Marc 9:25 - Takarata pɛ Sɔ Mbombe Mbon

²⁵ Ka Jésus zɔka nde, hio wi wesara may nɛdɔka pen mɔ sɔngsi, a haa nu nɛngaya ha gdanga sɔtɛ nɛ a tɔa: «Mi haa nu ha mɛ, gdanga sɔtɛ ka gdɔki nu nɛ zala wi, mɛ gbo ha tɛ bem ɛngɛ, nɛ ka mɛ ale ha tɛ wa fin na!»

Marc 9:25 Iomraidhean Croise

Matthieu 12:22

Hapata ɛ kuo ma wi tɛnɛ ha pɛ Jésus. Wɛnɛ nê wan-gdɔka li nɛ wan-gdɔka nu hazu gdanga sɔtɛ ha zang tɛ wa. Jésus kpasasa wi ɛngɛ, nɛ wɛnɛ angara zɔka mɔ nɛ wola mɔ.

Matthieu 17:18

Nɛ Jésus sɛna wen nɛngaya ha gdanga sɔtɛ, nɛ wɛnɛ gboa ha tɛ bem ɛngɛ. Mɛgi, zɛlɛ pɛa kara ha ndangtɛ ngimɔ.

Marc 9:15

Nɛ ha ndangtɛ ngimɔ, ka giliwi zɔka Jésus, mbwa yaksa nɛdɔka, nɛ mbwa sɔawi tɛ, tɛ fan wɛnɛ.

Marc 9:24

Nɛhasa, bafa mɛ bem ɛngɛ gdɔra nɛ tɔa: «Mi mɛkara Sɔ! Ma, mɛkaramɔ pɔm nɛ bebea. Mɛ gbakiri mi, ka mi amɛkiri Sɔ nɛkpasa.»

Marc 9:26

Nɛ gdanga sɔtɛ gdɔra, a fesa bem nɛngaya nɛ a gboa ha tɛ wa. Nɛ bem ɛngɛ dungɔ tuka a fea fe. Nɛ hio dɔka wi tɔa nde, a fea kari.

Dede Wen hazu Jésus-Christ ka Luc ngɛraka 11:14

Ma swe, Jésus yinɔ gdanga sɔtɛ, ka gdɔka nu ma wi, gbosisi ha tɛ wa. Ka gdanga sɔtɛ gboa, wi kɛ angara wolamɔ, nɛ giliwi yaksa nɛdɔka.

Dede Wen hazu Jésus-Christ ka Luc ngɛraka 4:35

Jésus sɛna wen ha gdanga sɔtɛ ɛngɛ nɛ tɔa: «Gdɔki nu mɛ, gbo ha tɛ wi kɛ!» Nɛ gdanga sɔtɛ pio wi ɛngɛ ha nu ha soko hio wi, nɛ gboa ha tɛ wa pen. Ma, a tɛ kɔmbiri wɛnɛ fin na.

Dede Wen hazu Jésus-Christ ka Luc ngɛraka 4:41

Hio gdanga sɔtɛ gboa ha tɛ dɔka wi nɛ gdɔra: «Mɛ nê *Bewei pɛ Sɔ!» Ma, Jésus gaya mbwa nde, ka mbwa awolmɔ na, hazu mbwa ingɔ fɛt nde, wɛnɛ nê *Mesi.

Dede Wen hazu Jésus-Christ ka Luc ngɛraka 9:42

Ka bem kɛ ha tɛa, gdanga sɔtɛ ngbaa wɛnɛ ha nu nɛ yo fesa wɛnɛ nɛngaya. Ma, Jésus sɛna wen nɛngaya ha gdanga sɔtɛ. A kpasasa bem ɛngɛ nɛ a haa wɛnɛ ha bafa wa.

Deamɔ 16:18

A dea tuka ɛngɛ yala nɛdɔka, kanɛ sila Paul yimɔ nɛkpasa. A kiforo tɛ zɔk bhoko ɛngɛ, nɛ a tɔa ha dua: «Nɛ ling Jésus-Christ, mi ha nu ha mɛ mɛ gbo ha tɛ wa pen!» Nɛ ha ndangtɛ ngimɔ dua gboa pen.

Jude 1:9

Ngase telenge Michel ka dung nê wan-zu hio telenge fɛt, tɛ de mɛgi na. Ha ngimɔ ka wɛnɛ dungɔ ha mɔya hinɛ *Satan hazu wɔl Moïse, Michel tɛ ba da mɛ gɔn kita fɛngsamɔ ha zu Satan na, ma, a tɔa sɔna nde, Kongawan andulsi mɛ.