Matthieu 12:44 - Takarata pɛ Sɔ Mbombe Mbon

⁴⁴ a betɔ nde, a bekifiri ha mɔa bhandi pɛa. Nɛ ka wɛnɛ kiforo, a kpaa zang twaa nɛ gomboa nɛ saa, ka ɛ bhɔksa nɛdedea.

Matthieu 12:44 Iomraidhean Croise

Matthieu 12:29

«Wanzu lɛma le twa pɛ ngawi nɛ kay hio toy pɛa mɛng? Sɔna ka wɛnɛ sanga ngawi ɛngɛ sɔngsi ing, ki wɛnɛ bekay toy pɛa.

Matthieu 12:43

«Ka ma gdanga sɔtɛ gboa ha tɛ ma wi, a bendoti ha kpɛnu hazu ki bhandi ɔmtɛ. Nɛ ka wɛnɛ kpa bhandi na,

Matthieu 12:45

A benɛ nɛ sa hio gdanga sɔtɛ mɔrkɔ zanga bwa, ka dung nɛ gdangaa pen wɛnɛ. Mbwa bekifiri gbesi nɛ de le ha zang tɛ wi kɛ. Hapata, dungɔ pɛ wi ɛngɛ tɛ bo nɛ gdangaa pen mɔ sɔngsi. Yo bedung gbesi nɛ hio gdanga wi mɔ ngimɔ ɛngɛ.»

Dede Wen hazu Jésus-Christ ka Luc ngɛraka 11:25

Nɛ ka wɛnɛ kiforo, a kpaa zang twaa nɛ saa, ka ɛ bhɔksa nɛdedea.

Jean 12:6

Judas bo ha dea ngɔtɛ tɛ hio fabha wi na. Ma, a tɔa mɛgi hazu wɛnɛ nê wanzu. Wɛnɛ nê wan-pam mbɔli pɛ mbwa, nɛ a dung mɛ zu hio ma mbɔli.

Jean 13:2

Nɛ mbolo, Jésus dungɔ ha yɔngamɔ hinɛ hio wan-yambimɔ pɛa. *Satan bagde se takaramɔ ha sila Judas bem pɛ Simon Iskariote nde, ka wɛnɛ agdongi Jésus ha hio ngana pɛa.

Jean 13:27

Ha ngimɔ ka Judas kuo nɛ mampa ɛngɛ, *Satan lea sila wa. Jésus tɔa ha wɛnɛ: «Mɔ ka mɛ bheka mɛ de, mɛ de yo nɛhasa.»

1 Korente 11:19

Ey, lɛma nde, kɛtana soko adung ang ha soko ɛnɛ, hazu yo begbasi hio wi ha soko ɛnɛ ka dung nɛ mboazu ha wal mɔ Sɔ.

Efeze 2:2

Ɛnɛ dungɔ ha dea mɔ gbesi tuka wi mɔ nzan ɛngɛ. Ɛnɛ dungɔ ha zea nu *Satan, wan hazu hio gdanga sɔtɛ ka dung ha soko ngɔn nɛ nu, sɔtɛ ɛngɛ ka de tom ha tɛ wi ndɔng ka ze nu Sɔ na.

1 Jean 2:19

Hio wi ndɔng dungɔ ha soko ɔ sɔngsi. Ma, mbwa tɛ dung nê pɛ ɔ na. Yo nê ɛngi ka mbwa gboa. Hazu mbwa abo se nê pɛ ɔ, ki mbwa bhɔna hinɛ ɔ. Ma, mɔ hɔa mɛgi hazu gbasi long nde, ma ndang ha soko mbwa tɛ dung nê wi pɛ ɔ na.

1 Jean 4:4

Hio bem pɔm, ɛnɛ nê pɛ Sɔ. Ɛnɛ gana zu hio wan-tɔkuliwen dalo fɛt kari. Hazu Nzɔy-Sɔtɛ ka dung ha tɛ ɛnɛ, wɛnɛ nɛ ngaya pen sɔtɛ ka dung ha tɛ hio wi mɔ nzan.