Matthieu 18:9 - Takarata pɛ Sɔ Mbombe Mbon

⁹ Nɛ ka gbali mɛ dak mɛ pi ha dea gdangamɔ, mɛ kɔti yo pi. Nɛdedea nde, mɛ ale ha tunɔ kpoo nɛ gbali ndang, pen nde, ɛ pi mɛ nɛ gbali bwa ha bhandi we ka bisi na.»

Matthieu 18:9 Iomraidhean Croise

Matthieu 16:26

Ka ma wi yɔsasa tunɔ pɛa nɛ wal kpaa mɔ nzan fɛt, kpaamɔ pɛa bede nɛ ge ha wɛnɛ ge nde? Wi lɛm hɛ fin tunɔ pɛa nɛ mbinga nɛ nge mɔ ge nde? Ma mɔ ndang bona.

Matthieu 18:8

«Ka kɔ mɛ mana nanga mɛ dak mɛ pi ha dea gdangamɔ, mɛ gɔn yo pi. Nɛdedea nde, mɛ ale ha *tunɔ kpoo nɛ kɔ mana nɛ nanga ndang, pen nde, ɛ pi mɛ nɛ kɔ bwa mana nɛ nanga bwa ha we ka besisi kpoo.

Matthieu 19:17

Jésus kiforo wen ha wɛnɛ: «Mɛ ani mi hazu mɔ ka dung nɛ dedea hazu ge? Yo nê Sɔ ndang sɔna ka dung nɛdedea. Ka mɛ ngoya kpa tunɔ kpoo, dea nde, mɛ apam hio *mbonga pɛ Sɔ.»

Matthieu 5:22

Ma, pɔm, mi tɔ ha ɛnɛ nde, wi ka de ngambi sungiri nɛ ya wa, ɛ begde wɛnɛ ha li kita. Nɛ ka ma wi sa ya wa nde, yera wi, ɛ begde wɛnɛ ha li hio *wan-kpo zuwen. Nɛ wi ka sa ya wa nde, wan-bili, ɛ begde wɛnɛ ha bhandi we ka bisi na.

Matthieu 5:29

Nɛ ka gbali mɛ mɔ wal wekɔ dak mɛ pi ha dea gdangamɔ, kɔti yo pi nɛyɛa! Hazu yo nɛdedea ha mɛ nde, ma gbakɔ tɛ mɛ ndang ayɔ, pen pio mɛ nɛ kili tɛ ha we ka bisi na.

Marc 9:47

Nɛ ka gbali mɛ dak mɛ pi ha dea gdangamɔ, kɔti yo pi. Hazu nɛdedea nde, mɛ ale nɛ gbali ndang sɔna ha *Kongakandɔ pɛ Sɔ, pen nde ɛ api mɛ ha bhandi we nɛ gbali bwa,

Deamɔ 14:22

Ha zang le ndɔng mbwa mboa hio wan-yambimɔ pɛ Jésus nde, mbwa abhɔn nɛ nɔa nging ha mɛkaramɔ. Mbwa tɔa fin: «Dea nde, ɔ akpa gasa yeksamɔ sɔngsi ka ɔ bele ha zang *Kongakandɔ pɛ Sɔ.»

Hebro 4:11

Hazu ɛngi, ɔ agbɛngsi tɛ hazu le ha bhandi ɔmtɛ ɛngɛ. Nɛ ɔ pangay yu nde, ma wi ha soko ɔ betɛ kɔpi lea ha bhandi ɔmtɛ ɛngɛ nɛ wal dea kpandele gbesi tuka hio ngbabafa ɔ.

Gbasamɔ 21:27

Ma, ma mɔ nzing ndang lɛm le ha zang lea na, hio wan-de mɔ nyɛl nɛ hio wan-tɔ dalo lɛm le ang na. Yo sɔna nê hio wi ndɔng ka Sɔ ngɛraka ling mbwa ha Takarata Tunɔ pɛ Besami ha bele ang.