Marc 2:20 - Takarata pɛ Sɔ Mbombe Mbon

²⁰ Ma, ma ngimɔ betɛ ka ɛ begu wei sibhoko ha soko mbwa yunɛ. Yo nê ha ngimɔ ɛngi ka mbwa bezim yɔngamɔ.»

Marc 2:20 Iomraidhean Croise

Matthieu 26:31

Hapata Jésus tɔa ha hio *wan-yambimɔ pɛa: «Ha zɛ ɛngɛ, ɛnɛ fɛt belak mi gde, hazu Sɔ tɔa ha zang takarata pɛa: ‹Mi begbɛ zaoro sami nɛ zugili sami bepanziki.›

Matthieu 9:15

Jésus kiforo wen ha mbwa: «Wi ndɔng ka ɛ sa ha yenga sibhoko, lɛma de ngɔtɛ ha ngimɔ ka wei sibhoko bhɔna hinɛ mbwa nde? Way! Ma, ma ngimɔ betɛ ka ɛ begu wɛnɛ ha soko mbwa yunɛ. Yo nê ha ngimɔ ɛngi ka mbwa bezim yɔngamɔ.

Marc 2:19

Jésus ana mbwa: «Hio wi, ka ɛ sa ha yenga sibhoko, lɛma zim yɔngamɔ ha ngimɔ, ka wei sibhoko ang hinɛ mbwa nde? Way. Ha ngimɔ fɛt ka wei sibhoko bhɔna hinɛ mbwa, mbwa lɛm zim yɔngamɔ na.

Marc 2:21

Nɛ Jésus tɔa fin ha mbwa: «Wi ndang lɛm ku titi nu mbombe la, ful ha tolo mɔa la na. Hazu ka ɛ fal la ɛngɛ, nu mbombe la betɛ kay tɛ, nɛ zuri ma nu mɔa la fin. Mɛgi toloa betɛ pɛsi pen mɔ sɔngsi.

Dede Wen hazu Jésus-Christ ka Luc ngɛraka 17:22

Hapata Jésus tɔa ha hio *wan-yambimɔ pɛa: «Ngimɔ betɛ ka ɛnɛ nɛ hɛl mɛ zɔk yala ndang sɔna, ka mi, *Bewei pɛ Wi, bedung *kongapora ang. Ma, ɛnɛ lɛm zɔk yo na.

Dede Wen hazu Jésus-Christ ka Luc ngɛraka 5:35

Ma, ma ngimɔ behɔ, ka ɛ begu wei sibhoko yunɛ ha soko mbwa. Yo nê ha ngimɔ ɛngi ka mbwa bezim bin yɔngamɔ.»

Jean 12:8

Hazu hio fabha wi dung hinɛ ɛnɛ kpoo. Ma, pɔm, mi lɛm dung hinɛ ɛnɛ kpoo na.»

Jean 13:33

Hio dan mi, mi lɛm dung hinɛ ɛnɛ pata yɛ fin na. Ɛnɛ beki mi. Ma, mi tɔ ha ɛnɛ ndangtɛ mɔ ka mi tɔa ha hio wan-le *zuife nde, ɛnɛ lɛm nɛ ha bhandi ka mi nɛ ang na.

Jean 16:28

Mi guotɛ ha pɛ Bafa mi tɛnɛ ha nzan. Sising mi ha guotɛ fin ha nzan hazu kifiri si ha pɛ Bafa mi.»

Jean 16:7

Mi tɔ kpasawen ha ɛnɛ nde, ka mi sio, yo bedung nê dedemɔ hazu ɛnɛ. Hazu, ka mi si na, ki wan-gbakiri ɛnɛ lɛm tɛ ha pɛ ɛnɛ na. Ma, ka mi sio, mi betomsi wɛnɛ ha ɛnɛ.

Jean 17:11

Sising, mi lɛm dung fin hakɛ ha nzan na. Mi ha kiforoa si ha pɛ mɛ. Ma, mbwa bebhɔn pɛ mbwa ha nzan. Nzɔy Bafa mi, mɛ haa ziomɔ pɛ ling mɛ ha mi. Mɛgi, mɛ pam hio wi pɔm nɛ wal ziomɔ ɛngɛ tuka nde, mbwa adung tɛ ndang gbesi tuka ka ɔ hinɛ mɛ, ɔ dung tɛ ndang.

Jean 17:13

Ma, sising, mi ha kiforo si ha pɛ mɛ. Mi tɔ wen ndɔng ha mbwa ha ngimɔ ka mi bhɔna ka hakɛ ha nzan, tuka nde, ndangtɛ totɛ ka dung ha sila mi, yo adung ha sila mbwa fin, nɛ tuka nde, totɛ pɛ mbwa alɛm wɛɛ.

Jean 3:29

Yo nê wan-sibhoko ka besi ko pɛa. Ma, dan mɛ wan-sibhoko nɛ totɛ ka wɛnɛ ze gɛl wa. Mɛgi, mi dung tuka dan mɛ wan-sibhoko, nɛ totɛ pɔm lɛma wɛɛ kari.

Deamɔ 1:9

Ka wɛnɛ tɔa wen ndɔng ha mbwa kari, a danga ha li mbwa fɛt si ha ngɔn. Nɛ buswe kuo wɛnɛ nɛ gdɔka pata wa ha li mbwa.

Deamɔ 14:23

Ha eglize ndang ndang fɛt, Paul nɛ Barnabas weka hio kotowi gde ha zu mbwa. Mbwa gɔa Sɔ nɛ zimɔ yɔngamɔ, nɛ mbwa gdea kotowi ndɔng ha kɔ *Kongawan, ka mbwa mɛkara ha wɛnɛ.

Deamɔ 3:21

Ma, Jésus bebhɔn ha ngɔn kanɛ ngimɔ ka Sɔ bhɔngara mɔ fɛt nɛ mbombea, gbesi tuka ka wɛnɛ batɔ se wena nɛ wal nu hio nzɔy wan-tɔkuliwen pɛa.

1 Korente 7:5

Ka ɛnɛ akafi may ha li yala na. Ma, ka ɛnɛ kpoa zuwen mɛ kafi baa yala ha ma ngimɔ hazu gɔ Sɔ, ɛnɛ lɛma de mɛgi. Nɛ hapata ngimɔ ɛngi, ɛnɛ akifiri tɛ dung hinɛ may yu nde, ngatɛ mɛ gan zu tɛ ɛnɛ betɛ kɔpi ɛnɛ, nɛ yu nde, *Satan betɛ osili ɛnɛ pi ha dea wanza.

2 Korente 11:2

Mi ha dea gula tɛ ɛnɛ, nɛ gula ɛngɛ tɛ nɛ wal Sɔ. Hazu ɛnɛ dung tuka bhinzi bhoko ka mi gɔna nu mɛ ha ha ma wei ndang, ka dung nê Christ.

2 Korente 11:27

Tɛ mi kata fɛt hazu ngatom pena tɛ mi. Ngimɔ nɛdɔka, mi tɛ kpa wal mɛ ɔ la na. Ngimɔ nɛdɔka mi fea wɔ, li nɛ yɔngamɔ kɔpa mi. Nɛ ngimɔ nɛdɔka la kɔpa mi, nɛ mi fea gangmɔ.

2 Korente 6:5

Hio wi ha mɛla ɔ, mbwa ha pio ɔ ha twa zɔbhɔ, nɛ mbwa ha dea woto-wotomɔ ha tɛ ɔ. Ɔ ha dea hio ngatom, ɔ kpa wal mɛ ɔ la na, nɛ yɔngamɔ ha kɔpa ɔ.

Gbasamɔ 19:7

Ɔ ade totɛ nɛ ɔ ade gaga! Ɔ aha *lɛkɛ-lɛkɛmɔ ha wɛnɛ! Hazu ngimɔ sio bhoko pɛ Besami hɔa kari, nɛ ko pɛa bhɔngara tɛ wa fɛt kari.

Gbasamɔ 21:9

Hapata, ma *telenge ndang tɛa ha pɔm. Wɛnɛ nê ma ndang ha soko ɛ ndɔng mɔrkɔ zanga bwa, ka baa ha kɔ mbwa hio kɔpɔ mɔrkɔ zanga bwa, ka dona nɛ hio kpogio kemɔ mɔrkɔ zanga bwa. A tɔa ha mi: «Mɛ tɛ ka mi aosi ha mɛ bhinzi bhoko ka bedung nê ko pɛ Besami.»