Matthieu 18:3 - Takarata pɛ Sɔ Mbombe Mbon

³ nɛ tɔa: «Kpasawen, mi tɔ ha ɛnɛ nde, ka ɛnɛ kifiri tɛ ɛnɛ nɛ tɛ tuka bhobem na, ɛnɛ lɛm le Kongakandɔ Ngɔn ndang na.

Matthieu 18:3 Iomraidhean Croise

Matthieu 13:15

Hazu sila wi mɔ kandɔ ɛngɛ tɛ bo gdingbiti. Mbwa gdɔka zala mbwa nɛ li mbwa tuka nde, li mbwa azɔk mɔ na, nɛ zala mbwa aze mɔ na, nɛ sila mbwa aing gotomɔ na. Yu nde, mbwa betɛ kifiri sila mbwa nɛ mi betɛ kpasisi mbwa.›

Matthieu 18:2

Nɛ Jésus saa ma bhobem tɛ gde ha li mbwa,

Matthieu 18:4

Wi ka ba tɛ wa nɛ bebea tuka bem ɛngɛ, wɛnɛ bedung nɛ gasaa ha Kongakandɔ Ngɔn pen hio mbinga fɛt.

Matthieu 19:14

Nɛ Jésus tɔa: «Ɛnɛ gde hio bhobem atɛ ha pɔm. Ka ɛnɛ adol mbwa na, hazu *Kongakandɔ Ngɔn nê pɛ hio wi ka dung tuka bhobem.»

Matthieu 19:23

Mɛgi Jésus tɔa ha hio *wan-yambimɔ pɛa: «Kpasawen, mi tɔ ha ɛnɛ nde, yo nɛ ngaya hazu wan-kpamɔ mɛ tɛ wi mɔ *Kongakandɔ Ngɔn.

Matthieu 5:18

Mɛgi mi tɔ kpasawen ha ɛnɛ nde, ngimɔ fɛt ka ngɔn nɛ nu bhɔna ka, ma mbuli ngɛrakamɔ ndang ha zang mbonga lɛm pen ndang na, kanɛ ngimɔ ka mɔ fɛt belɛmsiri tɛ.

Matthieu 5:20

Mi tɔ ha ɛnɛ nde, ɛnɛ lɛm le ha Kongakandɔ Ngɔn sɔna, ka ɛnɛ de mɔ ka dung nzeng ha li Sɔ pen hio *wan-osi mbonga nɛ hio *Farizien.»

Matthieu 6:16

«Ka ɛnɛ zim yɔngamɔ hazu gɔ Sɔ, ɛnɛ dung tuka wan-ngɔtɛ na. Hazu yo nê hio wan-dambari ka de mɔ mɛgi. Mbwa kay sɔngsi mbwa hazu osi ha hio wi nde, mbwa ha zimɔ yɔngamɔ. Kpasawen, mi tɔ ha ɛnɛ nde, mbwa kpaa mɔ kɛ mbwa kari.

Matthieu 6:2

«Ka mɛ de ngay ha tɛ fabha wi, ka mɛ alukisi tɛ mɛ na. Hazu hio wan-dambari ha dea mɛgi ha *twa gɔ Sɔ nɛ ha liwal tuka nde, hio wi alukisi mbwa. Kpasawen, mi tɔ ha ɛnɛ nde, mbwa kpaa mɔ-kɛ mbwa kari.

Matthieu 6:5

«Ka ɛnɛ gɔ Sɔ, ka ɛnɛ adung tuka hio wan-dambari na. Hazu ka mbwa gɔ Sɔ ha *twa gɔ Sɔ nɛ ha sabhaka wal, mbwa yol ha ngɔn tuka nde, hio wi azɔk mbwa. Kpasawen, mi tɔ ha ɛnɛ nde, mbwa kpaa mɔ-kɛ mbwa kari.

Marc 4:12

Tuka ɛ bangɛriki ha takarata pɛ Sɔ, ‹Mbwa gɛri mɔ nɛ gbali, ma, mbwa zɔk yo na. Mbwa ze mɔ nɛ zala, ma, mbwa ing gotoa na. Yu nde mbwa betɛ kifiri sila, nɛ Sɔ betɛ bisi *sɛmbɔ pɛ mbwa.›»

Dede Wen hazu Jésus-Christ ka Luc ngɛraka 13:24

«Ɛnɛ agbɛngsi tɛ ɛnɛ mɛ le nɛ bho-ngo-ngo nutwa ha *Kongakandɔ pɛ Sɔ. Hazu, mi tɔ yo ha ɛnɛ, hio dɔka wi beki mɛ le haki gan.

Dede Wen hazu Jésus-Christ ka Luc ngɛraka 22:32

Ma, mi gɔa Sɔ hazu mɛ nde, ka mɛ alak mɛkaramɔ gde na. Nɛ hapata, ka mɛ bekifiri fin ha pɔm, lɛma nde, mɛ angasisi hio ya mɛ.»

Jean 1:51

Jésus tɔa fin: «Kpasawen, mi tɔ ha ɛnɛ nde, ɛnɛ bezɔk nu ngɔn nɛ gbosasa long, nɛ ɛnɛ bezɔk fin hio *telenge pɛ Sɔ ha dangaa nɛ ha ziloa ha pɔm, *Bewei pɛ Wi.»

Jean 3:3

Mɛgi, Jésus kiforo wen: «Kpasawen, mi tɔ ha mɛ nde, ka ɛ kifiri bhɛ wi nɛ mbinga na, a lɛm zɔk *Kongakandɔ pɛ Sɔ na.»

Jean 3:5

Jésus kiforo wen: «Kpasawen, mi tɔ ha mɛ, ka ɛ tɛ bhɛ ka mɛ nɛ wal li nɛ *Nzɔy-Sɔtɛ na, mɛ lɛm le ha Kongakandɔ pɛ Sɔ na.

Deamɔ 14:22

Ha zang le ndɔng mbwa mboa hio wan-yambimɔ pɛ Jésus nde, mbwa abhɔn nɛ nɔa nging ha mɛkaramɔ. Mbwa tɔa fin: «Dea nde, ɔ akpa gasa yeksamɔ sɔngsi ka ɔ bele ha zang *Kongakandɔ pɛ Sɔ.»

Deamɔ 28:27

Hazu sila wi mɔ kandɔ ɛngɛ tɛ bo gdingbiti. Mbwa gdɔka zala mbwa nɛ li mbwa tuka nde, li mbwa azɔk mɔ na, nɛ zala mbwa aze mɔ na, nɛ sila mbwa aing gotomɔ na. Yu nde, mbwa betɛ kifiri sila mbwa nɛ mi betɛ kpasisi mbwa.›»

Deamɔ 3:19

Hazu yo mɛgi, ɛnɛ kifiri sila ɛnɛ, nɛ kpali deamɔ pɛ ɛnɛ tuka nde, Sɔ abisi *sɛmbɔ pɛ ɛnɛ.

1 Korente 14:20

Hio ya mi, ka ɛnɛ adung bhobem nɛ wal takaramɔ pɛ ɛnɛ na, ɛnɛ atakiri mɔ tuka zɔma wi. Ma, ɛnɛ adung nzɔri bem nɛ wal deamɔ pɛ ɛnɛ, hazu wɛnɛ tɛ ing ka dea gdangamɔ na.

1 Pierre 2:2

Tuka hio nzɔri bem ka dung nɛ wɔ li bele swe fɛt, ɛnɛ adung nɛ wɔ wen pɛ Sɔ. Ɛnɛ ade mɛgi tuka nde, mɛkaramɔ pɛ ɛnɛ akpɔtɛ, nɛ Sɔ akpasisi ɛnɛ.

2 Pierre 1:11

nɛ Sɔ begbosisi wal ha ɛnɛ long nde, ɛnɛ ale ha Kongakandɔ pɛ Jésus-Christ, Kongawan pɛ ɔ nɛ *Wan-kpasisi ɔ. Kongakandɔ pɛa bebhɔn kpoo nɛ kpoo.