Matthieu 17:2 - Takarata pɛ Sɔ Mbombe Mbon

² Nɛ tɛ Jésus kiforo ha li mbwa. Zangli wa baa tuka swe, nɛ la pɛa tɛ bo nɛ bua ndong-ndong tuka saamɔ.

Matthieu 17:2 Iomraidhean Croise

Matthieu 17:1

Yala mɔrkɔ zanga ndang hapata, Jésus kuo Pierre, Jacques nɛ ya wa Jean nɛnɛ ha zu kuso ngari. Haki mbwa dungɔ gbatɛ.

Matthieu 17:3

Nɛ Moïse hinɛ *Elie gbasa tɛ ha li mbwa, nɛ mbwa wolamɔ hinɛ Jésus.

Matthieu 28:3

Zang li wa dungɔ nɛ saa tuka piolikolo, nɛ la pɛa nɛ bua kpung-kpung.

Marc 9:3

La pɛa tɛ bo nɛ bua ndong-ndong nɛ lɛkɛ-lɛkɛ tuka ka ma wan-fal la ndang ha nzan lɛm sasisi yo mɛgi na.

Dede Wen hazu Jésus-Christ ka Luc ngɛraka 9:29

Ha ngimɔ ka wɛnɛ ha gɔa Sɔ, zang li wa kpala tɛ, nɛ la pɛa tɛ bo nɛ bua ndong-ndong.

Jean 1:14

Nɛ Wen kifo wi, ka dung nɛ multɛ nɛ gbalatɛ fɛt. A dea le ha soko ɔ. A dona nɛ *dede sila nɛ tɛwen fɛt. Ɔ zɔka *lɛkɛ-lɛkɛmɔ pɛa, ka Bafa wa haa ha wɛnɛ, ndanga Bewei pɛa.

Jean 17:24

«Bafa mi, mɛ gdea wi ndɔng ha kɔ mi. Nɛ mi ngoya nde, mbwa adung hinɛ mi ha bhandi ka mi bedung ang, tuka nde, mbwa azɔk lɛkɛ-lɛkɛmɔ pɔm ka mɛ haa ha mi. Mɛ haa yo ha mi, hazu mɛ bangoy mi gde mɛ tɛ de ka nzan na.

Rome 12:2

Ka ɛnɛ azɔk nɛ ndɔki deamɔ pɛ wi mɔ nzan hazu de nɛ pɛ ɛnɛ na. Ma, ɛnɛ gde Sɔ aha ɛnɛ mbombe ndɔki takaramɔ hazu kpali ɛnɛ nɛ mbombe wi. Ka ɛnɛ de mɛgi, ɛnɛ being gbaa soko mɔ ka Sɔ ngoy. Wɛnɛ ngoy mɔ ka dung nɛ dedea, ka ha totɛ ha wɛnɛ, nɛ ka lɛm wɛɛ.

Gbasamɔ 10:1

Hapata ɛngi, mi zɔka ma mbing nga telenge ka guotɛ ha ngɔn zil. Wɛnɛ yola buswe tuka la, nɛ ndumbe dungɔ zikiri zu wa. Zangli wa dungɔ ha baa tuka swe, nɛ hio nanga wa dungɔ tuka hio mbing lembe we.

Gbasamɔ 20:11

Hapata ɛngi, mi zɔka ma gasa bu solowan, nɛ ma wi ka dungɔnu ha zua. Ngɔn nɛ nu yuo mɔ ha li wa, nɛ yo pena wong.