Matthieu 11:26 - Takarata pɛ Sɔ Mbombe Mbon

²⁶ Ey, Bafa mi, yo nê mɛ ka ngoya yo mɛgi.

Matthieu 11:26 Iomraidhean Croise

Dede Wen hazu Jésus-Christ ka Luc ngɛraka 10:21

Ha ndangtɛ ngimɔ, *Nzɔy-Sɔtɛ donsa sila Jésus nɛ gasa totɛ, nɛ wɛnɛ tɔa: «Bafa mi, mɛ nê wan hazu ngɔn nɛ nu. Mi lukisi mɛ hazu mɛ gbasa ha hio bebe wi mɔ ndɔng, ka mɛ wuso ha hio wan-mbarimɔ nɛ wan-ingmɔ. Ey, Bafa mi, yo nê mɛ ka ngoya yo mɛgi.

Dede Wen hazu Jésus-Christ ka Luc ngɛraka 22:42

a tɔa: «Bafa mi, ka mɛ ngoya, mɛ kusi kɔpɔ yimtɛ ɛngɛ ha zu mi yunɛ. Ma, bo tuka mi ngoya na, ma, tuka mɛ ngoya.» [

Dede Wen hazu Jésus-Christ ka Luc ngɛraka 23:34

Nɛ Jésus tɔa: «Bafa mi, bisi *sɛmbɔ pɛ mbwa, hazu mbwa ing mɔ ka mbwa de na.» Nɛ hio wan-bibulo kapana la pɛa ha soko may nɛ wal dea mbela.

Jean 11:41

Ɛ kinso ta yunɛ. Jésus guo li ha ngɔn nɛ wɛnɛ tɔa: «Bafa mi, mi lukisi mɛ hazu mɛ ha zea gɔamɔ pɔm.

Jean 12:27

«Sising, mi nɛ ngɔtɛ ha zang sila mi. Mi betɔ nɛ nge wen ge? Mana mi betɔ nde, Bafa mi, mɛ gu ngimɔ yimtɛ ɛngɛ ha zu mi yunɛ nde? Way! Mi tɛa hakɛ ha nzan hazu kpa yimtɛ ɛngɛ.

Jean 12:28

Bafa mi, gbasi *lɛkɛ-lɛkɛmɔ pɛ ling mɛ!» Ha ndangtɛ ngimɔ ɛngi, ɛ zea ma gɛl ka gboa ha ngɔn tɛ, nɛ yo tɔa: «Mi gbasa lɛkɛ-lɛkɛmɔ pɛ ling mi kari. Nɛ mi begbasi yo fin nɛ mbinga.»

Rome 9:18

Mɛgi, ka Sɔ ngoy mɛ de kobhe tɛ ma wi, a bede yo. Nɛ ka Sɔ ngoy nde, sila ma wi angay, a bede mɛgi fin.

Efeze 1:11

Tuka Sɔ babhɔngiri, a baweki ɔ sɔngsi bhee nde, ɔ atɛ hio wi pɛa nɛ wal dea sɔy hinɛ Christ. A de mɔ fɛt tuka sila wa ngoya, nɛ tuka wɛnɛ babheki yo.

Efeze 1:9

Mɔ ka wɛnɛ gbatɛ babhɔngiri nɛ wuso, nɛ ka wɛnɛ babheki sɔngsi mɛ de nɛ wal Christ, a gbasa yo ha ɔ.

Efeze 3:11

Sɔ dea mɛgi tuka wɛnɛ babheki sɔngsi bhee. A dea yo nɛ wal tom ka Jésus-Christ, *Kongawan pɛ ɔ, dea.

2 Timothée 1:9

Yo nê Sɔ ka kpasasa ɔ, nɛ ka saa ɔ mɛ dung nê kandɔ pɛa. A dea mɛgi, bo hazu dede deamɔ pɛ ɔ na, ma, hazu a bheka yo nɛ *dede sila pɛa. A bheka mɛ de dede sila ha tɛ ɔ nɛ wal Jésus-Christ sɔngsi bhee gde ka wɛnɛ tɛ de ka nzan na.