Matthieu 13:22 - Takarata pɛ Sɔ Mbombe Mbon

²² Pɛ hio ma wi, yo gbesi tuka kpalmɔ ka teka ha soko yak ngombia. Mbwa zea wen pɛ Sɔ, ma, mbwa nɛ nɔzang hazu mɔ mɛ nzan ɛngɛ, nɛ hɛl yɛbhɛ-yɛbhɛ mɔ osili mbwa. Mɛgi yo luo wen pɛ Sɔ ka lɛm way fin na.

Matthieu 13:22 Iomraidhean Croise

Matthieu 12:32

Nɛ ka ma wi tɔ gdanga wen sungiri mi, *Bewei pɛ Wi, Sɔ lɛma ha *tiso ha wɛnɛ. Ma, ka ma wi tɔ gdanga wen sungiri Nzɔy-Sɔtɛ, Sɔ lɛm ha tiso ha wɛnɛ na. Ngase ha nzan ɛngɛ, ngase ha mbombe nzan ka betɛ.»

Matthieu 13:39

Ngana ka pɛa gdanga pala, yo nê Satan. Ngimɔ bhi kpalmɔ, yo nê kpogio ngimɔ pɛ nzan ɛngɛ. Nɛ hio wan-bhi kpalmɔ, yo nê hio *telenge.

Matthieu 13:40

Gbesi tuka ka ɛ wesiri gdanga pala nɛ besisi yo ha we, mɔ bedung mɛgi ha kpogio ngimɔ pɛ nzan ɛngɛ.

Matthieu 13:7

Hio ma teka ha soko yak ngombia, ka kpɔatɛ nɛ luo kpalmɔ ndɔng.

Dede Wen hazu Jésus-Christ ka Luc ngɛraka 12:15

Nɛ Jésus tɔa ha hio wi fɛt: «Ɛnɛ pangay nɛ dea hɛl dɔka kpaamɔ, hazu goto tunɔ pɛ wi bo nɛ kpaamɔ na, ngase ka kpaamɔ pɛa yɛbha.»

Dede Wen hazu Jésus-Christ ka Luc ngɛraka 12:21

Ey, wi ka kay kpaamɔ hazu wa, ma, ka dung nê fabha ha li Sɔ, wɛnɛ nê yera wi.»

Dede Wen hazu Jésus-Christ ka Luc ngɛraka 21:34

«Ɛnɛ pangay! Ka ɛnɛ apengi nɛ totɛ mɔ nzan nɛ nɔa dɔkɔ na. Nɛ fin, ɛnɛ adung nɛ nɔzang ha zu mɔ nzan na. Yu nde, yala ka mi betɛ, betɛ wang ɛnɛ

Dede Wen hazu Jésus-Christ ka Luc ngɛraka 8:14

Pɛ hio ma ka zea wen pɛ Sɔ, yo gbesi nɛ kpalmɔ, ka teka ha soko yak ngombia. Nɔzang nɛ kpaamɔ nɛ totɛ mɔ nzan luo sila mbwa. Mɛgi, mbwa way fea waya na.

Deamɔ 8:18

Simon zɔka nde, hio wi kpa Nzɔy-Sɔtɛ ha ngimɔ ka Pierre nɛ Jean gdea kɔ ha zu mbwa. Mɛgi, a bheka mɛ ha mbɔli ha Pierre nɛ Jean,

Rome 12:2

Ka ɛnɛ azɔk nɛ ndɔki deamɔ pɛ wi mɔ nzan hazu de nɛ pɛ ɛnɛ na. Ma, ɛnɛ gde Sɔ aha ɛnɛ mbombe ndɔki takaramɔ hazu kpali ɛnɛ nɛ mbombe wi. Ka ɛnɛ de mɛgi, ɛnɛ being gbaa soko mɔ ka Sɔ ngoy. Wɛnɛ ngoy mɔ ka dung nɛ dedea, ka ha totɛ ha wɛnɛ, nɛ ka lɛm wɛɛ.

1 Korente 1:20

Wan-mbarimɔ ha ndo? *Wan-osi mbonga ha ndo? Wan-wolmɔ nɛ dede gɛl mɔ nzan ɛngɛ ha ndo? Wen pɛ mbwa kara fɛt, hazu Sɔ kiforo mbaramɔ mɔ nzan ɛngɛ ha wen bili kari.

1 Korente 2:6

Tangere, mi ha osa ma mbaramɔ ha hio zɔma wi ha wal mɔ Sɔ. Mbaramɔ ɛngɛ tɛ tɛ nɛ wal nzan ɛngɛ, mana nɛ wal hio wan mɔ nzan ɛngɛ na. Hio wan ndɔng bebhondi fɛt.

1 Korente 2:8

Ma wan ndang mɔ nzan ɛngɛ tɛ ing mbaramɔ ɛngɛ na. Hazu, ka bo se nde, mbwa aing yo, ki mbwa tɛ ngba lɛkɛ-lɛkɛ *Kongawan ha getakate na.

1 Korente 3:18

Ka ma wi ndang aosili tɛ wa nɛ pɛa tɛ na. Wi ka zɔk tɛ wa tuka wan-mbarimɔ ha wal mɔ nzan ɛngɛ, lɛma nde, wɛnɛ atɛ wan-bili tuka nde, Sɔ aha wɛnɛ kpasa mbaramɔ.

2 Korente 4:4

*Satan, gdanga sɔ mɔ nzan ɛngɛ, bhunzoko takaramɔ pɛ hio *wan-kafi Sɔ. Mɛgi, mbwa lɛm zɔk yolo saamɔ pɛ Dede Wen na. Dede Wen ɛngɛ tɔ wen *lɛkɛ-lɛkɛmɔ pɛ Christ, ka dung nê kpasa zizi tɛ Sɔ.

Galasi 1:4

Tuka Sɔ, Bafa ɔ, ngoya, Christ fea gɔn zu hio *sɛmbɔ pɛ ɔ, hazu gbosisi ɔ ha gdanga nzan ɛngɛ mɔ sising yunɛ.

Efeze 2:2

Ɛnɛ dungɔ ha dea mɔ gbesi tuka wi mɔ nzan ɛngɛ. Ɛnɛ dungɔ ha zea nu *Satan, wan hazu hio gdanga sɔtɛ ka dung ha soko ngɔn nɛ nu, sɔtɛ ɛngɛ ka de tom ha tɛ wi ndɔng ka ze nu Sɔ na.

1 Timothée 6:17

Mɛ ha nu ha hio wan-kpamɔ ha zang nzan ɛngɛ nde, ka mbwa asutɛ na, nɛ ka mbwa agde tazu mbwa ha kpaamɔ ɛngɛ ka bepen na. Ma, lɛma nde, mbwa agde tazu mbwa ha tɛ Sɔ ka ha ɔ yɛbhɛ-yɛbhɛ mɔ fɛt nde, ka ɔ adung nɛ totɛ.

2 Timothée 4:10

Hazu Demas laka mi gde hazu a gdea sila wa ha mɔ nzan ɛngɛ. A pena si ha le Tesalonike. Kresan nɛa pɛa ha kandɔnu Galasi, nɛ Tite pena pɛa nɛ ha kandɔnu Dalmasi.