Matthieu 14:19 - Takarata pɛ Sɔ Mbombe Mbon

¹⁹ Hapata a haa nu nde, hio wi fɛt adungnu ha zu ndungulu. A kuo mampa ndɔng mɔrkɔ nɛ kɔyɔ bwa. A guoli ha ngɔn nɛ wola dede wen ha zua. A gbinɔ yo ha hio wan-yambimɔ nɛ mbwa kapana yo ha giliwi.

Matthieu 14:19 Iomraidhean Croise

Matthieu 14:18

Jésus tɔa: «Ɛnɛ ku yo tɛnɛ ha mi!»

Marc 6:39

Mɛgi, wɛnɛ haa nu ha hio wan-yambimɔ mɛ tɔ ha giliwi ndɔng nde, mbwa adungnu ha zu ndungulu nɛ bezugili nɛtɛ-nɛtɛ.

Marc 6:41

Hapata, Jésus baa mampa ndɔng mɔrkɔ nɛ kɔyɔ bwa. Wɛnɛ guo li ha ngɔn, nɛ wola dede wen ha zua. A gbinɔ mampa ndɔng, nɛ haa yo ha hio wan-yambimɔ nde, mbwa akapini yo ha hio giliwi. Nɛ wɛnɛ kapana fin kɔyɔ ndɔng ha hio wi fɛt.

Marc 7:34

Hapata, a guo li ha ngɔn, pesa ɔmi lɛng-kpɛng nɛ tɔa: «Efata!» Ɛngɛ tɔ nde, mɛ gbo long!

Dede Wen hazu Jésus-Christ ka Luc ngɛraka 22:17

Nɛ Jésus baa kɔpɔ, a lukoso Sɔ hazua, nɛ tɔa: «Ɛnɛ ba kɔpɔ ɛngɛ, nɛ kapini ha soko may.

Dede Wen hazu Jésus-Christ ka Luc ngɛraka 22:19

Hapata Jésus baa mampa. A lukoso Sɔ hazua, a gbinɔ yo, nɛ haa yo ha mbwa. A tɔa: «Ɛngɛ nê tɛ mi, ka mi ha nɛ sadaka hazu ɛnɛ. Ɛnɛ de ɛngɛ mɛ gba tazu ɛnɛ nɛ mi.»

Dede Wen hazu Jésus-Christ ka Luc ngɛraka 24:30

Hapata Jésus dungɔ ha tabolo hinɛ mbwa. A baa mampa, a wola dede wen ha zua nɛ gbinɔ yo ha mbwa.

Dede Wen hazu Jésus-Christ ka Luc ngɛraka 9:14

Hazu dɔka wei fɛt ka wesara may lɛma nɛ tomay mɔrkɔ. Nɛ Jésus haa nu ha hio *wan-yambimɔ pɛa: «Ɛnɛ tɔ ha hio wi nde, mbwa adungnu nɛ zugili mɔ wi bhukɔa mɔrkɔ bhukɔa mɔrkɔ.»

Dede Wen hazu Jésus-Christ ka Luc ngɛraka 9:16

Jésus kuo mampa ndɔng mɔrkɔ nɛ kɔyɔ ndɔng bwa. A guo li ha ngɔn, nɛ a wola dede wen ha zua. A gbinɔ yo, nɛ a haa yo ha hio wan-yambimɔ mɛ kapini ha giliwi.

Jean 11:41

Ɛ kinso ta yunɛ. Jésus guo li ha ngɔn nɛ wɛnɛ tɔa: «Bafa mi, mi lukisi mɛ hazu mɛ ha zea gɔamɔ pɔm.

Jean 6:23

Hio ma sɔngu guotɛ ha le Tiberiade nɛ hɔa sanga-sanga nɛ bhandi ka *Kongawan Jésus lukoso Sɔ ha zu mampa ka giliwi yɔnga.

Deamɔ 27:35

Hapata wen ndɔng, Paul baa mampa, nɛ lukoso Sɔ hazua ha li wi fɛt. A gbinɔ yo nɛ yɔnga.

Rome 14:6

Wi ka takiri nde, ma swe nɛ zioa pen mbinga, a de mɛgi hazu lukisi Kongawan. Wi ka yɔng tili yɔngamɔ fɛt, a tɔ oeba ha Sɔ hazua, nɛ wɛnɛ ha yɔnga yo hazu lukisi Kongawan. Wi ka zim hio ma tili yɔngamɔ, a de ka fin mɛgi gbesi hazu lukisi Kongawan, nɛ wɛnɛ fin ha tɔa oeba ha Sɔ.

1 Korente 10:16

Ha tabolo pɛ *Kongawan, ɔ wol dede wen ha zu kɔpɔ. Bo nê kɔpɔ ɛngɛ osi nde, ɔ ha dea sɔy hinɛ Christ nɛ wal tɔktɛ wa, na nde? Bo nê mampa ka ɔ gbin, osi nde, ɔ ha dea sɔy hinɛ Christ nɛ wal multɛ wa, na nde?

1 Korente 10:31

Mɛgi, ka ɛnɛ yɔng ma mɔ, mana ɛnɛ nɔ ma mɔ, mana ɛnɛ de ma mɔ, lɛma nde, deamɔ pɛ ɛnɛ fɛt alukisi Sɔ.

1 Korente 11:24

a lukoso Sɔ hazua, a gbinɔ yo, nɛ a tɔa: «Ɛngɛ nê tɛ mi ka mi ha hazu ɛnɛ. Ɛnɛ de ɛngɛ mɛ gba tazu ɛnɛ nɛ mi.»

Kolose 3:17

Nɛ mɔ fɛt ka ɛnɛ de, nɛ ka ɛnɛ wol, ɛnɛ ade yo nɛ ling Kongawan Jésus, nɛ ɛnɛ aha oeba ha Sɔ, Bafa, nɛ wal wɛnɛ.