Matthieu 15:14 - Takarata pɛ Sɔ Mbombe Mbon

¹⁴ Ɛnɛ lak mbwa gde. Mbwa nê hio wan-gdɔka li ka ngbɔsi may. Nɛ ka wan-gdɔka li ngbɔsi mbinga, mbwa fɛt bwa betek ha kɔ.»

Matthieu 15:14 Iomraidhean Croise

Dede Wen hazu Jésus-Christ ka Luc ngɛraka 6:39

Jésus tɔa fin zɛngwen ha mbwa: «Wan-gdɔka li lɛma fin ngbɔsi ma wan-gdɔka li mɛng? Ka bo mɛgi, ki mbwa bwa fɛt betek ha zang gduko kɔ.

Jean 9:39

Nɛ Jésus tɔa ha wɛnɛ: «Mi tɛa ha nzan hazu gba soko hio wi nde, ka hio wan-gdɔka li azɔk mɔ, nɛ ka li hio wan-dede li agdɔki.»

1 Timothée 6:5

ha zanga wen ndɛng-ndɛng hinɛ hio wi ka takiri mɔ nɛ gdanga, nɛ ka ing fin tɛwen na. Mbwa takiri pɛ mbwa nde, dea tom Sɔ, yo nê wal mɛ tɛ wan-kpamɔ.

2 Pierre 2:1

Sɔngsi bhee, hio *wan-tɔkuliwen dalo bahɔ ha soko kandɔ *Israel. Gbesi tuka ɛngi fin, hio wan-osimɔ dalo behɔ ha soko ɛnɛ. Mbwa betɛ nɛ wuso hazu osi hio kalbho-kalbho osamɔ ka begdangsi tunɔ pɛ hio wi. Nɛ mbwa bekafi Jésus-Christ, wan pɛ mbwa, ka yanga mbwa. Nɛ wal dea mɔ mɛgi, mbwa de nde, Sɔ abhondisi mbwa nɛhasa.

2 Pierre 2:17

Hio wan-osimɔ dalo ndɔng dung tuka zu ndong ka li ɔsa ha yo. Nɛ mbwa dung fin tuka tutum kolo ka gbabok ilo pen. Sɔ bhɔngara bhandi gde ha mbwa ha zang ngɛ-ngɛ-ngɛ tutum.

Gbasamɔ 19:20

Ma, ɛ baa ngɔnzu hinɛ *wan-tɔkuliwen dalo, ka bade hio *mɔweka ha li ngɔnzu. Nɛ wal hio mɔweka ndɔng, wɛnɛ dungɔ ha osala hio wi ndɔng ka dung nɛ dafu ling ngɔnzu ha tɛ mbwa, nɛ ka lukisi zizi tɛ wa. Nɛ ɛ pio ngɔnzu hinɛ wan-tɔkuliwen dalo nɛ zutunɔ ha zang tɔ we, ka ba we nɛ piti.

Gbasamɔ 22:15

Ma, hio wan-nyalɔ, hio wan-nganga, hio wan-de wanza, hio nagbɛwi, hio wan-lukisi gbele sɔ, nɛ hio wi ka ngoy tɔa dalo nɛ ka de mɔ lɛm nɛ yo, bhandi pɛ mbwa fɛt ha gdong kin lea.