Matthieu 1:1 - Takarata pɛ Sɔ Mbombe Mbon

¹ Ɛngɛ nê nzɔng ling hio ngbabafa mɛ Jésus-Christ, bezang pɛ *kongapora David nɛ pɛ Abraham fin.

Matthieu 1:1 Iomraidhean Croise

Matthieu 1:18

Kasi bhɛ pɛ Jésus-Christ, yo tuka ɛngɛ: Joseph hala Marie, ka bedung bin nana mɛ Jésus. Sɔngsi ka mbwa tɛ ing ka may na, zang hɔa ha tɛ Marie nɛ wal ngatɛ pɛ *Nzɔy-Sɔtɛ.

Matthieu 1:2

Abraham bhɛa Isaac. Isaac bhɛa Jacob. Jacob bhɛa Juda nɛ hio ya wa.

Matthieu 15:22

Ma bhoko mɔ kandɔ Kanaan ka de le haki, tɛa ha pɛa nɛ gdɔra: «*Kongawan, *Bewei pɛ David, de kobhe tɛ mi wa! Gdanga sɔtɛ ha yeksa bem pɔm mɔ bebhoko nɛngaya.»

Matthieu 3:16

nɛ gdumso wɛnɛ. Ka Jésus gboa ha li, liswe gboa long, nɛ wɛnɛ zɔka *Nzɔy-Sɔtɛ pɛ Sɔ ha ziloa tuka gbakuli tɛ dung ha zu wa.

Matthieu 9:27

Jésus guotɛ haki, nɛ ka wɛnɛ ha pena, wan-gdɔka li bwa ndara wɛnɛ nɛ gdɔra: «*Bewei pɛ David, de kobhe tɛ ɔ wa!»

Dede Wen hazu Jésus-Christ ka Luc ngɛraka 1:33

Nɛ wɛnɛ bedung kongapora ha zu kandɔ *Israel kpoo, ngimɔ dung kongapora pɛa lɛm kari na.»

Jean 7:42

Hazu ɛ bangɛriki se ha zang takarata pɛ Sɔ nde, Mesi bedung nê bezang pɛ David, nɛ nde, wɛnɛ begbo ha Betlehem, le ka David bade le ang se.»

Deamɔ 2:30

David badung se nê wan-tɔkuliwen, nɛ wɛnɛ ingɔ nde, Sɔ kana mɔ mɛ gde ma bezang pɛa tuka *kongapora ha bhandi pɛa.

Rome 1:3

Dede Wen ɛngɛ tɔ nɛ wen tɛ Bewei pɛa, Jésus-Christ, *Kongawan pɛ ɔ. A tɛa tuka wi, nɛ ɛ bhɛa wɛnɛ ha zang nam pɛ *kongapora David.

Rome 4:13

Sɔ bagɔn nu ha Abraham nɛ hio bezang pɛa sɔngsi nde, a beha mbwa nzan tuka mɔ likɔ. Sɔ gɔna nu ɛngɛ bo hazu Abraham pama *mbonga na. Ma, a gɔna nu ɛngɛ hazu Abraham tɛ bo nê *nzeng wi ha li wa nɛ wal mɛkaramɔ pɛa.

Rome 9:5

Hio ngbabafa mbwa badung nê hio gasa wi. Nɛ wal ndɔki bhɛ, Christ fin nê kandɔ pɛ mbwa. Wɛnɛ nê Sɔ ka dung nê wan hazu mɔ fɛt. Lukosomɔ nê pɛa kpoo nɛ kpoo. Amen!

Galasi 3:16

Tuka ɛngi fin, Sɔ bagɔn nu ha Abraham nɛ ha bezang pɛa. Takarata pɛ Sɔ tɛ tɔ nde, hio bezang pɛa, na. Yo tɛ tɔ wen dɔka bezang na, ma, yo tɔ ka sɔna nɛ wen ndanga bezang ndang. Nɛ ndanga bezang ɛngɛ, yo nê Christ.

1 Timothée 2:5

Kpasawen, Sɔ ka nê ndang sɔna. Nɛ wi ka dung ha soko hio wi hinɛ Sɔ, ka fin nê ndang sɔna. Wi ɛngɛ nê Jésus-Christ.

2 Timothée 2:8

Tazu mɛ agba nɛ Jésus-Christ, bezang pɛ *kongapora David. A fea, nɛ a guotɛ ha soko hio fiowi. Ɛngi nê goto *Dede Wen ka mi bul ha hio wi.

Gbasamɔ 22:16

«Mi, Jésus, mi tomsa telenge pɔm hazu kɛ hio wen ndɔng ha hio *giliwi mɔ eglize fɛt. Mi nê bezang nugala pɛ David, mi nê ngɛlɛ-ngɛlɛ sɔla gbandolo.»