Marc 9:18 - Takarata pɛ Sɔ Mbombe Mbon

¹⁸ Ha bhandi fɛt ka gdanga sɔtɛ ɛngɛ pi wɛnɛ ha nu, puru nɛ tafu gboa ha nu wa pum-pum. A yɔnga nzata wa nɛ tɛ wa fɛt tɛ bo kik-yili. Mi ana hio wan-yambimɔ pɛ mɛ nde, mbwa ayin gdanga sɔtɛ ɛngɛ gbosisi. Ma, mbwa bo nɛ ngatɛ mɛ yin wɛnɛ na.»

Marc 9:18 Iomraidhean Croise

Matthieu 15:22

Ma bhoko mɔ kandɔ Kanaan ka de le haki, tɛa ha pɛa nɛ gdɔra: «*Kongawan, *Bewei pɛ David, de kobhe tɛ mi wa! Gdanga sɔtɛ ha yeksa bem pɔm mɔ bebhoko nɛngaya.»

Matthieu 17:16

Mi kuo wɛnɛ tɛnɛ ha pɛ hio *wan-yambimɔ pɛ mɛ, ma, mbwa lɛm karsi zɛlɛ ɛngɛ ha tɛ wa na.»

Matthieu 8:12

Ma, ɛ ndɔng ka lɛma se mɛ dung ha Kongakandɔ pɛa, Sɔ bepi mbwa ha dɛl ha zang ngɛ-ngɛ-ngɛ tutum, haki mbwa behe kwa nɛ yɔng nzata.»

Marc 11:23

Kpasawen, mi tɔ ha ɛnɛ, ka ma wi tɔ ha ngari ɛngɛ: ‹Gutɛ, mɛ nɛ, nɛ tek ha nana-litɔng!› Nɛ ka wia si kafɛ ha sila wa na, ma, ka wɛnɛ mɛkara Sɔ nde, wen pɛa belɛmsiri tɛ, mɛgi Sɔ beha yo ha wɛnɛ.

Marc 9:17

Wi ndang ha soko gili kɔa nɛ tɔa ha Jésus: «Wan-osimɔ, mi kuo bem pɔm mɔ bewei tɛnɛ ha pɛ mɛ hazu ma gdanga sɔtɛ gdɔka nu wa.

Marc 9:19

Jésus kiforo wen ha mbwa: «Ɛnɛ, hio wan-sikafɛ nɛ Sɔ! Mi beba sila mi mɛ dung hinɛ ɛnɛ kanɛ nge ngimɔ ge? Ɛnɛ ku wɛnɛ tɛnɛ ha mi.»

Marc 9:20

Mbwa kuo bem ɛngɛ nɛnɛ ha pɛ Jésus. Nɛ ha ndangtɛ ngimɔ ka gdanga sɔtɛ zɔka Jésus, a fesa bem, nɛ wɛnɛ teka nɛ kinsi tɛ nɛ nu. Puru nɛ tafu gboa ha nu wa, pum-pum.

Marc 9:26

Nɛ gdanga sɔtɛ gdɔra, a fesa bem nɛngaya nɛ a gboa ha tɛ wa. Nɛ bem ɛngɛ dungɔ tuka a fea fe. Nɛ hio dɔka wi tɔa nde, a fea kari.

Deamɔ 7:54

Ka hio *wan-kpo zuwen zea wen ndɔng, sila mbwa yimɔ nɛ mbwa angara yɔnga nzata sungiri nɛ Etienne.

Jude 1:13

Mbwa dung tuka tongbasali ha li nana-litɔng. Gdangamɔ pɛ mbwa gboa tuka puru ka yal ha zu li li. Nɛ mbwa dung gbesi tuka hio sɔla ka sɔwi nɛtum nɛtum. Sɔ bhɔngara bhandi ngɛ-ngɛ-ngɛ tutum gde keri nɛ mbwa kari, nɛ mbwa bedung haki kpoo nɛ kpoo.