Matthieu 11:11 - Takarata pɛ Sɔ Mbombe Mbon

¹¹ Mi tɔ ha ɛnɛ kpasawen nde, ɛ tɛ bhɛ ma wi ka dung nɛ gasaa pen Jean ndang na. Ma, wi kɛ ka dung nɛ bebea fɛt ha zang *Kongakandɔ Ngɔn, nê zioa pen Jean.

Matthieu 11:11 Iomraidhean Croise

Matthieu 11:10

Hazu Sɔ tɔa wen hazu Jean ha zang takarata pɛa nde, ‹Mi betomsi wan-nɛkasara pɔm ha li mɛ hazu bhɔngiri wal ha mɛ.›

Matthieu 11:12

Angiri ha ngimɔ ka Jean dungɔ ha gdumso wi kanɛ sising, ɛ ngoy bhɔngiri Kongakandɔ Ngɔn nɛ nga mbanzi, nɛ hio ngawi ngoy dang zua.

Matthieu 3:1

Ha ngimɔ ɛngi Jean wan-gdumsiwi gbasa tɛ wa. A bulo wen ha kpɛnu mɔ Judée,

Matthieu 3:11

Pɔm, mi gdumsi ɛnɛ ha li hazu osi nde, ɛnɛ kiforo sila. Ma, wi kɛ ka betɛ ha pata mi, wɛnɛ nɛ gasaa pen mi. Mi bo nɛ zioa hazu bul pɛl nakala pɛa na. A begdumsi ɛnɛ ha zang *Nzɔy-Sɔtɛ nɛ ha zang we.

Matthieu 5:19

Hazu ɛngi, ka ma wi tukolo ma bebe mbonga ndang, nɛ ka wɛnɛ osi mɛgi ha hio wi, wɛnɛ bedung nɛ bebea gdang ha *Kongakandɔ Ngɔn. Ma, wi ka de mɔ lɛm nɛ mbonga, nɛ ka osi yo mɛgi ha hio wi, bedung nɛ gasaa ha Kongakandɔ Ngɔn.

Dede Wen hazu Jésus-Christ ka Luc ngɛraka 1:15

Hazu a bedung nê konga wi ha li Kongawan Sɔ. Nɛ wɛnɛ bezim li vigne nɛ hio dɔkɔ fɛt, nɛ a bedon nɛ *Nzɔy-Sɔtɛ nisi ha zang nana wa.

Dede Wen hazu Jésus-Christ ka Luc ngɛraka 7:28

Mi tɔ ha ɛnɛ nde, ɛ tɛ bhɛ ma wi ka dung nɛ gasaa pen Jean ndang na. Ma, wi kɛ ka dung nɛ bebea fɛt ha zang *Kongakandɔ pɛ Sɔ, nɛ zioa pen Jean.

Dede Wen hazu Jésus-Christ ka Luc ngɛraka 9:48

Nɛ a tɔa ha mbwa: «Wi ka baa bem ɛngɛ nɛ dede kɔ hazu ling mi, wia baa mi. Nɛ wi ka baa mi, baa wi ka tomsa mi. Hazu wi ka dung nɛ bebea ha soko ɛnɛ fɛt, yo nê wɛnɛ ka dung nɛ gasaa.»

Jean 1:15

Jean tɔa wen tɛ wa ha hio wi nɛ ngagɛl: «Yo nê wi ɛngɛ ka mi tɔa wena nde, ma wi ha tɛa ha pata mi. Wɛnɛ nɛ zioa pen mi, hazu a badung ang sɔngsi bhee gde ɛ tɛ bhɛ ka mi na.»

Jean 1:27

Wɛnɛ ha tɛa ha pata mi. Nɛ mi bo nɛ zioa mɛ bul pɛl nakala pɛa na.»

Jean 10:41

Hio wi nɛdɔka dungɔ ha tɛa ha pɛa, nɛ mbwa tɔa: «Kpasawen, Jean tɛ de ma *mɔweka ndang na. Ma, mɔ ka wɛnɛ tɔa ha zu wi kɛ, yo nê tɛwen.»

Jean 3:30

Lɛma nde, wɛnɛ atɛ nɛ gasaa, nɛ pɔm, mi atɛ nɛ bebea.»

Jean 5:35

Jean badung tuka lamba ka wea baa, nɛ ɛnɛ dea totɛ ha yoloa ngimɔ tikiring.

Jean 7:39

Jésus tɔa wen ɛngi hazu *Nzɔy-Sɔtɛ ka hio wan-mɛkiri wɛnɛ bekpa. Ha ngimɔ ɛngi, Nzɔy-Sɔtɛ tɛ zil ka tɛ ha nzan na, hazu Sɔ tɛ ba ka Jésus ha zang *lɛkɛ-lɛkɛmɔ na.

1 Korente 15:9

Kpasawen, mi nê bebe wi ha soko hio wan-nɛtom fɛt. Ey, mi lɛm fin nde, ɛ asa mi wan-nɛtom na, hazu mi banamili hio wi mɔ eglize pɛ Sɔ.

1 Korente 6:4

Tangere, pɛ ɛnɛ, ka ma tili wen mɛgi hɔa ha soko ɛnɛ, ɛnɛ kpala fin tɛ ku wena nɛnɛ ha si hio ngbundu wi ha li *giliwi mɔ eglize tuka nde, mbwa agɔn kitaa.

Efeze 2:3

Ɔ fɛt, ɔ badung fin gbesi tuka mbwa. Ɔ badung ka fin ha dea mɔ ka multɛ ɔ ngoya. Ɔ badung ha gdea tɛ ɔ ha hio mɔ ka multɛ nɛ sila ɔ gola. Hazu ndɔkitɛ ɔ dungɔ mɛgi, ɔ lɛma nɛ ngambi pɛ Sɔ tuka hio olo wi fɛt.

Efeze 3:8

Pɔm, mi nê bebe wi pen fɛt ha soko hio olo wi pɛ Sɔ. Ma, ngase ɛngi Sɔ dea dede sila ha tɛ mi nde, mi abul Dede Wen ha hio wi ka bo nê zuife na. Dede Wen ɛngɛ nde, mbwa lɛma kpa yɛbhɛ-yɛbhɛ kpaamɔ nɛ wal Christ.

2 Timothée 1:10

Sising, Sɔ osa dede sila pɛa nɛ wal tɛa pɛ Jésus-Christ, *wan-kpasisi ɔ. Wɛnɛ yangala ziomɔ pɛ fio yunɛ, nɛ a bulo Dede Wen hazu gbasi tunɔ ka bebhɔn kpoo.

Hebro 11:40

Hazu mɔ ka Sɔ bheka, yo nɛ dedea pentɛ hazu ɔ. A bheka nde, mbwa akeri nɛ ɔ tuka nde, wɛnɛ alɛmsiri mɔ fɛt wɛɛ hazu ɔ hinɛ mbwa fɛt gbesi.

1 Pierre 1:10

Sɔngsi bhee, hio *wan-tɔkuliwen kio goto mɔ ka Sɔ bekpasisi nɛ hio wi. Mbwa ngɛsara gotoa, nɛ mbwa tɔa kuliwen mɔ ka Sɔ bhɔngara nɛ wal dede sila pɛa gde ha ɛnɛ.