Marc 7:5 - Takarata pɛ Sɔ Mbombe Mbon

⁵ Mɛgi hio Farizien nɛ hio wan-osi mbonga ana Jésus: «Hio wan-yambimɔ pɛ mɛ pam ndɔki deamɔ pɛ hio ngbabafa ɔ na, hazu ge? Mbwa yɔngmɔ nɛ kɔ nɛ nzing hazu ge?»

Marc 7:5 Iomraidhean Croise

Matthieu 15:2

«Hio *wan-yambimɔ pɛ mɛ tukili osamɔ pɛ hio ngbabafa ɔ, hazu ge? Hazu sɔngsi yɔngamɔ, mbwa tay kɔ lɛm nɛ ndɔki deamɔ pɛ ɔ na.»

Marc 7:13

Tuka ɛngi, ɛnɛ kiforo wen pɛ Sɔ ha gbelemɔ. Ɛnɛ tɛ bo ha osa nɛ ndɔki deamɔ pɛ hio ngbabafa ɛnɛ ha bhandia. Nɛ ɛnɛ de fin mɔ nɛdɔka gbesi tuka mɔ ɛngɛ.»

Marc 7:8

Nɛ Jésus tɔa fin: «Ɛnɛ laka mbonga pɛ Sɔ gde, hazu gde ha bhandia ndɔki deamɔ pɛ wi!

Marc 7:9

Ɛnɛ nɛ zɛng mɛ mul mbonga pɛ Sɔ pi bhɔn hazu ndari ndɔki deamɔ pɛ ɛnɛ.

Deamɔ 21:21

Mbwa zea kasi nde, mɛ ha osa ha hio zuife, ka yambala ha soko hio mbing kandɔ, nde, ka mbwa apam fin mbonga pɛ Moïse na. Yo tɔ nde, mbwa agɔn sɔru bhobem fin na, nɛ mbwa andari ndɔki deamɔ pɛ hio zuife fin na.

Deamɔ 21:24

Sising, yala gɔnanu pɛ mbwa kara. Ɛnɛ nɛ hinɛ mbwa ha *gasa twa Sɔ nɛ sasisi tɛ ɛnɛ. Nɛ mɛ kpe mbɔli kpe bumɔzu mbwa. Mɛgi, hio wi fɛt being nde, wen ka mbwa zea hazu mɛ nɛ wen dalo, ma, mɛ fin ha pama mbonga pɛ Moïse.

Rome 4:12

Abraham dung fin nê bafa mɛ hio wan-gɔn sɔru ndɔng, ka gɔn sɔru mbwa nɛgbelea na, ma, ka nak pata ngbabafa mbwa, Abraham, nɛ ka mɛkara Sɔ tuka wɛnɛ dea sɔngsi nɛ gɔna sɔru wa.

Galasi 1:14

Mi bayambi mɔ hazu hio ndɔki deamɔ pɛ hio zuife pen hio olo zuife mɔ tanga pɔm. Nɛ mi gdea sila mi ha hio ndɔki deamɔ pɛ ngbabafa ɔ nɛkpasa pen mbwa fɛt.

2 Tesalonike 3:11

Ɔ tɔa wen mɛgi, hazu ɔ zea nde, hio pɔsa wi ang ha soko ɛnɛ ka de tom ndang na, nɛ ka pi nu ha wen pɛ hio wi nɛnɛ.

2 Tesalonike 3:6

Hio ya ɔ, ɔ ha nu ha ɛnɛ nɛ ling *Kongawan pɛ ɔ, Jésus-Christ nde, ɛnɛ adak tɛ ha tɛ hio ya ha Christ ndɔng, ka dung nɛ pɔsaa, nɛ ka pam osamɔ ka mbwa zea ha nu ɔ, na.