Marc 6:15 - Takarata pɛ Sɔ Mbombe Mbon

¹⁵ Hio ma dungɔ ha tɔa: «Wɛnɛ nê *wan-tɔkuliwen *Elie, ka kiforo tɛ.» Hio ma tɔa: «Yo nê ma wan-tɔkuliwen gbesi ma ha soko ɛ ndɔng, ka badung sɔngsi bhee.»

Marc 6:15 Iomraidhean Croise

Matthieu 16:14

Mbwa kiforo wen: «Hio ma wi tɔ nde, mɛ nê *Jean wan-gdumsiwi. Hio ma nde, mɛ nê *Elie. Nɛ hio ma mbinga tɔ nde, mɛ nê Jérémie mana ma ndang ha soko hio *wan-tɔkuliwen.»

Matthieu 21:11

Nɛ giliwi kiforo wen: «Yo nê wan-tɔkuliwen Jésus, wi mɛ Nazaret, ha kandɔnu Galile.»

Marc 6:16

Ma, ka Herode zea wen ndɔng, a tɔa: «Wi kɛ nê Jean ka mi baha nu nde ɛ agɔn zu wa. Yo nê wɛnɛ ka guo fin tɛ nɛ zutunɔ.»

Marc 8:28

Mbwa kiforo wen ha wɛnɛ: «Hio ma wi tɔ nde, mɛ nê *Jean wan-gdumsiwi. Hio ma nde, mɛ nê *Elie. Nɛ hio ma mbinga tɔ nde, mɛ nê ma wi ndang ha soko hio *wan-tɔkuliwen.»

Dede Wen hazu Jésus-Christ ka Luc ngɛraka 1:17

Nɛ wɛnɛ bepen sɔngsi Sɔ tuka wan-nɛkasara. A bede yo nɛ sɔtɛ nɛ ngatɛ ka dungɔ se ha tɛ *wan-tɔkuliwen *Elie. Nɛ wɛnɛ bebhɔngiri soko hio gdibafa nɛ hio bem. A bede nde, hio wan-ngazu atakiri mɔ tuka hio *nzeng wi. Mɛgi wɛnɛ bebhɔngiri kandɔ Israel hazu tɛa pɛ Kongawan.»

Dede Wen hazu Jésus-Christ ka Luc ngɛraka 7:16

Ke baa wi fɛt. Mbwa lukoso Sɔ nɛ tɔa: «Gasa *wan-tɔkuliwen hɔa ha soko ɔ!» nɛ fin «Sɔ tɛa hazu kpasisi kandɔ pɛa!»

Dede Wen hazu Jésus-Christ ka Luc ngɛraka 7:39

Nɛ ka Farizien ɛngɛ ka saa Jésus, zɔka mɛgi, a takara ha sila wa nde, ka bo se nde, wi ɛngɛ abo nê *wan-tɔkuliwen, a ingɔ nde, bhoko ɛngɛ ka baa tɛ wa, nê bhoko-de mɔ nɛ tum.

Dede Wen hazu Jésus-Christ ka Luc ngɛraka 9:19

Hio wan-yambimɔ kiforo wen: «Hio ma wi tɔ nde, mɛ nê *Jean wan-gdumsiwi. Hio ma nde, mɛ nê *Elie. Nɛ hio ma mbinga nde, mɛ nê ma *wan-tɔkuliwen mɔ sɔngsi ka guotɛ ha soko hio fiowi.»

Dede Wen hazu Jésus-Christ ka Luc ngɛraka 9:8

Nɛ hio ma tɔa: «Yo nê *Elie ka guotɛ ha ngɔn tɛ», nɛ hio ma mbinga tɔa: «Yo nê ma *wan-tɔkuliwen mɔ sɔngsi ka guotɛ nɛ tunɔ fin.»

Jean 1:21

Mɛgi, mbwa ana wɛnɛ: «Ma, mɛ nê o? Mɛ nê *wan-tɔkuliwen *Elie nde?» Wɛnɛ kiforo wen ha mbwa: «Way, mi bo nê Elie na.» Mbwa ana wɛnɛ fin: «Mɛ nê wan-tɔkuliwen kɛ ka ɔ ha kera nde?» A kiforo wen ha mbwa: «Way, mi bo nê wɛnɛ na.»

Jean 1:25

Mbwa ana wɛnɛ fin: «Ka mɛ bo nê Mesi na, ngase Elie na, ngase wan-tɔkuliwen ɛngi na, ma, mɛ ha gdumso hio wi ha li hazu ge?»

Jean 6:14

Ka hio wi zɔka mɔweka ɛngi ka Jésus dea, mbwa tɔa: «Kpasawen, wei kɛ nê *wan-tɔkuliwen, ka ɛ batɔ sɔngsi nde, a betɛ bin ha nzan.»

Jean 7:40

Ka hio giliwi zea wen ndɔng, hio ma ha soko mbwa tɔa: «Kpasawen, wi kɛ nê *wan-tɔkuliwen kɛ, ka ɔ ha kera.»

Jean 9:17

Hio Farizien ana fin wei kɛ ka li wa gboa: «Pɛ mɛ, mɛ takiri nɛ ge hazu wei kɛ ka gbosasa li mɛ ge?» A kiforo wen ha mbwa: «Wɛnɛ nê *wan-tɔkuliwen.»