka de nde, mi aba wal pɔm mɛsɛ nɛ bhisiri nɛ yala hapata. Hazu yo lɛma nde, *wan-tɔkuliwen afe ha ma gele le na, kanɛ ha Jérusalem sɔna.

Dede Wen hazu Jésus-Christ ka Luc ngɛraka 24:19

Nɛ Jésus ana mbwa: «Nge mɔ ge?» Mbwa kiforo wen: «Yo nê mɔ ka kpaa Jésus, wi mɔ Nazaret. Wɛnɛ badung nê *wan-tɔkuliwen. Deamɔ nɛ osamɔ pɛa dungɔ nɛ zioa ha li Sɔ nɛ ha li hio wi fɛt.

Dede Wen hazu Jésus-Christ ka Luc ngɛraka 7:16

Ke baa wi fɛt. Mbwa lukoso Sɔ nɛ tɔa: «Gasa *wan-tɔkuliwen hɔa ha soko ɔ!» nɛ fin «Sɔ tɛa hazu kpasisi kandɔ pɛa!»

Dede Wen hazu Jésus-Christ ka Luc ngɛraka 7:39

Nɛ ka Farizien ɛngɛ ka saa Jésus, zɔka mɛgi, a takara ha sila wa nde, ka bo se nde, wi ɛngɛ abo nê *wan-tɔkuliwen, a ingɔ nde, bhoko ɛngɛ ka baa tɛ wa, nê bhoko-de mɔ nɛ tum.

Jean 1:21

Mɛgi, mbwa ana wɛnɛ: «Ma, mɛ nê o? Mɛ nê *wan-tɔkuliwen *Elie nde?» Wɛnɛ kiforo wen ha mbwa: «Way, mi bo nê Elie na.» Mbwa ana wɛnɛ fin: «Mɛ nê wan-tɔkuliwen kɛ ka ɔ ha kera nde?» A kiforo wen ha mbwa: «Way, mi bo nê wɛnɛ na.»

Jean 1:25

Mbwa ana wɛnɛ fin: «Ka mɛ bo nê Mesi na, ngase Elie na, ngase wan-tɔkuliwen ɛngi na, ma, mɛ ha gdumso hio wi ha li hazu ge?»

Jean 4:19

Mɛgi, bhoko kɛ tɔa ha wɛnɛ: «Kongawan, mi zɔka nde, mɛ nê *wan-tɔkuliwen pɛ Sɔ.

Jean 6:14

Ka hio wi zɔka mɔweka ɛngi ka Jésus dea, mbwa tɔa: «Kpasawen, wei kɛ nê *wan-tɔkuliwen, ka ɛ batɔ sɔngsi nde, a betɛ bin ha nzan.»

Jean 7:40

Ka hio giliwi zea wen ndɔng, hio ma ha soko mbwa tɔa: «Kpasawen, wi kɛ nê *wan-tɔkuliwen kɛ, ka ɔ ha kera.»

Jean 9:17

Hio Farizien ana fin wei kɛ ka li wa gboa: «Pɛ mɛ, mɛ takiri nɛ ge hazu wei kɛ ka gbosasa li mɛ ge?» A kiforo wen ha mbwa: «Wɛnɛ nê *wan-tɔkuliwen.»

Deamɔ 7:37

Ndangtɛ Moïse ɛngɛ batɔ ha hio wi mɔ Israel nde, Sɔ beweki bin ma *wan-tɔkuliwen ha soko kandɔ pɛ mbwa tuka wɛnɛ.