Matthieu 13:25 - Takarata pɛ Sɔ Mbombe Mbon

²⁵ Ka hio wi ha ɔala, ngana pɛa tɛa, tɛ pɛ gdanga pala ha sokoa nɛ pena.

Matthieu 13:25 Iomraidhean Croise

Matthieu 13:24

Jésus tɔa ma towen ha mbwa fin: «*Kongakandɔ Ngɔn dung gbesi tuka ma wi ka pɛa dede kpalmɔ ha fɔ pɛa.

Matthieu 13:26

Ka kpalmɔ ha kpɔatɛ mɛ way, gdanga pala fin ha kpɔatɛ gbesi.

Matthieu 13:27

Mɛgi hio wan-tom nɛa, nɛ ani wan pɛ mbwa: ‹Wan pɛ ɔ, mɛ pɛa dede kpalmɔ ha fɔ pɛ mɛ. Ma, gdanga pala ndɔng gutɛ fin ha ndo?›

Matthieu 13:29

Wɛnɛ kafa nɛ tɔa: ‹Dalo, yu nde, ɛnɛ betɛ zuri hio dede kpalmɔ nɛ pala ndɔng gbesi.

Matthieu 13:30

Ɛnɛ gde mbwa akpɔtɛ gbesi kanɛ ngimɔ bhi kpalmɔ. Ha ngimɔ ɛngi, mi betɔ ha hio wan-bhi kpalmɔ nde, mbwa awesiri gdanga pala sɔngsi, nɛ hɛl yo nɛ zika hazu besisi yo. Hapata, mbwa bewesiri dede kpalmɔ gde ha zang gulo pɔm.›»

Matthieu 13:39

Ngana ka pɛa gdanga pala, yo nê Satan. Ngimɔ bhi kpalmɔ, yo nê kpogio ngimɔ pɛ nzan ɛngɛ. Nɛ hio wan-bhi kpalmɔ, yo nê hio *telenge.

Matthieu 25:5

Ka wan-sibhoko tɛ hɔ nɛhasa na, mbwa fɛt zungbo nɛ ɔala.

Galasi 2:4

Ma, hio ma ya ha Christ, ka dung nê wan-dambari, lea ha soko ɔ nɛ wuso. Ka mbwa zɔka nde, Jésus-Christ gbosasa ɔ ha si *mbonga pɛ Moïse gde sɛɛ, mbwa ngoya mɛ gde ɔ ha si mbonga fin nɛ mbinga tuka hio bala.

Hebro 12:15

Ɛnɛ pangay yu nde, ma wi betɛ kɔpi *dede sila ka Sɔ de ha tɛ hio wi. Nɛ ɛnɛ pangay fin yu nde, ma wi ha soko ɛnɛ betɛ dung tuka panga te, ka kpɔtɛ nɛ bhunziki sila hio dɔka wi nɛ wal gdanga yina pɛa.

1 Pierre 5:8

Ɛnɛ dung ngɛlɛlɛ, nɛ fin gdungɛ-gdungɛ! Hazu ngana pɛ ɛnɛ, *Satan, ha yala zikiri ɛnɛ. Wɛnɛ dung tuka gbabio ka he mɔ hirr, nɛ ka ki wi mɛ gul pɛlɛm.

2 Pierre 2:1

Sɔngsi bhee, hio *wan-tɔkuliwen dalo bahɔ ha soko kandɔ *Israel. Gbesi tuka ɛngi fin, hio wan-osimɔ dalo behɔ ha soko ɛnɛ. Mbwa betɛ nɛ wuso hazu osi hio kalbho-kalbho osamɔ ka begdangsi tunɔ pɛ hio wi. Nɛ mbwa bekafi Jésus-Christ, wan pɛ mbwa, ka yanga mbwa. Nɛ wal dea mɔ mɛgi, mbwa de nde, Sɔ abhondisi mbwa nɛhasa.

Gbasamɔ 12:9

Ɛ pio wɛnɛ ha nu hinɛ hio telenge pɛa fɛt. Gasa ndibha ɛngɛ, wɛnɛ nê gɔk mɔ koto ngimɔ, ka ɛ sa nde, Gdanga Sɔ mana *Satan, wan-osili hio wi mɔ zu nu fɛt.

Gbasamɔ 13:14

A osala hio wi mɔ zu nu nɛ wal hio mɔweka ndɔng ka wɛnɛ kpaa ziomɔ mɛ de ha li bosi ngɔnzu. A tɔa ha hio wi mɔ zu nu nde, mbwa asɛk ma zizi bosi ngɔnzu ka bakpa dalɛ gbapa nɛ ka bakifiri nɛ zutunɔ.

Gbasamɔ 2:20

Ma, mi nɛ mɔ sungiri ɛnɛ nde, ɛnɛ gdea wal ha Yezabel, bhoko ɛngɛ ka ba tɛ wa tuka *wan-tɔkuliwen. Nɛ wal osamɔ pɛa, a osala hio wan-tom pɔm nde, mbwa ade wanza, nɛ mbwa ayɔng sari sadaka pɛ hio gbele sɔ.