Matthieu 20:34 - Takarata pɛ Sɔ Mbombe Mbon

³⁴ Nɛ sila Jésus gdɔya nɛ ngɔtɛ. Mɛgi wɛnɛ ndɔa li mbwa, nɛ mbwa zɔka mɔ nɛhasa. Nɛ mbwa ndara wɛnɛ.

Matthieu 20:34 Iomraidhean Croise

Matthieu 14:14

Ka Jésus gboa ha sɔngu, wɛnɛ zɔka giliwi ndɔng. Nɛ sila wa doya nɛ kobhe hazu mbwa. Mɛgi wɛnɛ kpasasa hio wan-zɛlɛ ha soko mbwa.

Matthieu 15:32

Jésus saa hio *wan-yambimɔ pɛa nɛ tɔa: «Kobhe tɛ wi ndɔng ha dea mi, hazu tɛ bo mɛsɛ nɛ yala tar ka mbwa dung hinɛ mi. Nɛ mbwa bo nɛ ma mɔ mɛ yɔng na. Mi ngoy gdea mbwa pen nɛ wɔ na, yu nde, mbwa betɛ tek ngata ha liwal.»

Matthieu 20:33

Mbwa kiforo wen ha wɛnɛ: «Kongawan, mɛ gbosisi li ɔ.»

Matthieu 21:1

Jésus nɛ hio *wan-yambimɔ pɛa hɔa sanga-sanga nɛ Jérusalem, hapɛtɛ le Betfaze ha nanga ngari Olivier. Mɛgi Jésus tomsa hio ma wan-yambimɔ bwa pen sɔngsi, nɛ tɔa ha mbwa:

Matthieu 8:15

Jésus tama kɔ wa, nɛ zɛlɛ bawetɛ kara. Nɛ folo mɛ Pierre guotɛ nɛ dea tom ha mbwa.

Matthieu 9:29

Mɛgi Jésus tama gbali mbwa nɛ tɔa: «Mɔ ahɔ tuka ɛnɛ mɛkara!»

Matthieu 9:36

Ka wɛnɛ zɔka hio giliwi, sila wa doya nɛ kobhe. Hazu tɛ mbwa kata nɛ mɔka tuka hio sami ka zaoro mbwa bo na.

Marc 7:33

Jésus baa wi kɛ nɛnɛ ha ma bhandi nɛtɛ yɛ nɛ giliwi. A pio ndɔngkɔ ha zala wa, nɛ aa tafu ha lembe wa.

Dede Wen hazu Jésus-Christ ka Luc ngɛraka 18:43

Nɛhasa, wan-gdɔka li zɔka mɔ, nɛ a ndara Jésus nɛ lukoso Sɔ. Ka giliwi zɔka yo, mbwa fɛt lukoso Sɔ fin.

Dede Wen hazu Jésus-Christ ka Luc ngɛraka 22:51

Ma, Jésus gaya mbwa: «Yo kara! Lak gde mɛgi!» Nɛ a gdea kɔ ha bhandi zala wi ɛngi nɛ kpasasa wɛnɛ.

Dede Wen hazu Jésus-Christ ka Luc ngɛraka 7:13

Ka *Kongawan Jésus zɔka nagula ɛngɛ, sila wa doya nɛ kobhe. Nɛ a tɔa ha wɛnɛ: «Mɛ he kwa na!»

Deamɔ 26:18

Mi betomsi mɛ hazu gbosisi gbali mbwa nde, mbwa agbo ha tutum tɛ ha saamɔ, gbo ha si ziomɔ pɛ *Satan tɛ ha pɛ Sɔ. Ka mbwa mɛkara mi, mi bebisi *sɛmbɔ pɛ mbwa, nɛ mi begde mbwa ha soko hio nzɔy wi pɛ Sɔ.›»

Hebro 2:17

Hazu ɛngi, lɛma ka se nde, wɛnɛ atɛ gbesi tuka hio ya wa ha hio mɔ fɛt. Mɛgi wɛnɛ tɛ bo nê gasa wan-hasadaka ka dung nɛ mboazu ha tom Sɔ, ka de kobhe tɛ hio wi, nɛ ka bisi *sɛmbɔ pɛ mbwa yunɛ.

1 Pierre 3:8

Nɛ kpogioa, mi tɔ wen ha ɛnɛ fɛt nde, ɛnɛ adung nɛ ndangtɛ takaramɔ gbesi. Ɛnɛ ade kobhe tɛ may, nɛ ɛnɛ angoy may nɛ sila ndang hazu ɛnɛ nê hio gdiya ha wal mɔ Sɔ. Ɛnɛ ade ngay ha tɛ may, nɛ ɛnɛ ahil nɛ mɛndi ha si may.