Matthieu 10:4 - Takarata pɛ Sɔ Mbombe Mbon

⁴ nɛ Simon, ka ɛ sa nde, «Bele ka yin gɔn-gɛnɛ wan-le», nɛ Judas Iskariote wan-hakasatɛ Jésus.

Matthieu 10:4 Iomraidhean Croise

Matthieu 26:14

Hapata, ma ndang ha soko *wan-nɛtom bhukɔ gbala bwa, ling wa nde Judas Iskariote, nɛa ha pɛ hio gasa wan-hasadaka,

Matthieu 26:15

nɛ a tɔa ha mbwa: «Ɛnɛ beha ge ha mi, ka mi agde Jésus ha kɔ ɛnɛ ge?» Nɛ mbwa haa wɛnɛ hio mbɔli mɔ bubolo bhukɔa tar.

Matthieu 26:2

«Ɛnɛ ingɔ nde, ha zang yala bwa, yenga *Pake behɔ. Ha ngimɔ ɛngi, ɛ begde mi, *Bewei pɛ Wi, ha kɔ hio wi hazu ngba mi ha getakate.»

Matthieu 26:47

Nɛ ka Jésus boka ha wolamɔ, Judas, ma ndang ha soko *wan-yambimɔ bhukɔ gbala bwa, hɔa hinɛ hio giliwi ha pata wa. Mbwa dungɔ nɛ hio gbapa nɛ mbiti te ha kɔ mbwa. Yo nê hio gasa wan-hasadaka nɛ hio kotowi pɛ hio *zuife ka tomsa wi ndɔng.

Matthieu 27:3

Ka Judas, wan-hakasatɛ Jésus, zɔka nde, ɛ gɔna kita fio ha zu Jésus kari, wɛnɛ dea ngɔtɛ hazua. Mɛgi a kiforo hio mbɔli mɔ bubolo ndɔng bhukɔa tar ha hio gasa wan-hasadaka nɛ hio kotowi,

Marc 14:10

Judas Iskariote, ma ndang ha soko *wan-yambimɔ bhukɔ gbala bwa, nɛa ha pɛ hio gasa wan-hasadaka hazu ha kasatɛ Jésus ha mbwa.

Marc 14:43

Ha ndangtɛ ngimɔ ka Jésus boka ha tɔa wen ndɔng, Judas, ma ndang ha soko *wan-yambimɔ bhukɔ gbala bwa, hɔa hinɛ hio giliwi ha pata wa. Mbwa dungɔ nɛ hio gbapa nɛ mbiti te ha kɔ mbwa. Yo nê hio gasa wan-hasadaka, hio *wan-osi mbonga nɛ hio kotowi pɛ hio *zuife ka tomsa wi ndɔng.

Dede Wen hazu Jésus-Christ ka Luc ngɛraka 22:3

Mɛgi, *Satan lea sila Judas Iskariote, ma *wan-nɛtom ha soko hio bhukɔ gbala bwa.

Dede Wen hazu Jésus-Christ ka Luc ngɛraka 22:47

Ka Jésus boka ha wolamɔ, zugiliwi hɔa. Judas, ma *wan-nɛtom pɛa ha soko bhukɔ gbala bwa, nɛa ha li mbwa. A tiko tɛ hapɛtɛ Jésus hazu duy mbuku wa.

Jean 13:2

Nɛ mbolo, Jésus dungɔ ha yɔngamɔ hinɛ hio wan-yambimɔ pɛa. *Satan bagde se takaramɔ ha sila Judas bem pɛ Simon Iskariote nde, ka wɛnɛ agdongi Jésus ha hio ngana pɛa.

Jean 6:64

Ma, hio ma wi ha soko ɛnɛ mɛkiri mi na.» Jésus tɔa mɛgi hazu a ingɔ sɔngsi bhee wi ndɔng ka mɛkiri wɛnɛ na, nɛ wi ka beha kasatɛ wa.

Jean 6:71

Jésus tɔa wen ɛngɛ hazu Judas bewei pɛ Simon Iskariote. Ngase ka Judas nê ma wan-yambimɔ ha soko ɛ ndɔng bhukɔ gbala bwa, yo nê wɛnɛ ka beha kasatɛ Jésus.

Deamɔ 1:13

Nɛ ka mbwa hɔa haki, mbwa danga nɛ ha pimbi ha ngɔn mɔ twa ka mbwa dungɔ mɛ wesiri may ang. Wi ndɔng nê: Pierre, Jean, Jacques, André, Philippe, Thomas, Barthélemy, Matthieu, Jacques bewei pɛ Alfe, Simon ka ɛ sa nde «Wan-yin gɛnɛ kongawan», hinɛ Jude bewei pɛ Jacques.

Deamɔ 1:25

Wɛnɛ bedung wan-nɛtom nɛ a bede tom ha bhandi ka Judas laka gde pen si ha bhandi ka lɛma nɛ wɛnɛ.»