Marc 9:26 - Takarata pɛ Sɔ Mbombe Mbon

²⁶ Nɛ gdanga sɔtɛ gdɔra, a fesa bem nɛngaya nɛ a gboa ha tɛ wa. Nɛ bem ɛngɛ dungɔ tuka a fea fe. Nɛ hio dɔka wi tɔa nde, a fea kari.

Marc 9:26 Iomraidhean Croise

Matthieu 15:22

Ma bhoko mɔ kandɔ Kanaan ka de le haki, tɛa ha pɛa nɛ gdɔra: «*Kongawan, *Bewei pɛ David, de kobhe tɛ mi wa! Gdanga sɔtɛ ha yeksa bem pɔm mɔ bebhoko nɛngaya.»

Marc 1:26

Nɛ gdanga sɔtɛ fesa wɛnɛ nɛngaya, nɛ a gboa ha tɛ wa nɛ gdɔra nɛ ngagɛl.

Marc 9:18

Ha bhandi fɛt ka gdanga sɔtɛ ɛngɛ pi wɛnɛ ha nu, puru nɛ tafu gboa ha nu wa pum-pum. A yɔnga nzata wa nɛ tɛ wa fɛt tɛ bo kik-yili. Mi ana hio wan-yambimɔ pɛ mɛ nde, mbwa ayin gdanga sɔtɛ ɛngɛ gbosisi. Ma, mbwa bo nɛ ngatɛ mɛ yin wɛnɛ na.»

Marc 9:20

Mbwa kuo bem ɛngɛ nɛnɛ ha pɛ Jésus. Nɛ ha ndangtɛ ngimɔ ka gdanga sɔtɛ zɔka Jésus, a fesa bem, nɛ wɛnɛ teka nɛ kinsi tɛ nɛ nu. Puru nɛ tafu gboa ha nu wa, pum-pum.

Marc 9:25

Ka Jésus zɔka nde, hio wi wesara may nɛdɔka pen mɔ sɔngsi, a haa nu nɛngaya ha gdanga sɔtɛ nɛ a tɔa: «Mi haa nu ha mɛ, gdanga sɔtɛ ka gdɔki nu nɛ zala wi, mɛ gbo ha tɛ bem ɛngɛ, nɛ ka mɛ ale ha tɛ wa fin na!»

Marc 9:27

Ma, Jésus baa kɔ wa, a guo wɛnɛ gde ha ngɔn, nɛ wɛnɛ yola nzeng.

Gbasamɔ 12:12

Mɛgi, ngɔn nɛ hio wi ka de le ang, ɛnɛ ade totɛ! Ma, ngɔtɛ ha nu nɛ ha nana-litɔng, hazu Satan zilo nɛ ha pɛ ɛnɛ. Nɛ wɛnɛ nɛ gasa ngambi, hazu a ingɔ nde, yala pɛa dɔk fin na.»