Matthieu 13:23 - Takarata pɛ Sɔ Mbombe Mbon

²³ Ma, pɛ hio ma wi, yo gbesi tuka kpalmɔ ka teka ha dede nu. Yo nê wi ndɔng ka zea nɛ ingɔ goto wen pɛ Sɔ. Nɛ mbwa waya, ma gɔmmay ndang, ma waya bhukɔa mɔrkɔ zu bhukɔa ndang, nɛ ma waya bhukɔa tar.»

Matthieu 13:23 Iomraidhean Croise

Matthieu 12:33

«Ka te nɛ dedea, wayaa bedung nɛ dedea. Nɛ ka te nɛ gdangaa, wayaa bedung fin nɛ gdangaa. Hazu ɛ ing te nɛ wal wayaa.

Matthieu 13:8

Hio ma teka ha dede nu, nɛ yo waya. Ma waya gɔmmay ndang, ma waya bhukɔa mɔrkɔ zu bhukɔa ndang, nɛ ma waya bhukɔa tar.»

Matthieu 3:10

Ɛ gdea kpe ha gunte kari, te ndang ndang fɛt ka way dede waya na, ɛ begɔn yo pi ha we.

Matthieu 3:8

Ɛnɛ de dede mɔ ka osi nde, ɛnɛ kiforo sila ɛnɛ!

Marc 10:15

Kpasawen, mi tɔ ha ɛnɛ: Ka ma wi tɛ mɛkiri Sɔ tuka bhobem na, wɛnɛ lɛm le Kongakandɔ pɛ Sɔ ndang na.»

Marc 4:20

Fin, hio ma wi ang ka ba wen pɛ Sɔ tuka kpalmɔ ka teka ha dede nu. Yo nê wi ndɔng ka zea nɛ mɛkara wen pɛ Sɔ. Nɛ mbwa waya, ma bhukɔa tar, ma waya bhukɔa mɔrkɔ zu bhukɔa ndang, nɛ ma waya gɔmmay ndang.»

Dede Wen hazu Jésus-Christ ka Luc ngɛraka 13:9

Mɛgi ɔ bezɔk mana yo beway. Nɛ ka yo way na, mɛ begɔm yo yunɛ.›»

Dede Wen hazu Jésus-Christ ka Luc ngɛraka 8:15

Nɛ pɛ hio ma fin, yo gbesi dede nu. Sila mbwa nê nzeng nɛ dedea. Mbwa ze wen pɛ Sɔ, nɛ pam yo nɛ mboazu, nɛ mbwa way dede waya.»

Dede Wen hazu Jésus-Christ ka Luc ngɛraka 8:8

Hio ma teka ha dede nu, yo kpɔatɛ nɛ waya gɔmmay ndang.» Nɛ Jésus tɔa nɛ ngagɛl: «Wi ka bo nɛ zala mɛ ze mɔ, wɛnɛ aze.»

Jean 15:16

Yo bo nê ɛnɛ ka weka mi tuka wan-osimɔ na. Ma, yo nê mi ka weka ɛnɛ tuka nde, ɛnɛ anɛ nɛ way waya ka bebhɔn kpoo. Mɛgi, Bafa mi beha ɛnɛ mɔ fɛt ka ɛnɛ beani nɛ ling mi.

Jean 8:47

Wi ka dung nê pɛ Sɔ, wɛnɛ ha zea wen pɛ Sɔ. Ma, ɛnɛ ze mi na, hazu ɛnɛ bo nê pɛ Sɔ na.»

Deamɔ 16:14

Ha soko mbwa ma bhoko mɔ gasa le Tiatire ang ka lukisi Sɔ, ling wa nde Lidi. Wɛnɛ nê wan-gdongi tili gbɛ la, ka gɛnɛa nɛ ngaya pentɛ. A zea wen pɛ Paul, nɛ Sɔ gbosasa sila wa nde, wɛnɛ amɛkiri yo.

Deamɔ 17:11

Sila hio zuife mɔ le Bere nɛ dedea pen pɛ hio zuife mɔ le Tesalonike. Mbwa baa wen pɛ Sɔ nɛ *dede sila fɛt. Mbwa dungɔ ha tɔla takarata pɛ Sɔ swe fɛt hazu zɔk nde, mana wen pɛ Paul nê tɛwen.

2 Korente 9:10

Sɔ ka ha kpalmɔ ha wan-pɛ kpalmɔ nɛ fin mampa mɛ yɔng, wɛnɛ beha ɛnɛ fin hio kpalmɔ mɛ pɛ, nɛ wɛnɛ beyɛbhisi hio kpalmɔa. Mɛgi, dea ngay pɛ ɛnɛ beway nɛ dɔka wayaa.

Filipe 1:11

Ha swe ɛngi, tunɔ pɛ ɛnɛ bedon nɛ nzeng deamɔ ka Jésus-Christ dea nɛ wal ɛnɛ tuka nde, Sɔ akpa *lɛkɛ-lɛkɛmɔ nɛ lukosomɔ ang.

Filipe 4:17

Mi ngoy kpa mɔ ha kɔ ɛnɛ na, ma, mi ngoya nde, Sɔ akɛ ɛnɛ hebhe hazu hio dedemɔ ka ɛnɛ de.

Kolose 1:10

Mɛgi, ɛnɛ lɛma mɛ de mɔ ka Kongawan ngoya, nɛ ka ha totɛ fɛt ha wɛnɛ. Ɛnɛ bede nɛ hio tili dedemɔ fɛt, nɛ ɛnɛ being Sɔ nɛnɛ sɔngsi.

Kolose 1:6

Dede Wen ka hɔa ha pɛ ɛnɛ, ha yambala dam zu nzan fɛt, nɛ yo ha waya nɛ dede waya ha bhandi fɛt. Yo ha dea fin gbesi ha soko ɛnɛ, angiri ha bosi ngimɔ ka ɛnɛ zea wena, nɛ ka ɛnɛ ingɔ tɛwen nde, Sɔ ha dea *dede sila ha tɛ hio wi.

1 Tesalonike 4:1

Hio ya ɔ, ma wen mɛ tɔ fin ang. Ɛnɛ bayambi ha kɔ ɔ wal deamɔ ka ha totɛ ha Sɔ. Nɛ ɛnɛ ndara yo nɛkpasa. Ma, sising, ɔ ani ha ɛnɛ nɛ ɔ mbo ɛnɛ nɛ ling *Kongawan Jésus nde, ɛnɛ andari wal deamɔ ɛngɛ pen mɔ sɔngsi.

2 Tesalonike 2:10

A bede tili gdanga likisi nɛtɛ-nɛtɛ hazu sɛbhili nɛ hio wi ka bebhondi. Mbwa bebhondi hazu mbwa kafa mɛ ngoy tɛwen ka lɛma se mɛ kpasisi mbwa.

Hebro 4:2

Hazu ɔ zea *Dede Wen gbesi tuka hio ngbabafa ɔ baze. Ma, ngase mbwa zea wen ɛngi, yo tɛ gbakiri mbwa na, hazu mbwa zea ze sɔna, mbwa tɛ mɛkiri yo na.

Hebro 6:7

Ɛnɛ zɔk hio fɔ. Ka kolo ɔl ha ma fɔ hapata may, nɛ ka hio wan-gɔm fɔ bhi dede kpalmɔ ang, ɛngi osi nde, Sɔ wola dede wen ha zu fɔ ɛngɛ.

Hebro 8:10

Mbombe mbon ka mi benɔ ha soko mi hinɛ hio wi mɔ Israel ha ngimɔ ɛngi, yo bedung tuka ɛngɛ: Mi begɔn mbonga pɔm ha takaramɔ pɛ mbwa, nɛ mi begde yo fin ha zang sila mbwa. Mi bedung nê Sɔ pɛ mbwa, nɛ mbwa bedung nê kandɔ pɔm. Yo nê mi Kongawan ha tɔ mɛgi.

2 Pierre 3:18

Ma, ɛnɛ bhɔn ha kpɔatɛ ha zang *dede sila pɛ Jésus-Christ, Kongawan pɛ ɔ nɛ Wan-kpasisi ɔ. Nɛ ɛnɛ bhɔn fin ha ingɔ wɛnɛ pen mɔ sɔngsi. *Lɛkɛ-lɛkɛmɔ ha kɔ wa sising, kpoo nɛ kpoo! Amen.

1 Jean 5:20

Ɔ ingɔ nde, Bewei pɛ Sɔ tɛa tɛ ha ɔ mbaramɔ nde, ɔ aing kpasa Sɔ. Ɔ ang ha tɛ kpasa Sɔ hazu ɔ ang ha tɛ Bewei pɛa, Jésus-Christ. Wɛnɛ nê kpasa Sɔ, nɛ wɛnɛ nê tunɔ kpoo.