Marc 6:41 - Takarata pɛ Sɔ Mbombe Mbon

⁴¹ Hapata, Jésus baa mampa ndɔng mɔrkɔ nɛ kɔyɔ bwa. Wɛnɛ guo li ha ngɔn, nɛ wola dede wen ha zua. A gbinɔ mampa ndɔng, nɛ haa yo ha hio wan-yambimɔ nde, mbwa akapini yo ha hio giliwi. Nɛ wɛnɛ kapana fin kɔyɔ ndɔng ha hio wi fɛt.

Marc 6:41 Iomraidhean Croise

Matthieu 14:19

Hapata a haa nu nde, hio wi fɛt adungnu ha zu ndungulu. A kuo mampa ndɔng mɔrkɔ nɛ kɔyɔ bwa. A guoli ha ngɔn nɛ wola dede wen ha zua. A gbinɔ yo ha hio wan-yambimɔ nɛ mbwa kapana yo ha giliwi.

Matthieu 15:36

Hapata a baa hio mampa mɔrkɔ zanga bwa nɛ hio kɔyɔ ndɔng. A lukoso Sɔ hazua, nɛ a gbinɔ yo ha hio wan-yambimɔ, nɛ mbwa kapana yo ha hio giliwi.

Matthieu 26:26

Ka mbwa boka ha yɔngamɔ, Jésus baa mampa. Wɛnɛ wola dede wen ha zua, nɛ a gbinɔ yo ha hio wan-yambimɔ pɛa nɛ tɔa: «Ɛnɛ ku yo yɔng, ɛngɛ nê tɛ mi.»

Marc 14:22

Ka Jésus nɛ hio wan-yambimɔ pɛa boka ha yɔngamɔ, a baa mampa. Ka wɛnɛ wola dede wen ha zua, a gbinɔ yo ha hio wan-yambimɔ pɛa nɛ tɔa: «Ɛnɛ ba, ɛngɛ nê tɛ mi!»

Marc 6:40

Nɛ mbwa dungɔnu. Hio ma gɔmmay, gɔmmay, nɛ hio ma bhukɔa mɔrkɔ, bhukɔa mɔrkɔ.

Marc 6:42

Wi fɛt yɔnga yo nɛ zang mbwa dona.

Marc 7:34

Hapata, a guo li ha ngɔn, pesa ɔmi lɛng-kpɛng nɛ tɔa: «Efata!» Ɛngɛ tɔ nde, mɛ gbo long!

Marc 8:19

Ha ngimɔ ka mi kapana nɛ mampa mɔrkɔ ha soko hio wi tomay mɔrkɔ, ɛnɛ kaya hio titia don gɛsɛ ge?» Mbwa tɔa ha wɛnɛ: «Yo dona gɛsɛ bhukɔ gbala bwa.»

Dede Wen hazu Jésus-Christ ka Luc ngɛraka 24:30

Hapata Jésus dungɔ ha tabolo hinɛ mbwa. A baa mampa, a wola dede wen ha zua nɛ gbinɔ yo ha mbwa.

Dede Wen hazu Jésus-Christ ka Luc ngɛraka 9:16

Jésus kuo mampa ndɔng mɔrkɔ nɛ kɔyɔ ndɔng bwa. A guo li ha ngɔn, nɛ a wola dede wen ha zua. A gbinɔ yo, nɛ a haa yo ha hio wan-yambimɔ mɛ kapini ha giliwi.

Jean 11:41

Ɛ kinso ta yunɛ. Jésus guo li ha ngɔn nɛ wɛnɛ tɔa: «Bafa mi, mi lukisi mɛ hazu mɛ ha zea gɔamɔ pɔm.

Jean 17:1

Ka Jésus tɔa wen ndɔng fɛt kari, a guo li ha ngɔn nɛ a tɔa: «Bafa mi, ngimɔ lɛma kari. Mɛ gbasi *lɛkɛ-lɛkɛmɔ pɔm, Bewei pɛ mɛ, ha hio wi tuka nde, mi agbasi lɛkɛ-lɛkɛmɔ pɛ mɛ ha mbwa fin.

Jean 6:11

Jésus baa mampa ndɔng, a lukoso Sɔ hazua, nɛ a kapana yo ha hio giliwi ndɔng. A dea fin gbesi nɛ hio kɔyɔ ndɔng, nɛ hio wi yɔnga yo zang mbwa don.

Jean 6:23

Hio ma sɔngu guotɛ ha le Tiberiade nɛ hɔa sanga-sanga nɛ bhandi ka *Kongawan Jésus lukoso Sɔ ha zu mampa ka giliwi yɔnga.

Deamɔ 27:35

Hapata wen ndɔng, Paul baa mampa, nɛ lukoso Sɔ hazua ha li wi fɛt. A gbinɔ yo nɛ yɔnga.

Rome 14:6

Wi ka takiri nde, ma swe nɛ zioa pen mbinga, a de mɛgi hazu lukisi Kongawan. Wi ka yɔng tili yɔngamɔ fɛt, a tɔ oeba ha Sɔ hazua, nɛ wɛnɛ ha yɔnga yo hazu lukisi Kongawan. Wi ka zim hio ma tili yɔngamɔ, a de ka fin mɛgi gbesi hazu lukisi Kongawan, nɛ wɛnɛ fin ha tɔa oeba ha Sɔ.

1 Korente 10:31

Mɛgi, ka ɛnɛ yɔng ma mɔ, mana ɛnɛ nɔ ma mɔ, mana ɛnɛ de ma mɔ, lɛma nde, deamɔ pɛ ɛnɛ fɛt alukisi Sɔ.

Kolose 3:17

Nɛ mɔ fɛt ka ɛnɛ de, nɛ ka ɛnɛ wol, ɛnɛ ade yo nɛ ling Kongawan Jésus, nɛ ɛnɛ aha oeba ha Sɔ, Bafa, nɛ wal wɛnɛ.