Matthieu 12:31 - Takarata pɛ Sɔ Mbombe Mbon

³¹ Mɛgi, mi tɔ ha ɛnɛ nde, Sɔ lɛma bisi *sɛmbɔ pɛ hio *wan-de gdangamɔ nɛ pɛ hio wan-fɛngsi wɛnɛ fɛt. Ma, Sɔ lɛm bisi sɛmbɔ pɛ wan-fɛngsi Nzɔy-Sɔtɛ na.

Matthieu 12:31 Iomraidhean Croise

Dede Wen hazu Jésus-Christ ka Luc ngɛraka 12:10

Sɔ bebisi *sɛmbɔ pɛ wi ndɔng ka tɔ gdanga wen sungiri Bewei pɛ Wi. Ma, Sɔ lɛm bisi sɛmbɔ pɛ wan-fɛngsi *Nzɔy-Sɔtɛ na.

Deamɔ 7:51

Etienne tɔa fin: «Ɛnɛ nɛ nga zu! Ɛnɛ gdɔki sila ɛnɛ nɛ zala ɛnɛ nde, ɛnɛ aze wen pɛ Sɔ na. Ɛnɛ ha sungoro *Nzɔy-Sɔtɛ swe fɛt gbesi tuka ka hio ngbabafa ɛnɛ bade.

Hebro 10:26

Hazu ka ɔ ingɔ tɛwen kari, nɛ ka ɔ bhɔn ka ha dea gdangamɔ nɛ nyalɔ, ma mbing sadaka ka lɛma mɛ bisi nɛ *sɛmbɔ pɛ ɔ, bo fin na.

Hebro 10:29

Kpasawen, hio ma wi bhɛsiri *Bewei pɛ Sɔ. Mbwa zɔk tɔk *mbon ka gdea mbwa nɛ nzɔya ha li Sɔ, tuka ngbundumɔ. Nɛ mbwa ya *Nzɔy-Sɔtɛ ka gbasa *dede sila pɛ Sɔ ha mbwa. Pɛ mbwa, bo nê Sɔ bendulsi mbwa pen pɛ hio wi ka tukolo mbonga, na nde?

Hebro 6:4

Hio ma wi ang ka Sɔ donsa sila mbwa nɛ saamɔ pɛa, ka tota hio dedemɔ ngɔn, ka kpaa *Nzɔy-Sɔtɛ,

1 Jean 1:9

Ma, ka ɔ gbasi sɛmbɔ pɛ ɔ ha Sɔ, a bebisi sɛmbɔ pɛ ɔ, nɛ a besasisi ɔ ha gdanga deamɔ pɛ ɔ fɛt, hazu wɛnɛ nɛ mboazu nɛ nzeng.

1 Jean 5:16

Ka ma wi zɔka ya wa ha dea ma gdangamɔ, ka lɛm nɛ fio ha li Sɔ na, lɛma nde, wɛnɛ agɔ Sɔ, nɛ Sɔ beha tunɔ ha wi ɛngɛ. Wen ɛngɛ nê sɔna hazu hio gdangamɔ ka lɛm nɛ fio ha li Sɔ na. Ma, ma gdangamɔ ang ka lɛm nɛ fio ha li Sɔ. Mi tɛ tɔ nde, ɛnɛ agɔ Sɔ hazu hio wi ka dea tili gdangamɔ mɛgi, na.