Marc 3:10 - Takarata pɛ Sɔ Mbombe Mbon

¹⁰ Hazu a kpasasa dɔka wan-zɛlɛ, mɛgi hio wan-zɛlɛ fɛt ha ilo may hazu tam tɛ wa.

Marc 3:10 Iomraidhean Croise

Matthieu 12:15

Ka Jésus ingɔ wen ɛngɛ, a laka bhandi ɛngi gde. Giliwi ndara wɛnɛ, nɛ a kpasasa hio wan-zɛlɛ fɛt.

Matthieu 14:14

Ka Jésus gboa ha sɔngu, wɛnɛ zɔka giliwi ndɔng. Nɛ sila wa doya nɛ kobhe hazu mbwa. Mɛgi wɛnɛ kpasasa hio wan-zɛlɛ ha soko mbwa.

Matthieu 14:36

Nɛ ɛ lokatɛ ha wɛnɛ nde, mbwa lɛma ndɔ sɔna nɛ ngbunzɛ-ngbunzɛ nu la pɛa. Nɛ wi ndɔng fɛt ka ndɔa yo, kpasa.

Matthieu 4:23

Ha ngimɔ ɛngi, Jésus yala zikiri kandɔnu Galile fɛt, nɛ wɛnɛ dungɔ ha bulo *Dede Wen *Kongakandɔ Ngɔn ha zang hio *twa gɔ Sɔ. Wɛnɛ dungɔ fin ha kpasasa hio wan-zɛlɛ nɛ hio kumɔ wi fɛt.

Marc 5:34

Nɛ Jésus tɔa ha wɛnɛ: «Nana mi, mɛ kpasa hazu mɛ mɛkara mi. Mɛ si nɛdedea. Zɛlɛ pɛ mɛ kara kari.»

Marc 6:56

Ha hio le ka Jésus yala ang fɛt, mana bebea, mana gasaa, mana nu fɔ, ɛ dungɔ ha gdea hio wan-zɛlɛ ha gbadɛl mɔ lea. Nɛ hio wi dungɔ ha lokatɛ ha Jésus nde, wɛnɛ agde hio wan-zɛlɛ andɔ ngbunzɛ-ngbunzɛ nu la pɛa sɔna. Nɛ wi ndɔng fɛt, ka ndɔa nu la pɛa, kpasa.

Marc 8:22

Jésus hinɛ hio *wan-yambimɔ pɛa hɔa ha le Betsaida. Nɛ hio wi kuo ma wan-gdɔka li tɛnɛ ha pɛa. Mbwa lokatɛ nde, wɛnɛ andɔ tɛ wa nɛ kpasisi wɛnɛ.

Dede Wen hazu Jésus-Christ ka Luc ngɛraka 5:3

Jésus lea sɔngu pɛ Simon Pierre nɛ a ana wɛnɛ mɛ il sɔngu yɛ nɛ nukolo tikiring. A dungɔnu ha zanga nɛ a osamɔ ha giliwi.

Dede Wen hazu Jésus-Christ ka Luc ngɛraka 6:19

Nɛ giliwi fɛt kio wal mɛ ndɔ tɛ wa, hazu ngatɛ mɛ karsi zɛlɛ gbo ha tɛ wa, nɛ a kpasasa hio wan-zɛlɛ fɛt.

Dede Wen hazu Jésus-Christ ka Luc ngɛraka 7:2

Haki, ma kagama-bulo dungɔ nɛ ma bala, ka wɛnɛ ngoya pentɛ. Nɛ bala ɛngɛ dungɔ nɛ zɛlɛ hapɛtɛ fio.

Dede Wen hazu Jésus-Christ ka Luc ngɛraka 7:21

Ha ndangtɛ ngimɔ, Jésus kpasasa hio dɔka wan-zɛlɛ nɛ wan-kumɔ. Nɛ wɛnɛ yinɔ fin hio gdanga sɔtɛ gbosisi ha tɛ hio wi, nɛ wɛnɛ gbosasa li hio dɔka wan-gdɔka li.

Deamɔ 5:15

Hio wi kuo hio wan-zɛlɛ tɛnɛ hapɛtɛ wal, nɛ piso mbwa ha li yala nɛ dele tuka nde, zizi tɛ Pierre agok hio ma, ka wɛnɛ ha pena.

Hebro 12:6

Hazu Kongawan ndulsi nɛ wi ka wɛnɛ ngoy. A zuri nɛ wi ndang ndang fɛt ka wɛnɛ baa tuka bewei pɛa.»