Matthieu 2:4 - Takarata pɛ Sɔ Mbombe Mbon

⁴ Nɛ wɛnɛ wesara hio gasa wan-hasadaka nɛ hio *wan-osi mbonga mɔ kandɔ zuife fɛt. Nɛ wɛnɛ ana mbwa nde, ɛ bebhɛ *Mesi ha ndo?

Matthieu 2:4 Iomraidhean Croise

Matthieu 13:52

Nɛ a tɔa ha mbwa fin: «Mɛgi hio *wan-osi mbonga ndang ndang fɛt ka tɛ bo nê wan-yambimɔ mɔ *Kongakandɔ Ngɔn, mbwa dung tuka ma wan-twa ka gbosisi mbombe nɛ mɔa mɔ ha bhandi toy pɛ mbwa.»

Matthieu 2:3

Ka kongapora Herode zea mɛgi, sila wa bhunzoko nɛ hio wi mɛ Jérusalem fɛt dea gbesi fin.

Matthieu 2:5

Mbwa kiforo wen ha wɛnɛ: «Ɛ bebhɛ wɛnɛ ha Betlehem ha kandɔnu Judée, hazu *wan-tɔkuliwen bangɛriki wen mɛgɛ:

Matthieu 21:15

Ka Jésus ha dea *mɔkifi ndɔng, hio bhobem gdɔra ha zang gasa twa Sɔ, mbwa tɔa: «Hosanna! Hio wi fɛt alukisi *Bewei pɛ David!» Hio gasa wan-hasadaka nɛ hio *wan-osi mbonga ka zɔka nɛ zea mɔ ndɔng, dea ngambi,

Matthieu 21:23

Jésus lea *gasa twa Sɔ, nɛ ka wɛnɛ ha osamɔ, hio gasa wan-hasadaka nɛ hio kotowi mɔ kandɔ *zuife tiko tɛ hapɛtɛ wa, nɛ mbwa anamɔ: «Mɛ de mɔ ndɔng nɛ nge ziomɔ ge nde? Yo nê o ka ha mɛ ziomɔ ɛngɛ, o nde?»

Matthieu 26:3

Mɛgi hio gasa wan-hasadaka nɛ hio kotowi mɔ kandɔ *zuife wesara may ha zang lɛkɛ-lɛkɛ twa pɛ Kaife, *wan-zu hio wan-hasadaka.

Matthieu 26:47

Nɛ ka Jésus boka ha wolamɔ, Judas, ma ndang ha soko *wan-yambimɔ bhukɔ gbala bwa, hɔa hinɛ hio giliwi ha pata wa. Mbwa dungɔ nɛ hio gbapa nɛ mbiti te ha kɔ mbwa. Yo nê hio gasa wan-hasadaka nɛ hio kotowi pɛ hio *zuife ka tomsa wi ndɔng.

Matthieu 27:1

Nɛ sutole sut, hio gasa wan-hasadaka nɛ hio kotowi mɔ kandɔ *zuife kpoa zuwen mɛ gbɛ Jésus.

Matthieu 7:29

Hazu a osimɔ tuka hio *wan-osi mbonga na, ma, a osamɔ ha mbwa nɛ ziomɔ.

Marc 8:31

Hapata ɛngi Jésus angara osamɔ ha hio *wan-yambimɔ pɛa, a tɔa: «Lɛma nde, mi, *Bewei pɛ Wi, akpa yeksamɔ nɛdɔka. Hio kotowi, hio gasa wan-hasadaka nɛ hio *wan-osi mbonga bemul mi pi. Ɛ begbɛ mi, nɛ mi begutɛ hapata yala tar.»

Dede Wen hazu Jésus-Christ ka Luc ngɛraka 20:19

Hio *wan-osi mbonga nɛ hio gasa wan-hasadaka kio wal mɛ ba Jésus ha ndangtɛ ngimɔ ɛngi, hazu mbwa ingɔ nde, a tɔa wen ɛngɛ sungiri mbwa. Ma, mbwa yuo ke hio wi mɛ le.

Dede Wen hazu Jésus-Christ ka Luc ngɛraka 23:10

Hio gasa wan-hasadaka nɛ hio *wan-osi mbonga ka dungɔ fin haki, fundo wɛnɛ nɛngaya.

Jean 18:3

Judas ngbɔsa zugili bulo mɔ Rome nɛ hio ma nasara pam *gasa twa Sɔ nɛnɛ haki. Yo nê hio gasa wan-hasadaka nɛ hio *Farizien ka tomsa mbwa. Mbwa dungɔ nɛ mɔ bi bulo, nɛ lamba, nɛ kan-du we ha kɔ mbwa.

Jean 3:10

Mɛgi Jésus ana wɛnɛ: «Mɛ ka dung nê gasa wan-osimɔ ha soko hio zuife mɛ ing goto mɔ ndɔng na?

Jean 7:32

Hio *Farizien zea wen ka hio wi dungɔ ha yimɔlɔa ha soko may ha wen pɛ Jésus. Mɛgi, hio gasa wan-hasadaka nɛ hio Farizien tomsa hio ma nasara mɔ *gasa twa Sɔ, hazu nɛ, nɛ ba Jésus.

Jean 8:3

Hio *wan-osi mbonga nɛ hio *Farizien kuo ma bhoko tɛ, tɛ gde ha binsila giliwi. Ɛ kpaa wɛnɛ ha dea wanza.

Deamɔ 23:9

Hio wi fɛt angara gdɔra nɛ ngaya. Mɛgi, hio ma *wan-osi mbonga mɔ zugili Farizien, guotɛ nɛ mbwa sio kafɛ nɛ ngaya nɛ tɔa: «Ɔ tɛ kpa ma gdangamɔ ha tɛ wei kɛ ndang na. Mana ma telenge, mana ma sɔtɛ wolamɔ ha wɛnɛ.»

Deamɔ 4:5

Ka mɔsaa nɛ sutole, hio *wan-kpo zuwen fɛt wesara may ha Jérusalem. Yo nê hio wan-le pɛ hio *zuife, hio kotowi nɛ hio *wan-osi mbonga.

Deamɔ 6:12

Tuka ɛngi, hio zuife ndɔng aa sɔkira ha hio wi, hio kotowi, nɛ hio *wan-osi mbonga sungiri nɛ Etienne. Mɛgi, mbwa nɛa, nɛ ba Etienne nɛngaya nɛnɛ ha li zugili *wan-kpo zuwen.