Matthieu 19:29 - Takarata pɛ Sɔ Mbombe Mbon

²⁹ Nɛ wi ndang ndang fɛt ka belak twa pɛa, hio ya wa, bafa wa, nana wa, hio bem, mana fɔ pɛa gde hazu mi, wɛnɛ bekpa mɔ ze gɔmmay ndang pen mɔ sɔngsi. Nɛ wɛnɛ bekpa tunɔ kpoo.

Matthieu 19:29 Iomraidhean Croise

Matthieu 10:22

Hio wi fɛt besɛn ɛnɛ hazu ɛnɛ nê wi pɔm. Ma, wi ka beba nɛ nɔa nging kanɛ kpogio, bekpasi.

Matthieu 13:23

Ma, pɛ hio ma wi, yo gbesi tuka kpalmɔ ka teka ha dede nu. Yo nê wi ndɔng ka zea nɛ ingɔ goto wen pɛ Sɔ. Nɛ mbwa waya, ma gɔmmay ndang, ma waya bhukɔa mɔrkɔ zu bhukɔa ndang, nɛ ma waya bhukɔa tar.»

Matthieu 13:8

Hio ma teka ha dede nu, nɛ yo waya. Ma waya gɔmmay ndang, ma waya bhukɔa mɔrkɔ zu bhukɔa ndang, nɛ ma waya bhukɔa tar.»

Matthieu 16:25

Hazu wi ka ngoy kpasisi tunɔ pɛa, a beyɔsisi yo. Ma, wi ka beyɔsisi tunɔ pɛa hazu mi, a bekpa yo kpoo.

Matthieu 19:16

Ma wan-kpamɔ tɛa ha pɛ Jésus tɛ ani wɛnɛ: «Wan-osimɔ, mi ade nɛ nge dedemɔ hazu kpa *tunɔ kpoo ge nde?»

Matthieu 25:34

Nɛ mi, *Kongawan, betɔ ha wi ndɔng ha wekɔ mi: ‹Sɔ, Bafa mi, wola dede wen ha zu ɛnɛ. Mɛgi ɛnɛ tɛ tɛ kpa dede mɔ pɛ *Kongakandɔ pɛ Sɔ, ka wɛnɛ bhɔngara bingiri hazu ɛnɛ ha ngimɔ ka wɛnɛ dea nɛ nzan.

Matthieu 25:46

Nɛ wi ndɔng benɛ ha bhandi ndulsi mɔ kpoo. Ma, hio nzeng wi benɛ ha bhandi *tunɔ kpoo.»

Matthieu 5:11

«Totɛ ha ɛnɛ ka hio wi fɛngsi ɛnɛ, ka mbwa namili ɛnɛ, nɛ ka mbwa gɔn dalo gde ha nu ɛnɛ hazu ɛnɛ nê wi pɔm.

Matthieu 6:33

Mɛgi, pen mɔ fɛt, ɛnɛ ki mɛ dung hio wi mɔ *Kongakandɔ pɛ Sɔ, nɛ ɛnɛ de mɔ ka dung nzeng ha li wa, nɛ Sɔ beha ɛnɛ olo mɔ fɛt.

Dede Wen hazu Jésus-Christ ka Luc ngɛraka 14:26

«Ka ma wi ngoy ndari mi, wɛnɛ angoy mi pen bafa wa nɛ nana wa, pen ko nɛ hio bem pɛa, nɛ pen hio ya wa. Nɛ wɛnɛ angoy mi fin pen tɛ wa nɛ pɛa tɛ. Ka bo mɛgi na, wɛnɛ lɛm dung *wan-yambimɔ pɔm na.

Dede Wen hazu Jésus-Christ ka Luc ngɛraka 5:11

Hapata, mbwa daka hio sɔngu gde ha nubɛlɛ. Mbwa laka hio mɔ pɛ mbwa fɛt gde, nɛ mbwa ndara Jésus.

Dede Wen hazu Jésus-Christ ka Luc ngɛraka 6:22

Totɛ ha ɛnɛ ka hio wi besɛn ɛnɛ, nɛ ka mbwa bemul ɛnɛ pi, nɛ ka mbwa beya ɛnɛ nɛ fɛngsi ling ɛnɛ, hazu mi, *Bewei pɛ Wi.

Jean 15:19

Ka bo se nde, ɛnɛ adung nê hio wi mɔ nzan ɛngɛ, ki mbwa ngoya ɛnɛ hazu ɛnɛ gbesi tuka mbwa. Ma, ɛnɛ bo fin nê hio wi mɔ nzan na, hazu mi kuo ɛnɛ gde nɛtɛ kari. Yo nê ɛngi, ka mbwa sɛn nɛ ɛnɛ.

Jean 4:36

Wan-bhi kpalmɔ kpa kɛamɔ sising, nɛ wɛnɛ ha bhio mɔ hazu tunɔ kpoo. Mɛgi, wan-pɛ kpalmɔ nɛ wan-bhi waya, mbwa bede totɛ gbesi.

Deamɔ 9:16

Nɛ mi beosi ha wɛnɛ dɔka yeksamɔ, ka lɛma nde, wɛnɛ akpa hazu ling mi.»

1 Korente 2:9

Ma, mɔ hɔa tuka ɛ ngɛraka ha takarata pɛ Sɔ: «Mɔ ka Sɔ bhɔngara keri nɛ wi ndɔng ka ngoy wɛnɛ, gbali wi tɛ zɔk yo na, zala wi tɛ ze yo na, nɛ sila wi tɛ takiri ha yo na.»

2 Korente 5:16

Hazu ɛngi, ɔ lɛm ing fin wi nɛ wal ndɔkitɛ mɔ nzan na. Sɔngsi, ɔ ingɔ Christ mɛgi, ma, sising, ɔ ing wɛnɛ mɛgi fin na.

Filipe 3:8

Kpasa kpaamɔ pɔm, yo nde, mi ingɔ Jésus-Christ, Kongawan pɔm. Ha li kpaamɔ ɛngɛ, hio olo mɔ fɛt tɛ bo nê gbelemɔ. Mi zɔka hio mɔ pɔm fɛt tuka ngbundu mɔ, nɛ mi laka yo gde tuka nde, mi ade sɔy hinɛ Christ,

1 Pierre 4:14

Ka hio wi ya ɛnɛ hazu ɛnɛ nê wi pɛ Christ, dea nde, ɛnɛ ade totɛ, hazu ha ngimɔ ɛngɛ *Nzɔy-Sɔtɛ pɛ Sɔ ka dung nɛ ngaya pen mɔ fɛt, bedung hinɛ ɛnɛ.

3 Jean 1:7

Hazu, mbwa ha yala mɛ de tom nɛ ling Christ, nɛ mbwa ha kafa kuo mɔ ha kɔ hio *bhilo.