Matthieu 19:13 - Takarata pɛ Sɔ Mbombe Mbon

¹³ Hapata, hio ma wi kuo hio bhobem tɛnɛ ha Jésus nde, wɛnɛ agde kɔ nɛ gɔ Sɔ ha zu mbwa. Ma, hio *wan-yambimɔ pɛa gaya wi ndɔng.

Matthieu 19:13 Iomraidhean Croise

Matthieu 16:22

Pierre daka tɛ hinɛ Jésus tikiring, nɛ a sɛna wen ha wɛnɛ, a tɔa: «Sɔ akpasisi mɛ, *Kongawan! Way, mɔ ndɔng lɛm kpa may hinɛ mɛ ndang na!»

Matthieu 19:12

Hio ma wi ang, ka si may na, hazu mbwa nê nakomba, angiri ha bhɛ pɛ mbwa. Nɛ hio ma wi ang, ka si may na, hazu ɛ gdɔka wal ha mbwa. Nɛ hio ma wi ang fin, ka si may na, hazu tom pɛ *Kongakandɔ Ngɔn. Wi ka lɛma mɛ ba osamɔ ɛngɛ, wɛnɛ amɛkiri yo.»

Matthieu 20:31

Nɛ giliwi gaya mbwa nde, mbwa adung sɛm. Ma, mbwa gdɔra nɛ ngaya pen mɔ sɔngsi: «Kongawan, Bewei pɛ David, de kobhe tɛ ɔ wa!»

Deamɔ 2:39

Sɔ bagɔn se nu mɛ tomsi Nzɔy-Sɔtɛ. Gɔnanu ɛngɛ hazu ɛnɛ nɛ hio bem pɛ ɛnɛ. Yo fin hazu hio wi ndɔng ka dung nɛ yɛa nɛ ka Kongawan, Sɔ pɛ ɔ, besa mbwa.»

1 Korente 7:14

Kpasawen, wei ka tɛ mɛkiri Christ na, tɛ bo sanga nɛ Sɔ nɛ wal ko pɛa. Nɛ bhoko ka tɛ mɛkiri Christ na, tɛ bo sanga nɛ Sɔ nɛ wal wei pɛa. Ka bo mɛgi na, ki hio bem pɛ mbwa bo nê pɛ Sɔ na. Ma, hio bem pɛ mbwa tɛ bo sanga nɛ Sɔ kari.