Matthieu 17:3 - Takarata pɛ Sɔ Mbombe Mbon

³ Nɛ Moïse hinɛ *Elie gbasa tɛ ha li mbwa, nɛ mbwa wolamɔ hinɛ Jésus.

Matthieu 17:3 Iomraidhean Croise

Matthieu 17:2

Nɛ tɛ Jésus kiforo ha li mbwa. Zangli wa baa tuka swe, nɛ la pɛa tɛ bo nɛ bua ndong-ndong tuka saamɔ.

Matthieu 17:4

Pierre tɔa ha Jésus: «*Kongawan, yo nɛdedea nde, ɔ adung hakɛ. Ka mɛ ngoya, mi bebɛ gbamsa tar, ndang ha mɛ, ndang ha Moïse nɛ ndang ha Elie.»

Marc 9:4

Hio *wan-yambimɔ ndɔng tar zɔka *Elie hinɛ Moïse, ha wolamɔ hinɛ Jésus.

Dede Wen hazu Jésus-Christ ka Luc ngɛraka 1:17

Nɛ wɛnɛ bepen sɔngsi Sɔ tuka wan-nɛkasara. A bede yo nɛ sɔtɛ nɛ ngatɛ ka dungɔ se ha tɛ *wan-tɔkuliwen *Elie. Nɛ wɛnɛ bebhɔngiri soko hio gdibafa nɛ hio bem. A bede nde, hio wan-ngazu atakiri mɔ tuka hio *nzeng wi. Mɛgi wɛnɛ bebhɔngiri kandɔ Israel hazu tɛa pɛ Kongawan.»

Dede Wen hazu Jésus-Christ ka Luc ngɛraka 16:16

«Sɔngsi hɔa pɛ *Jean wan-gdumsiwi, yo nê *mbonga pɛ Moïse nɛ hio takarata pɛ *wan-tɔkuliwen sɔna ka osa mɔ ka Sɔ ngoy. Ma, angiri nɛ Jean wan-gdumsiwi, ɛ ha bulo *Dede Wen *Kongakandɔ pɛ Sɔ. Mɛgi, hio wi fɛt kio wal mɛ le ang nɛ nga mbanzi.

Dede Wen hazu Jésus-Christ ka Luc ngɛraka 24:27

Nɛ Jésus osa ha mbwa gotowen fɛt ka takarata pɛ Sɔ tɔa ha zu wa. A angara ha takarata pɛ Moïse hɔ ha pɛ hio olo wan-tɔkuliwen fɛt.

Dede Wen hazu Jésus-Christ ka Luc ngɛraka 24:44

Hapata Jésus tɔa ha mbwa: «Ha ngimɔ ka mi bhɔna ka hinɛ ɛnɛ, mi tɔa ha ɛnɛ nde, lɛma nde, hio dɔka ngɛrakamɔ ha zu mi ha zang *mbonga pɛ Moïse, ha zang takarata pɛ hio *wan-tɔkuliwen, nɛ ha zang *takarata gima pɛ David fɛt alɛmsiri tɛ.»

Dede Wen hazu Jésus-Christ ka Luc ngɛraka 9:33

Nɛ ha ngimɔ ka wi ndɔng kɛtana soko hinɛ Jésus, Pierre tɔa ha wɛnɛ: «Wan-osimɔ, yo nɛdedea, ɔ bhɔn hakɛ. Ɔ bebɛ gbamsa tar, ndang ha mɛ, ndang ha Moïse nɛ ndang ha Elie.» Pierre ing mɔ ka wɛnɛ ha tɔa na.

Jean 1:17

Sɔ baha *mbonga ha ɔ nɛ wal Moïse. Ma, nɛ wal Jésus-Christ wɛnɛ dea dede sila ha tɛ ɔ, nɛ a osa tɛwen ha ɔ.