Marc 2:5 - Takarata pɛ Sɔ Mbombe Mbon

⁵ Ka Jésus zɔka nde wi ndɔng gdea tazu ha tɛ wa, a tɔa ha wan-zɛlɛ mɛla: «Dan mi, mi biso *sɛmbɔ pɛ mɛ kari!»

Marc 2:5 Iomraidhean Croise

Matthieu 9:2

Nɛ hio ma wi kuo ma wan-zɛlɛ mɛla nɛ lang, tɛnɛ ha wɛnɛ. Ka Jésus zɔka nde, mbwa mɛkara Sɔ nɛkpasa, a tɔa ha wan-zɛlɛ: «Dan mi, ba da! Mi biso *sɛmbɔ pɛ mɛ kari.»

Matthieu 9:22

Nɛ Jésus kiforo tɛ zɔk wɛnɛ, nɛ tɔa: «Nana mi, ba da! Mɛ kpasa hazu mɛ mɛkara mi.» Ha ndangtɛ ngimɔ, zɛlɛ pɛa kara.

Matthieu 9:5

Ka mi tɔ nde, ‹Mi biso sɛmbɔ pɛ mɛ kari›, mana ka mi tɔ nde, ‹Gutɛ, mɛ nɛ nɔ›, yo nê nge ka dung nɛ hasa mɛ tɔ, ge nde?

Marc 2:6

Hio ma *wan-osi mbonga dungɔ haki nɛ mbwa takara ha sila mbwa:

Marc 5:34

Nɛ Jésus tɔa ha wɛnɛ: «Nana mi, mɛ kpasa hazu mɛ mɛkara mi. Mɛ si nɛdedea. Zɛlɛ pɛ mɛ kara kari.»

Dede Wen hazu Jésus-Christ ka Luc ngɛraka 5:20

Ka Jésus zɔka nde, mbwa mɛkara Sɔ nɛ sila mbwa fɛt, a tɔa ha wan-zɛlɛ: «Dan mi, mi biso *sɛmbɔ pɛ mɛ kari.»

Dede Wen hazu Jésus-Christ ka Luc ngɛraka 8:48

Nɛ Jésus tɔa ha wɛnɛ: «Nana mi, mɛ kpasa hazu mɛ mɛkara mi. Mɛ si nɛdedea.»

Jean 2:25

Ma wi ndang lɛm tɔ goto deamɔ pɛ wi ha Jésus na, hazu wɛnɛ nɛ tɛ wa ingɔ mɔ ka dung ha zang sila wi fɛt.

Jean 5:14

Hapata, Jésus kpaa wei kɛ ha zang *gasa twa Sɔ. Nɛ a tɔa ha wɛnɛ: «Mɛ kpasa kari. Ka mɛ ade fin gdangamɔ na, yu nde, ma ngamɔ betɛ kpa mɛ pen mɔ sɔngsi.»

Deamɔ 11:23

Ka wɛnɛ hɔa, a zɔka nde, Sɔ dea *dede sila ha tɛ hio wi haki. A dea totɛ hazua pentɛ, nɛ a mboa mbwa fɛt nde, mbwa azati nɛ bhɔn nɛ mboazu ha li Kongawan.

Deamɔ 14:9

Ma swe, wei ɛngɛ dungɔ ha zea Paul ha bulo wen. Paul mbara wɛnɛ gdoo, nɛ zɔka nde, wɛnɛ nɛ mɛkaramɔ mɛ kpasi ha zɛlɛ pɛa.

Deamɔ 5:31

A guo wɛnɛ ha wekɔ wa nɛ gdea wɛnɛ tuka *kongapora nɛ *wan-kpasisi wi. Sɔ dea mɛgi hazu ha wal ha hio wi mɔ Israel mɛ kifiri sila mbwa tuka nde, wɛnɛ abisi *sɛmbɔ pɛ mbwa.

1 Korente 11:30

Yo nê hazu ɛngi, ka dɔka wi ha soko ɛnɛ nɛ zɛlɛ nɛ mɔka tɛ, nɛ ka hio ma mbinga fea.

2 Korente 2:10

Nɛ ka ɛnɛ ha tiso ha ma wi, mi bede fin gbesi. Ka ma mɔ ang, ka mi lɛma mɛ ha tiso hazua, mi dea yo kari ha li Christ hazu wen pɛ ɛnɛ.

Efeze 2:8

A kpasasa ɛnɛ nɛ wal dede sila pɛa ha ngimɔ ka ɛnɛ mɛkara Christ. A kpasasa ɛnɛ, bo hazu ɛnɛ dea dedemɔ na, ma, a kpasasa ɛnɛ nɛ gangtɛ.

Kolose 3:13

Ɛnɛ aba sila nɛ may, nɛ ɛnɛ abisi *sɛmbɔ pɛ may ngimɔ fɛt ka ɛnɛ nɛ ma wen sungiri nɛ may, gbesi tuka ka *Kongawan biso nɛ sɛmbɔ pɛ ɛnɛ fin.

Jacques 5:15

Ka mbwa gɔ Sɔ nɛ gdea tazu fɛt ha wɛnɛ, a bekpasisi wan-zɛlɛ. A bekifiri dede tɛ ha wia. Nɛ ka wɛnɛ bade gdangamɔ, Sɔ bebisi yo yunɛ.