Matthieu 12:46 - Takarata pɛ Sɔ Mbombe Mbon

⁴⁶ Ka Jésus boka ha wolamɔ ha hio giliwi, nana wa nɛ hio ya wa hɔa tɛ dung ha dɛl. Mbwa kio wal mɛ wolmɔ ha wɛnɛ.

Matthieu 12:46 Iomraidhean Croise

Matthieu 1:18

Kasi bhɛ pɛ Jésus-Christ, yo tuka ɛngɛ: Joseph hala Marie, ka bedung bin nana mɛ Jésus. Sɔngsi ka mbwa tɛ ing ka may na, zang hɔa ha tɛ Marie nɛ wal ngatɛ pɛ *Nzɔy-Sɔtɛ.

Matthieu 12:47

Ma wi tɔa ha Jésus: «Nana mɛ nɛ hio ya mɛ hakɛ ha dɛl. Mbwa ngoya wolmɔ ha mɛ.»

Matthieu 13:55

Wi kɛ bo nê bewei pɛ wan-sɛkte na? Nana wa bo nê Marie na? Nɛ bo nê hio ya wa nê Jacques, Joseph, Simon nɛ Jude na?

Matthieu 2:11

Mbwa lea ha zang twa, nɛ kpaa nzɔri bem hinɛ nana wa Marie. Mbwa ngbio zigolo nɛ lukoso nzɔri bem. Nɛ mbwa gbosasa toy pɛ mbwa, nɛ ha wɛnɛ hio matabis ndɔng: gbɛbolo, paka nɛ kulo pɛlmɔ mire.

Matthieu 2:20

a tɔa: «Joseph gutɛ, ba nzɔri bem hinɛ nana wa, kifiri nɛ ha kandɔnu *Israel. Hazu wi ndɔng ka bangoy gbɛa Jésus fea kari.»

Marc 2:21

Nɛ Jésus tɔa fin ha mbwa: «Wi ndang lɛm ku titi nu mbombe la, ful ha tolo mɔa la na. Hazu ka ɛ fal la ɛngɛ, nu mbombe la betɛ kay tɛ, nɛ zuri ma nu mɔa la fin. Mɛgi toloa betɛ pɛsi pen mɔ sɔngsi.

Marc 6:3

Bo nê wɛnɛ nê wan-sɛkte, bewei pɛ Marie na nde? Hio ya wa bo nê Jacques, Yozes, Judée nɛ Simon na nde? Hio ya wa mɔ bhoko de le ha soko ɔ na nde?» Mɛgi, mɔ ndɔng fɛt dolsa mbwa mɛ mɛkiri Jésus.

Dede Wen hazu Jésus-Christ ka Luc ngɛraka 1:43

Mi yaksa ka nana mɛ *Kongawan pɔm tɛa ha pɔm, ngase mi nê bebe wi sɔna!

Dede Wen hazu Jésus-Christ ka Luc ngɛraka 2:33

Bafa nɛ nana mɛ Jésus yaksa hazu wen ndɔng ka Siméon tɔa ha zu wa.

Dede Wen hazu Jésus-Christ ka Luc ngɛraka 2:34

Siméon wola dede wen ha zu mbwa, nɛ a tɔa ha Marie: «Dɔka wi ha Israel bekɔ nanga ha tɛ bem ɛngɛ tek, nɛ wɛnɛ begu hio ma mbinga nɛdɔka. Sɔ tomsa wɛnɛ mɛ gba tazu hio wi, ma mbwa bekafi wɛnɛ.

Dede Wen hazu Jésus-Christ ka Luc ngɛraka 2:48

Ka bafa wa nɛ nana wa zɔka wɛnɛ, mbwa yaksa pentɛ. Nɛ nana wa tɔa: «Woo bem pɔm, mɛ de ɛngɛ mɛgɛ ha tɛ ɔ hazu ge? Mi hinɛ bafa mɛ, ɔ ha kio mɛ nɛ nɔzang.»

Dede Wen hazu Jésus-Christ ka Luc ngɛraka 2:51

Hapata wɛnɛ zilo hinɛ mbwa si ha Nazaret. Nɛ a dungɔ ha zea nu mbwa. Ma, nana wa konza mɔ ndɔng fɛt gde ha sila wa.

Dede Wen hazu Jésus-Christ ka Luc ngɛraka 8:10

Jésus kiforo wen ha mbwa: «Pɛ ɛnɛ, Sɔ haa ɛnɛ mɛ ing gotomɔ hazu Kongakandɔ pɛa, ka ma wi tɛ ing sɔngsi na. Ma hio mbingwi ze nɛ towen sɔna. Nɛ wal ɛngi ‹mbwa ha gɛra mɔ, ma, mbwa zɔk yo na, nɛ mbwa ha zea mɔ, ma, mbwa ing yo na.›»

Jean 19:25

Marie nana mɛ Jésus, nɛ Marie ko pɛ Klopas, nɛ Marie Magdala, mbwa dungɔ ha yola hapɛtɛ getakate pɛ Jésus.

Jean 2:1

Hapata yala bwa, ɛ dea ma yenga sibhoko ha le Kana, ha kandɔnu Galile. Nana mɛ Jésus dungɔ ang.

Jean 2:12

Hapata ɛngi, Jésus nɛa ha le Kapernaum, wɛnɛ hinɛ nana wa, hio ya wa, nɛ hio wan-yambimɔ pɛa. Ma, mbwa tɛ bhɔn haki yala nɛdɔka na.

Jean 2:5

Nɛ nana wa tɔa ha hio wan-tom: «Ɛnɛ de mɔ fɛt ka wɛnɛ betɔ ha ɛnɛ mɛ de!»

Jean 7:10

Ka hio ya mɛ Jésus nɛa ha gala yenga kari, a guotɛ nɛ wuso nak pata mbwa. Ma, a tɛ gbasi tɛ wa na.

Jean 7:3

Mɛgi hio ya mɛ Jésus tɔa ha wɛnɛ: «Mɛ gutɛ hakɛ pen si ha kandɔnu Judée nde, hio *wan-yambimɔ haki azɔk fin mɔ ndɔng ka mɛ ha dea.

Jean 7:5

Hio ya wa tɔa mɛgi, hazu mbwa fin mɛkiri wɛnɛ na.

Deamɔ 1:14

Mbwa fɛt dungɔ ha wesara may nɛ gɔ Sɔ nɛting nɛ sila ndang. Marie, nana mɛ Jésus, nɛ hio ma bhoko dungɔ hinɛ mbwa, tɛ ba nɛ hio ya mɛ Jésus.

1 Korente 9:5

Bo nê mi lɛma mɛ si ma bhoko, nɛ yal hinɛ wɛnɛ gbesi tuka hio olo wan-nɛtom, hio bebe ya mɛ Kongawan, nɛ Pierre ha dea, na nde?

Galasi 1:19

Nɛ ha ngimɔ ɛngi mi tɛ zɔk ma mbing wan-nɛtom fin na, bhɔn kanɛ Jacques, bebe ya mɛ *Kongawan.