Matthieu 11:28 - Takarata pɛ Sɔ Mbombe Mbon

²⁸ «Ɛnɛ fɛt, ka tɛ ɛnɛ kata ha baa zio toy dɔka *mbonga pɛ hio *zuife, ɛnɛ tɛ ha pɔm. Mi begu yo ha zu ɛnɛ yunɛ, nɛ ɛnɛ bekpa gaamɔ.

Matthieu 11:28 Iomraidhean Croise

Matthieu 11:29

Ɛnɛ aba toy pɔm gde ha zu ɛnɛ, nɛ ɛnɛ yambi mɔ ha kɔ mi, hazu mi nɛ gaa nɛ mɛndi. Mɛgi ɛnɛ being mɔ ka ha gaamɔ ha tunɔ pɛ ɛnɛ.

Matthieu 23:4

Hio mbonga pɛ mbwa dung tuka gdingbɛng toy ka mbwa gde ha zu bhaka hio wi. Ma, mbwa ngoy ndɔa yo ngase nɛ bhanza kɔ na.

Jean 6:37

Hio wi ndang ndang fɛt ka Bafa mi ha mi, betɛ ha pɔm. Nɛ mi lɛm kafi wi ka tɛ ha pɔm ndang na.

Jean 7:37

Ha kpogio yala yenga ka dung nê tɛ gasa swea, Jésus yola ha soko giliwi nɛ wɛnɛ tɔa nɛ ngagɛl: «Ka ma wi nɛ wɔ li, wɛnɛ atɛ ha pɔm tɛ nɔ mɔ.

Deamɔ 15:10

Hazu ge ɛnɛ ha wea sila Sɔ sising nɛ wal gdea zio toy ha zu wi ndɔng ge nde? Ngase hio ngbabafa ɔ, ngase ɔ, tɛ lɛm toy yo na.

Deamɔ 20:35

Nɛ wal mɔ ndɔng fɛt, mi osa ha ɛnɛ nde, ɔ ade tom mɛgi hazu gbakiri hio wan-kɔsa. Tazu ɔ agba nɛ wen ɛngɛ ka Kongawan Jésus batɔ: ‹Haa mɔ ha ma wi nɛ dedea pen kpaa mɔ ha kɔ ma wi.›»

Galasi 5:1

Christ gbosasa ɔ ha tom bala yunɛ tuka nde, ɔ adung nê tɛ kpasa bele. Mɛgi, ɛnɛ bhɔn nê tɛ bele nɛ nɔa nging. Ka ma wi aba ɛnɛ tuka bala fin na.

2 Tesalonike 1:7

nɛ a beha ɛnɛ ka kpa yeksamɔ sising, ngimɔ ɔmtɛ gbesi hinɛ ɔ. A bede mɛgi ha ngimɔ ka Kongawan Jésus begu nɛ tɛ ha ngɔn mɛ pe nɛ hinɛ hio nga *telenge pɛa.

Hebro 4:1

Sɔ bagɔn nu ha ɔ nde, a beha ɔ wal mɛ le ha bhandi ɔmtɛ ka wɛnɛ bhɔngara gde ha ɔ. Nɛ gɔnanu ɛngɛ bhɔna ka. Mɛgi, ɔ pangay yu nde, ma wi ha soko ɛnɛ betɛ kɔpi lea ha bhandi ɔmtɛ ɛngɛ.

Gbasamɔ 22:17

*Nzɔy-Sɔtɛ hinɛ Bhoko-si wei ha tɔa: «Mɛ tɛ!» Nɛ wi ka ze yo, atɔ fin: «Mɛ tɛ!» Wi fɛt ka dung nɛ wɔ li, nɛ ka dung nɛ hɛl mɛ nɔ li ka ha tunɔ, mbwa atɛ tɛ kpa yo nɛ gbelea.