Matthieu 11:5 - Takarata pɛ Sɔ Mbombe Mbon

⁵ ‹Hio wan-gdɔka li zɔka mɔ, hio kumɔ wi nɛa nɔ, tɛ hio wan-doko saa, hio wan-gdɔka zala zea mɔ, hio fiowi kiforo ha tunɔ, nɛ hio fabha wi ha zea Dede Wen.›

Matthieu 11:5 Iomraidhean Croise

Matthieu 10:8

Ɛnɛ kpasisi hio wan-zɛlɛ, ɛnɛ tunsi hio fiowi, ɛnɛ sasisi tɛ hio wan-doko, nɛ ɛnɛ yin hio gdanga sɔtɛ ha tɛ wi. Mi haa ɛnɛ ziomɔ mɛ de mɔ ndɔng nɛgbelea, mɛgi ɛnɛ ade yo fin nɛgbelea.

Matthieu 11:4

Jésus kiforo wen ha mbwa: «Ɛnɛ nɛ, nɛ tɔ ha Jean, mɔ ka ɛnɛ zea nɛ zɔka:

Matthieu 12:13

Nɛ Jésus tɔa ha wan-yɔmba kɔ: «Yafifi kɔ mɛ!» Wɛnɛ yafafa, nɛ kɔ wa kiforo nɛ dedea tuka mbinga.

Matthieu 21:14

Hio ma wan-gdɔka li nɛ hio ma kumɔ wi tɛa ha pɛa ha zang gasa twa Sɔ, nɛ wɛnɛ karsa zɛlɛ ha tɛ mbwa.

Matthieu 5:3

«Totɛ ha hio wi ndɔng, ka gde tazu mbwa ha tɛ Sɔ ndang sɔna, hazu mbwa bedung hio wi mɔ *Kongakandɔ pɛ Sɔ!

Matthieu 9:30

Nɛ gbali mbwa gboa long. Jésus mboa nu mbwa nɛ ngaya nde, ka mbwa atɔ yo ha ma wi na.

Marc 7:37

Hio wi fɛt yaksa pentɛ nɛ mbwa tɔa: «Wɛnɛ de mɔ fɛt nɛdedea. A de tuka nde hio wan-gdɔka zala aze mɔ, nɛ hio wan-gdɔka nu awol mɔ.»

Marc 9:25

Ka Jésus zɔka nde, hio wi wesara may nɛdɔka pen mɔ sɔngsi, a haa nu nɛngaya ha gdanga sɔtɛ nɛ a tɔa: «Mi haa nu ha mɛ, gdanga sɔtɛ ka gdɔki nu nɛ zala wi, mɛ gbo ha tɛ bem ɛngɛ, nɛ ka mɛ ale ha tɛ wa fin na!»

Dede Wen hazu Jésus-Christ ka Luc ngɛraka 4:18

«*Nzɔy-Sɔtɛ pɛ *Kongawan dung ha zu mi, hazu wɛnɛ hɔnga mi mɛ bul *Dede Wen ha hio fabha wi. A tomsa mi hazu tɔ ha hio wan-zɔbhɔ nde, zɔbhɔ pɛ mbwa kara, hazu gbosisi li hio wan-gdɔka li, hazu gbosisi wi ndɔng ka ɛ yukoto gde sɛɛ.

Jean 10:25

Jésus kiforo wen ha mbwa: «Mi tɔa yo ha ɛnɛ kari. Ma, ɛnɛ ngoy zea mi na. Hio tom ndɔng ka mi de nɛ wal ngatɛ pɛ Bafa mi, yo ha kɛa wen tɛ mi.

Jean 10:38

Ma, ka mi ha dea yo, lɛma nde, ɛnɛ amɛkiri tom pɔm ndɔng, ngase ka ɛnɛ mɛkiri mi na. Hazu nɛ wal tom ndɔng ɛnɛ being nɛ kpasa nde, Bafa mi ang ha tɛ mi, nɛ mi ang ha tɛ wa.»

Jean 2:23

Ha ngimɔ ka Jésus dungɔ ha gala yenga *Pake ha Jérusalem, hio wi nɛdɔka mɛkara wɛnɛ hazu mbwa zɔka hio *mɔweka ka wɛnɛ dungɔ ha dea.

Jean 3:2

Ma zɛ, a nɛa ha pɛ Jésus, nɛ a tɔa ha wɛnɛ: «Wan-osimɔ, ɔ ingɔ nde, yo nê Sɔ ka tomsa mɛ hazu osimɔ ha ɔ. Hazu, ka ngatɛ pɛ Sɔ bo ha tɛ ma wi na, ki a lɛm de hio *mɔweka tuka ka mɛ ha dea na.»

Jean 5:36

Ma, pɔm, mi nɛ ma kɛa wen ka pena pɛ Jean. Yo nê hio tom pɔm, ka Bafa mi haa ha mi. Nɛ hio mɔ ndɔng ka mi de, kɛ wen hazu mi nde, yo nê Bafa mi ka tomsa mi.

Jean 9:7

A tɔa ha wɛnɛ: «Mɛ nɛ, nɛ tay li mɛ ha bebe tɔ Siloe.» (Goto ling Siloe tɔ nde, wan-nɛkasara.) Mɛgi wan-gdɔka li kɛ nɛa haki nɛ tay li wa. Ka wɛnɛ pea, a zɔka mɔ kari.

Deamɔ 2:22

«Hio wi mɔ *Israel, ɛnɛ ze wen ka mi betɔ! Sɔ gbasa ziomɔ pɛ Jésus, wi mɔ Nazaret, hazu a dea nɛ wal wɛnɛ hio *mɔbhana, mɔkifi, nɛ mɔweka ha soko ɛnɛ, tuka ɛnɛ ingɔ yo nɛ pɛ ɛnɛ tɛ.

Jacques 2:5

Hio ya mi ka mi ngoya gdang, ɛnɛ ze nɛdedea: Sɔ weka hio fabha wi mɔ nzan nde, mbwa adung nê wan-kpamɔ nɛ wal mɛkara Jésus-Christ, nɛ nde, mbwa akpa Kongakandɔ pɛa, ka wɛnɛ bagɔn nua mɛ ha nɛ likɔ ha hio wi ka ngoy wɛnɛ.